دهۆك-KDP.info- د به‌رده‌وامیا بجهئینانا پرۆژێن نوى یێن خزمه‌تگۆزارى دا ل ده‌ڤه‌رێن جۆداجۆدا یێن پارێزگه‌ها دهۆكێ "پ.د.عه‌لى ته‌ته‌ر" پارێزگارێ دهۆكێ ئه‌ڤرۆ رۆژا پێنجشه‌مبى 25/5/2023 به‌رێ بنیاتى ب گوژمێ نێزیكى پێنج ملیار دیناران بۆ ژماره‌كا پرۆژێن خزمه‌تگۆزارى ل سنوورێ قه‌زا شێخان یا سه‌ر ب پارێزگه‌ها دهۆكێ ڤه‌ دانا.

ملله‌ت عسمه‌ت، سكرتێرێ رۆژنامه‌ڤانى یێ پارێزگارێ دهۆكێ بۆ ماڵپه‌رێ فه‌رمیێ پارتى دیموكراتى كوردستان ئاشكرا كر كو كاروانێ ئاڤه‌دانیێ و گه‌هاندنا خزمه‌تگۆزاریان ل سه‌رده‌مێ كابینا نه‌هێ یا حكومه‌تا هه‌رێما كوردستانێ بۆ هه‌مى ده‌ڤه‌رێن پارێزگه‌ها دهۆكێ بێ جوداهى یێ به‌رده‌وامه‌ و ئه‌ڤرۆ ژى پارێزگارێ دهۆكێ به‌رێ بنیاتى بۆ ژماره‌كا پرۆژێن خزمه‌تگۆزارى ب گوژمێ چار ملیار 757 ملیۆن دیناران ل هه‌ر ئێك ژ ناحیا قه‌سرۆك و ئه‌تریش و گوندێ گرمیشان ل سنوورێ قه‌زا شێخان یا سه‌ر ب پارێزگه‌ها دهۆكێ ڤه‌ دانا.

ناڤهاتى ئاماژه‌ دا وێ چه‌ندێ كو هنده‌ك ژ وان پرۆژێن ئه‌ڤرۆ به‌رێ بنیاتى بۆ ژ لایێ پارێزگارێ دهۆكێ ڤه‌ هاتیه‌ دانان هه‌تا رێژا 60% ژى كار تێدا هاتیه‌ ئه‌نجامدان و یێن دى ژى د قۆناغێن جۆداجۆدا یێن بجهئینانێ دانه‌، بتنێ پرۆژێ سه‌خبێركرنا رێیێن ناڤخۆ ل كۆمه‌لگه‌ها چره‌ و سه‌نته‌رێ ناحیا قه‌سرۆك مایه‌ كو ل ده‌مه‌كێ نێزیك دێ ئه‌ڤ پرۆژه‌ ژى كه‌ڤیته‌ د بوارێ بجهئینانێ دا و پرۆژێن دى ژى یێن كو نوكه‌ د قۆناغا بجهئینانێ دا د جۆراوجۆرن هه‌مى ئه‌و پرۆژه‌نه‌ یێن كو خه‌لك ب شێوه‌یه‌كێ گشتى دێ ژێ مفادار بیت.

رێوار محه‌مه‌د ره‌شید