Hoşyar Sîweylî

(Hevbeşiya me ligel Herêma Kurdistanê kevirê bingehîn ê peywendiyên me bi Iraqê re dimîne).

Balyoz Tracey Jacobson, berbijara Serok Biden ji bo kursiyê balyozê Amerîka li Iraqê, derket pêşberî Komîteya Peywendiyên Derve ya Senatoya Amerîka û behsa hêlê giştî yên siyaset û bernameya xwe ya pêşerojê li Iraqê kir (eger Senato namzediya wê pesend bike).
Di beşeke axaftina xwe de wiha got: “Hevbeşiya me ya ligel Herêma Kurdistanê dê wek kevrê bingehê yê peywendiyên me yên li gel Iraqê bimîne, aramkirina peywendiyên navbera Hewlêr û Bexdayê dê sûdê bide hemû Iraqiyan. Eger berbijarbûna min biser ket dê hevbeşiya welatê xwe ligel Herêma Kurdistanê bihêztir bikim, ew jî di çarçoveya peywendiyên me ligel Iraqa Federal.”
Herwiha got jî: “Em dizanin ku metirsiya sereke ya li ser aramî û serweriya Iraqê ji komên milîs ên ku ser bi Îran ve tê... Eger ez bibim balyoz, ezê hemû amûrên siyaseta Amerîkayê ji bo şerê van grûpan bikar bînim.”
Xanim Tracey Jacobson ev 30 sal in di Wezareta Derve de ye û berê balyoza Amerîka bû li Turkmenistan, Tacîkistan û Kosovayê.
Balyoza niha ya Amerîkayê Alina Romanowski di 2ê Hezîrana 2022an de bû Balyoza Amerîkayê li Iraqê û dê du salan wek Balyoza Amerîkayê li Iraqê bimîne.
Danîna balyozan piştî ku serokê Amerîka balyoz destnîşan dike di çarçoveya desthilata Senatoyê de ye.