Em Qencên Xwe Jibîr Nakin: Hemza Begê Miksî

Nûçe yên PDK ■ Kurdistanî ■ Iraqî û Navdewletî

Media ya PDK ■ Media ya Kurdistanê ■ Media ya Derve

TUE, 9 APR 2024 19:31 | KDP.info

Konê Reş

Di roja 05.04.2024an de, (66) sal di ser koçkirina lehengê kurd (Hemza Begê Miksî) re derbas bû. Werin em wî bibîr bînin.. Ku ez û te wî bibîr neynin ma wê kî wî bibîr bîne?! Di baweriya min de, yê ku li kevnê xwe nepirse û di ser guhan re bavêje, zor e ku karibe tiştekî nû û çak ji civaka xwe re pêşkêş bike.. Em lehengên xwe jibîr nakin..

Di destpêka sala 1918an de Hemza Beg Miksî û Memdûh Selîm Wanlî li Stenbolê yekemîn rojnameya Kurd/ Tirkî bi navê (JÎN), weşandine.. Di destpêka çerxa 20an de, ew yek ji pêşengên rewşenîrên kurdan bû li Stenbolê.. Di sala 1946an de rêveberiya yekemîn dibistana fermî di parêzgeha Hesekî de kiriye.. Roja îro gora wî li gundê Dugirê, nêzîkî Qamişlo ye.. Dema ku di roja 05/04/1958an de koça dawî kir, helbestvanê mezin (Hejarê Mukiryanî), yê ku wê salê wek penaber li Tirbespiyê bû, ev nivîsandin li ser kêla ber serê wî nivîsandiye:

Mamoste Hemza Beg!

Rehberê fidakar!

Pir kes ji xew te kirine hişyar

Raze bi xoşî bes menale

Peyman elê me ew hewale

Rojî ku welat bijî bibînim

Ez mijde bi xo bo te bînim.

Min bihîst ku dostaniya wî û mamoste Enîs Hina Midêwayî/ 1926, xwediyê yekemîn pirtûkxaneyê li Qamişlo bi hev re hebû, ji bo bêtir pêzanînan li dor vê yekê, min xwe bi mamoste Enîs Hina ve gîhand û çend pirs li dor Hemza Begê Miksî jê kirin.

Wî ji min re wiha got: (Hemza Beg dostê bavê min bû, hêj li Antakyayê an Hatayê bûn hev nas dikirin.. Min jî di rêka bavê xwe re, ew naskir û dostaniya me bi hev re dirêj kir ta ku çû rehmetê.. Di sala 1946an de, dema ku Sûriyê serxwebûna xwe ji Fransiyan stand, hingê Wezareta Mearifa li Şamê, Mifetişiyek Mearifa li parêzgeha Hesekê di bin çavdêriya Memdûh Selîm Wanlî de vekir.. Ew yekemîn car bû di dîroka parêzgehê de ku tiştekî wiha ji bo ilm û zanînê li Cizîrê vedibe.. Hingî Memdûh Selîm ji bo wan kesên ku qonaxa seretayî bi dawî anîne, dibistanek amadeyî li Hesekê, di bin rêveberiya Hemza Begê Miksî de vekir, anku Hemza Beg rêveberê yekemîn dibistana fermî bû di parêzgeha Hesekê de û Memdûh Selîm Wanlî Mifetişê Mearifê bû di parêzgeha Hesekê de).

Gazinek ji tevgera siyasî û rewşenbî; ta niha min nebihîstiye kesî ji wan serdana gora vî lehengê kurd kiriye..! Tevî ku gora wî li gundê Dugirê ye, di bin guhê wan de ye..! Bi tenê Ji berî çend salan ve partiya Yekîtî ya Demokrat a Kurd li Sûriyê (Yekîtî), gora Hemza Beg restore kiriye.. Ez jî, ji dil pasiya wan dikim û di serê wan de nivîskar Newaf Bişar Abdullah.

Nûçeyên din

Serokê Herêma Kurdistanê : Pêwîst e hikûmeta Iraqê qerebûya malbatên enfalkiriyan bike

TUESDAY, 25 AUGUST 2026 16:08:57

Hewlêr-KDP.info: Serokê Herêma Kurdistanê Nêçîrvan Barzanî di 38emîn salvegera Enfala Badînanê de, daxwaz ji hikûmeta federal dike ku qerebûya madî û manewî ya malbatên qurbaniyên Enfalê bike. Herwiha tekez dike ku divê dîroka tijî tawan a borî bibe waneyek ji bo rêgirtin li her cûre sitemkariyekê li Iraqê.

Peyama Serok Barzanî di salvegera 38emîn a Enfala Badînanê de

TUESDAY, 25 AUGUST 2026 16:08:11

Hewlêr-KDP.info: Serok Barzanî di 38emîn salvegera Enfala Badînanê de radigihîne, di berdewamiya zincîra tawanên rejîma berê ya Iraqê de, di navbera 25ê Tebaxê heta 6ê Îlona 1988an de operasyoneke nemirovane û hovane li dijî gund û deverên Badînanê hat kirin ku tê de bi hezaran welatî komkuj û bêserûshûn bûn û bi sedan gund jî hatin wêrankirin. Serok Barzanî her wiha tekez dike ku, erkê li ser milê dewleta Iraqê ye qerebûya wan tawan û binpêkirinan bike."

Peyama Serokwezîrê Herêma Kurdistanê di salvegera Enfala Badînanê de

TUESDAY, 25 AUGUST 2026 12:08:50

Hewlêr-KDP.info: Îro 25ê Tebaxa 2026an, Serokwezîr Mesrûr Barzanî peyamek derbarê Enfala Badînanê de belav kir û ragihand: "Îro di 38emîn salvegera operasyonên bednav ên Enfala Behdînanê de, em bi rêz û hurmet qurbaniyên wê jenosîdê bibîr tînin. Divê hikûmeta federal qerebûya kesûkarên hemû qurbaniyan bike, em jî pabend in bi xizmetkirina zêdetir a kesûkarên şehîdan û enfalkiriyan."

Mesrûr Barzanî: Hêvîdar im salvegera jidayikbûna Pêxember çanda pêkvejiyanê kûrtir bike

TUESDAY, 25 AUGUST 2026 12:08:25

Hewlêr-KDP.info: Serokwezîrê Herêma Kurdistanê Mesrûr Barzanî, bi helkefta salvegera jidayikbûna Pêxemberê Îslamê Mihemed (silavên Xwedê lê bin), peyameke pîrozbahiyê pêşkêşî hemû misilmanên Kurdistan û cîhanê kir.

Peyama Serokê Herêma Kurdistanê di bîranîna jidayikbûna Pêxemberê Îslamê

TUESDAY, 25 AUGUST 2026 12:08:46

Hewlêr-KDP.info: Bi boneya hatina Cejna Mewlûdê û salvegera jidayikbûna Pêxemberê Îslamê, Serokê Herêma Kurdistanê peyameke pîrozbahiyê arasteyî hemû misilmanên Kurdistan, Iraq û cîhanê kir.

Peyama Serok Barzanî bi boneya 80emîn salvegera damezrandina Partiya Demokrat a Kurdistanê

Hewlêr-KDP.info: Serok Mesûd Barzanî bi helkefta 16ê Tebaxê salvegera jidayikbûna xwe û salvegera 80ê ya damezrandina Partiya Demokrat a Kurdistanê (PDK) peyameke pîrozbahiyê belav kir û tê de ragihand: "PDK di dîrok, niha û paşerojê de alavek e ji bo xizmetkirina xelkî û bicîhanîna amanc û behayên neteweyî û nîştimanî."

Peyamek ji Serok Barzanî

Hewlêr-KDP: Serok Barzanî êrişa li ser hêzên Pêşmergeyan "bi tundî" şermezar kir û ragihand, ew êrişeke dijminane ye û ti hincetê ranagire.

Peyamek ji Serokê Herêma Kurdistanê

Hewlêr-KDP.info: Serokê Herêma Kurdistanê Nêçîrvan Barzanî bi tundî êrîşên mûşekî yên Îranê yên li ser hêzên Pêşmerge şermezar kirin û ev êrîş wekî "destdirêjiyeke dijminane ya rasterast li ser serweriya welat" pênase kir.