به‌رپرسی لقی 23ی قه‌ره‌چوغی پارتی دیموركاتی کوردستان له‌بارەی ڕەوشی چیای قه‌ره‌چوغ ئاماژه به‌وه ده‌كات پێشمه‌رگه له‌و ناوچانه ده‌مێنێته‌وه.
سه‌نگه‌ر كانه‌بی، بۆ ماڵپه‌ری فه‌رمی پارتی دیموكراتی كوردستان گوتی: "ئێستا دۆخی چیای قه‌ره‌چوغ زۆر ئارامه ئه‌و هێزه زیاده و ئه‌و چه‌كه قورسانەی له‌وێ بوون هه‌موویان پاشه‌كشه‌ین پێكراوە، به‌داخه‌وه دوای ئه‌و پێكدادانه‌ی له‌نێوان سوپای عێراق و پێشمه‌رگه له‌ماوه‌ی چه‌ند ڕۆژی ڕابردوو ڕوویدا دڵه‌ڕاوكێ ەناو خەڵکدا دروست بووبوو، به‌ڵام ئێستا له‌گه‌ڵ ئه‌و لێگه‌یشتنه‌ی هه‌یه ئه‌و دڵه‌راوكێیه ڕه‌واوه‌ته‌وه و بازاڕ و جوڵه‌ی بازار ده‌ستی پێكردووه‌ته‌وه ئه‌وه‌ی ڕوویدا هێزێكی ده‌ره‌وه‌ی پێشمه‌رگه و سوپای عێراق بوو وای كرد ئه‌و شه‌ڕه ته‌شه‌نه بسێنێت و له هه‌ردوولا گرژی دروست بێت.
سەنگەر كانه‌بی گوتی: به‌پێی ئه‌و ڕێككه‌وتنه‌ی هه‌یه هێزی عێراق له‌و شوێنانه ده‌كشێته‌وه و پێشمه‌رگه به‌درێژایی چیای قه‌ره‌چوغ ده‌مێنێته‌وه، ئه‌مه ڕێككه‌وتنی دوو حكوومه‌ته بۆ هیچ هێزێك نییه ڕێ لە جێبەجێکردنی بگرێت.