دهۆک -KDP.info- ئەمڕۆ بەبۆنەی 48مین ساڵوەگەڕی بەرپابوونی شۆڕشی گوڵانی پێشکەوتنخواز چەندین چالاکی بەڕێوەچوون و باس لە قۆناغی دەسپێکردنی شۆڕش کرا.
لە زۆربەی ناوچەکانی هەرێمی کوردستان، لەلایەن ئۆرگان و جەماوەری پارتی یادی 48 ساڵەی بەرپابوونی شۆڕشی گوڵان بەرز ڕاگیرا و بڕیارە لە ڕۆژانی داهاتوو چالاکییەکانی یادی شۆڕشی گولان بەردەوامییان هەبێت.
هەر ئەمڕۆ لە گوندی کەمەکای سەر بە پارێزگای دهۆک خێوەتگەیەک کرایەوە و بە ئامادەبوونی ژمارەیەکی بەرچاوی جەماوەری دهۆک یادی ئەو ڕۆژانە کرایەوە کە تێیدا پێشمەرگە بەرەنگاری گەورەترین ڕژێمی ئەو سەردەمە بووەوە.
هەر لە مەراسیمەکەدا سەربەست لەزگین بەرپرسی مەکتەبی ڕێکخستنی پارتی لە دهۆک و د.نەوزاد عەبوڵڵا بەرپرسی لقی یەکی پارتی تیشکیان خستە سەرقۆناغی دامەزراندنی شۆڕشی گوڵان و ئاماژەیان بۆ ئەوە کرد: دەستکەوتەکانی ئەمڕۆ بەرهەمی شۆڕشی گوڵانی پێشکەوتنخوازن.
ڕۆژی 26ی گوڵانی 1976 لە دەڤەری حاجی ئۆمەران شۆڕشی گوڵان دەستی پێکرد و سەید عەبدوڵای حاجی ئۆمەرانی وەک یەکەم شەهیدی شۆڕش ڕۆحی کردە قوربانی شۆڕش و کوردایەتی.
قائید میرۆ