Esrîn Aasî Şiwanî

Jinên Kurd di dîroka berxwedaniya gelê Kurd de di têkoşîna siyasî, civakî û çandî de bêhempa bûne. Bi awayekî ku neyarên Kurdan rastî şermezariyê kirne, bi ezmûn û serpêhatiyên xwe. Lewma jina Kurd mînakek bû ku diçirisî li dijî dagîrker û dijminên serdest. Keçeke Kurd çûye nava pelên dîrokê yên tije qehremanî, ku wêrekî û azatiya wê keçka şoreşvan, ku hişt erşê Bexda ewqasî biheje û dijmin ji tirsa ta bigrin, bi awayekî ku werîsê qirka wê ji heyet û zulf û kesayetiya wê şerim bike. Tenê ji ber daxwaz û mafên gelê wê beriya 50 salî, dijminan xwendekar Leyla Qasim bidar vekirin û Leyla jî sirûdên şoreşgerî digot û peyva Kurdistan li stûyê xwe dikişand. Dijmin bi şehîdkirina Leyla Qasim bi hezaran Leyla xist nava riya rizgariya Kurdistanê. Wê keça mêrxas û aza û rewşenbîr hêvî xist nava xwîna bi hezaran kur û keçên vî welatî û şoreşa Kurd ji her demê zêdetir bi hêztir bû û dijmin dişkenand. Êdî dijmin rastî şermezariyê dibû û şoreşa Kurdistanê gav bi gav axa Kurdistanê ji pîsiya reş a dijminan paqij dikir.

Heta ku Kurd xwedî şûrekî wiha bin, bêguman ala Kurdistanê wê her bibiriqe, ji ber ku Leyla Qasim li Bexdayê û di dilê dijmin de bû mîna bombeyeke demkî, û sirûda Kurdistan digot û ber bi werîsê gerdena xwe diçû. Werîs dixistin gerdena Leyla, lê wê tirs û lerz dixist dilê dijmin. Ew stêrkek geş bû ku heya niha jî dijmin şiyar in ku miletek xwedî zarokên wisa mêrxas be, qet serê xwe ji dijminan re danaxe.

Şehîd Leyla Qasim tevî ku canê wê bi daliqandinê ber bi şehadetê ve çû, lê bû beyt, helbest û sirûda her kesekî li Kurdistanê, herwiha tirseke mezin xist dilê dijminan û ew yek piştrast kir ku miletek xwedî Leylayekî wisa be, lê bi hezaran Leyla li pey xwe bihêle, û miletek tevî zordarî û astengiyên dijmin, dê karwanê wî her bighê cihê xwe û şermezarî jî her para dijminan e, lewma di vê rojê de û di asta meznahiya şehîda herdem sax a riya rizgariya Kurd û Kurdistan û rêbaza Barzan, serê xwe bo canê şehîd Leyla Qasim û tevahiya şehîdên riya rizgariya Kurdistanê ditewînim.