Kurdî  ■  كوردی  ■  عربي
SAT, 29 NOV 2025 06:23 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

لە هەولێر پارکێکی تازە دروست دەکرێت
| KDP.info


هەولێر_KDP.info_ بەڕێوەبەری ئەندازەی پارک و باخچەکانی هەولێر گوتی: حکوومەتی هەرێمی کوردستان زیاتر لە ملیارێک دیناری تەرخان کردووە بۆ ئەوەی پارکێک لە گەڕەکی ژیان لە هەولێر دروست بکرێت، لە چەند ڕۆژی داهاتوو دەست بە جێبەجێکردنی دەکرێت.

ڕێبین ئەحمەد، بەڕێوەبەری ئەندازەی پارک و باخچەکانی هەولێر، بۆ ماڵپەڕی فەرمیی پارتی دیموکراتی کوردستان گوتی: ڕەزامەندی دراوە لەسەر دروستکردنی پارکێکی گەورە لە گەڕەکی ژیان لە پارێزگای هەولێر، ئێستا ڕەزامەندی گەڕاوەتەوە و لە قۆناغی تەندەرین دایە، چاوەڕێ دەکرێت لەم ڕۆژانە تەندەری بکرێتەوە و بدرێتە کۆمپانیایەک و دەست بە جێبەجێکردن و دروستکردنی پارەکەکە بکرێت و خزمەتێکی باشی ئەو ناوچەیە بکات، خەڵکەکە سودێکی باشی لێوەردەگرن و فاکتەرێکیشە بۆ زیادبوونی ڕێژەی سەوزایی.
ڕێبین ئەحمەد گوتیشی: گوژمەی زیاتر لە ملیارێک دینار تەرخان کراوە بۆ دروستکردنی پارکێکی گەورە لە گەڕەکی ژیان لە پارێزگای هەولێر، بۆیە بەردەوام دەبین لەو جۆرە پڕۆژانە بۆ ئەوەی لە هەموو ناوچەکان پارک و باخچە هەبێت. ئەمەش لەکاتێکدایە، بەپێی پلانی سەرۆکایەتی شارەوانی هەولێر دەبێ بەردەوام پڕۆژە ئەنجام بدەن بۆ ئەوەی ڕێژەی سەوزایی لە پارێزگای هەولێر زیاد بکرێت.

بڵند ئیبراهیم




دوایین هەواڵەکان

پەیامی پیرۆزبایی ڕاگەیاندنی پارتی بە بۆنەی ٣٢ەمین ساڵیادی دامەزراندنی ڕادیۆی زاخۆ

FRIDAY, 28 NOVEMBER 2025 19:11:00

ھەولێر-KDP.info- بەشی ڕۆشنبیری و ڕاگەیاندنی پارتی دیموکراتی کوردستان، بە بۆنەی ساڵیادی دامەزراندنی ڕادیۆی زاخۆ، پەیامێکی پیرۆزبایی ئاراستەی بەڕێوەبەر و ستافی بەڕێوەبردن و کارمەندانی ڕادیۆی زاخۆ کرد.

تریفە عەزیز بۆ KDP باس له‌ بەرەوپێشچوونی پەیوەندیه‌كان و كردنه‌وه‌ی کۆنسووڵخانەی ئەمەریکا ده‌كات

FRIDAY, 28 NOVEMBER 2025 11:11:06

واشنتۆن-KDP.info- نوێنەری حكوومەتی هەرێمی كوردستان لە ئەمەریكا ڕایدەگەیەنێت، پەیوەندیی هەولێر و واشنتۆن بەردەوام لە بەهێزبووندایە و هەماهەنگییەکەش لە ڕووی ئاسایش و ئابوورییەوە ڕەنگی داوەتەوە. دەشڵێ، ئەمەریكا گەورەترین باڵیۆزخانەی خۆی لە هەولێر دەكاتەوە.

 
بەڕێوەبەری پۆلیسی هەولێر ئامانجی دەستپێکردنی ئەو قۆناغە نوێیەیان بۆ KDP ده‌خاته‌ڕوو

FRIDAY, 28 NOVEMBER 2025 10:11:35

هەولێر-KDP.info- بەڕێوەبەری پۆلیسی پارێزگای هەولێر ڕایدەگەیەنێت، قۆناغی کرداریی ڕیفۆرم لە پۆلیس بە هەماهەنگی و بەشداریی پۆلیسی ئەورووپی لە سنووری پارێزگای هەولێر دەستی پێکرد. دەشڵێ، لەم قۆناغەدا کار لە پێناو دروستکردنی پردی متمانە و ڕێز لە نێوان پۆلیس و هاووڵاتییاندا دەکەین.

 
ماڵپەڕی شێخان میدیا بە دۆمەینی www.shexanmedia.net دەستی بەوەشان کرد

FRIDAY, 28 NOVEMBER 2025 10:11:54

هەولێر-KDP.info- لە درێژەی هەنگاوەکانی بەشی ڕۆشنبیری و ڕاگەیاندنی پارتی دیموكراتی كوردستان، بۆ بەرەوپێشبردنی میدیا، ماڵپەڕی شێخان میدیا بە زمانەکانی کوردی - عەرەبی بە دۆمەینی www.shexanmedia.net دەستی بەوەشان کرد.

 
ڕاگەیەندراوێک لە وەزارەتی ناوخۆی حکوومەتی هەرێمی کوردستانەوە

THURSDAY, 27 NOVEMBER 2025 22:11:00

ھەولێر-KDP.info- وەزارەتی ناوخۆی ھەرێمی کوردستان ڕایگەیاند، ھێرشەکەی دوێنێ شەو بۆ سەر کێڵگەی گازی کۆرمۆر دەرئەنجامی ڕاستەوخۆی نەبوونی ڕێوشوێنی تووندە بەرامبەر بە ئەنجامدەرانی ھێرشەکانی پێشوو. بۆیە حکومەتی ھەرێمی کوردستان مافی خۆیەتی ھەموو ڕێوشوێنێکی پێویست بگرێتەبەر بۆ پاراستنی بەرژەوەندییە ئەمنی و ئابوورییەکانی، لە چوارچێوەی دەستوور و یاسادا.



 
© 2023 Kurdistan Democratic Party, KDP

Contact