Hewlêr-KDP.info- Serok Barzanî pêşwaziya Konsulê Giştî yê Fransayê li Hewlêrê dike û radigehîne, “PDK bi wê yekê re ye ku hilbijartin bi awayekî pakij û azad û bê desttêwerdan û dîzaynên pêşwext bi rê ve biçin û helwesta PDKê jî ji ber wê yekê bû ku pilana şkandina îradeya xelkê Kurdistanê ser negire”.
Serok Mesûd Barzanî Duşema 01ê Nîsana 2024ê li Pîrmamê pêşwaziya Konsulê Giştî yê Fransayê li Hewlêrê Yan Brem kir.
Di wê hevdîtinê de her du aliyan ronahî berda ser mijara hilbijartinên Perlemana Herêma Kurdistanê û helwest û têbîniyên PDKê li ser hilbijartinan. Konsulê Giştî yê Fransayê li Hewlêrê zêdebarî amajedana bi giringiya hilbijartinan li Herêma Kurdistanê ragehand ku, welatê wî bi wê yekê re ye ku Herêma Kurdistanê bihêz û seqamgir be û alozî û nîgeraniyên navbera aliyên wê yên siyasî bên çarekirin.
Konsulê Giştî yê Fransayê li Hewlêrê herwesa amadehiya welatê xwe jî ji bo alîkaîkirina aliyên Herêma Kurdistanê pêxemetî nehêlana qeyranên siyasî û çarekirina arêşeyan bi Hikûmeta Îraq re nîşan da.
Her di wê hevdîtinê de Serok Barzanî pesna rolê Fransayê kir ku piştevana doza gelê Kurdistanê bûye û peywendiya navbera gelê Kurdistanê û gelê Fransayê wekî peywendiyeka dîrokî û bêhempa wesifand.
Serok Barzanî tekez jî kir ku PDK damezrînera rewatî û hilbijartinên Herêma Kurdistanê bû, ev du sal bûn PDKê hemî bizav kirin ku hilbijartin di dema xwe de bên kirin lê rê li kirina hilbijartinan hat girtin, û bi awayekê eşkere pena ji bo destê derve û Dadgeha Federalî hat birin ku arêşe ji bo hilbijartinên pakij û zelal bên çêkirin.
Serok Barzanî herwiha got, “Bêparkirina pêkhatên neteweyî û olî ji hilbijartinan, bêparkirina bi sedan hezar dengderan ji dengdanê, bêparkirina Helebceyê ji hejmara rastîn a kursiyan û sepandina pilanên nedurist di hilbijartinan de wesa dikin ku hilbijartin nûnerîtiya dengên rastîn ên xelkê Kurdistanê nekin”.
Serok Barzanî eşkere jî kir, “PDK bi wê yekê re ye ku hilbijartin bi awayekî pakij û azad û bê desttêwerdan û dîzaynên pêşwext bi rê ve biçin û helwesta PDKê jî ji ber wê yekê bû ku pilana şkandina îradeya xelkê Kurdistanê ser negire”.
Serok Barzanî di pareka dî ya wê civînê de pêdivî zanî ku hemî kêmûkasiyên teknîkî û binpêkirinên destûrî û qanûnî bên çarekirin û îrade û dengê rastîn ê gelê Kurdistanê li dûrî pilan û encamên pêşwext ser bigire. Daxwaz jî kir ku Civaka Navdewletî ji bo çavdêrî û gerentîkirina hilbijartinan bi awayekî azad û rastîn, ku di xizmeta rewatî û dengê rastîn ê gelê Kurdistanê de be, alîkar be.
Hewlêr-KDP: Serok Barzanî êrişa li ser hêzên Pêşmergeyan "bi tundî" şermezar kir û ragihand, ew êrişeke dijminane ye û ti hincetê ranagire.
Hewlêr-KDP.info: Serokê Herêma Kurdistanê Nêçîrvan Barzanî bi tundî êrîşên mûşekî yên Îranê yên li ser hêzên Pêşmerge şermezar kirin û ev êrîş wekî "destdirêjiyeke dijminane ya rasterast li ser serweriya welat" pênase kir.
Hewlêr-KDP.info: îro 24ê Adarê, Serokwezîr Mesrûr Barzanî êrîşa "dijminane, xedr û xiyanetê" ya li ser baregehên Pêşmerge şermezar dike û daxwaza rawestandina van êrîşên dijminane dike.
Hewlêr-KDP.info : Wezareta Pêşmerge ragihand, di encama du êrîşên mûşekî yên Îranê de li sînorê Soranê, 6 Pêşmerge şehîd bûn û 30 Pêşmergeyên din jî birîndar bûn.
Hewlêr-KDP.info: Îro Yekşem, 22.03.2026, rêzdar Nêçîrvan Barzanî, Serokê Herêma Kurdistanê, bi boneya Cejna Newrozê, peyameke pîrozbahiyê ji birêz Hakan Fîdan, Wezîrê Derve yê Tirkiyeyê, wergirt.
Hewlêr-KDP.info: Îro Şemî 21/3/2026an, birêz Nêçîrvan Barzanî, Serokê Herêma Kurdistanê, peyamek pêşkêşî şahiya Newrozê ya Amedê kir. Di peyamê de tevî pîrozkirina Newrozê û sersala nû ya Kurdî, tekezî li ser girîngiya serêxistina aştiyê li Tirkiyê kir.