بەغدا-KDP.info- سەرۆکی فراکسیۆنی پارتی دیموکراتی کوردستان لە پەرلەمانی عێراق گوتی، بڕیارە رۆژی دووشەممە پەرلەمانی عێراق کۆببێتەوە و تێیدا دەنگ لەسەر پڕۆژە یاسایی بوودجەی گشتی عێراق بدرێت.
دکتۆرە ڤیان سەبری، سەرۆکی فراکسیۆنی پارتی دیموکراتی کوردستان لە پەرلەمانی عێراق، بۆ ماڵپەڕی فەرمیی پارتی دیموکراتی کوردستان گوتی: "بڕیارە رۆژی دووشەممە پەرلەمانی عێراق کۆبوونەوە ئەنجامبدات و تێیدا دەنگ لەسەر پڕۆژە یاسایی بوودجەی گشتی عێراق بدات، تا ئەوکاتیش کارەکانی لیژنەی دارایی لەبارەی پڕۆژە یاسایی بوودجەی گشتی تەواو دەبن و ئامادە دەبێت بۆ دەنگدان".
دکتۆرە ڤیان سەبری گوتیشی: "لە لیژنەی دارایی ھێشتا دەنگ لەسەر پشکی ھەرێمی کوردستان نەدراوە و بڕیارە لە کۆبوونەوەی رۆژی دووشەممە یەکلایی بکرێتەوە و دەنگی لەسەر بدرێت".
بڕیاربوو ھەفتەی رابردوو دەنگ لەبارەی پڕۆژە یاسایی بوودجەی گشتی عێراق بدرێت، بەڵام بۆ ئەم ھەفتەیە دواخرا.
بڵند ئیبراھیم