"Deskeftiyên Kurdistanê ji berhema xebata Barzaniyê Nemir in"

Nûçe yên PDK ■ Kurdistanî ■ Iraqî û Navdewletî

Media ya PDK ■ Media ya Kurdistanê ■ Media ya Derve

TUE, 14 MAR 2023 18:45 | KDP.info

Duhok-KDP.info– Îro 120 saliya jidayîkbûna Barzaniyê Nemir bavê ruhanî yê neteweya Kurd e, Pêşmergeyên herdu şoreşên Îlon û Gulanê jî dibêjin, pêwîst e û erk e jî ku hemû Kurdek li ser rêbaza pîroz a Barzaniyê Nemir berdewam be ji bo ku Kurd bighên hemû mafên xwe, ji ber ku ew destkeftên niha berhema xebata Barzaniyê Nemir in.

Pêşmergeyê herdu şoreşên Îlon û Gulanê Sidîq Goran ji malpera fermî ya Partiya Demokrat a Kurdistanê KDP.info re ragihand: “Îro 120 sal bi ser jidayîkbûna Barzaniyê Nemir bavê ruhî yê neteweya Kurd derbas dibe, ku rojeke geş e ji bo Başûrê Kurdistanê. Ji bo herçar parçeyên Kurdistanê rojeke geş e, ji ber vê yekê divê em hemû li ser rê û rêbaza pîroz a Barzaniyê Nemir berdewam bin û em xizmeta vê rêbazê bikin, heya ku em bigihin hemû daxwaz û mafên xwe yên ji ber ku Barzanî dibistanek bû ji bo hemû parçeyên Kurdistanê.”

Sidîq Goran wiha got: “Barzaniyê Nemir serkirdeyekî netewî û niştimanperwer bû û ti cudahî nedikirin, xwe pêşmerge dihesiband û li kêleka Pêşmerge xebat dikir, jiyana wî jî ji ya Pêşmergeyan cuda nebû û hertim xizmeta gelê Kurd dikir. Ez bi xwe jî gelek caran pê re rûniştime, li Nexde û li Kerec û li Qesrê. Gelekî vekirî bû û herdem em şîret dikirin û digot li ser xebatê ji bo mafên gelê Kurd berdewam bin. Niha jî mezintirîn destkeft ji bo gelê Kurd bi dest hatiye peymana 11ê Adara 1970ê ye ku ez endamê rêxistina partiyê bûm û ez 23 salî bûm, lewma ew peyman baş tê bîra min.”

Wî pêşmergeyê dêrîn wiha got: “Divê em hemû li ser vê rê û rêbaza pîroz berdewam bin û helbet destkeftên me ji berhema xebat û têkoşîna Barzaniyê Nemir in, lewra niha bêyî Serok Barzanî û vê rêbazê dê çareserkirina kêşeyan zehmet be, ji ber wê jî pêwîstiya me bi vê rêbazî her heye ji bo ku em hemû mafên gelê Kurd bidest bînin.”

Ji aliyê xwe ve, pêşmergeyê herdu şoreşên Îlon û Gulanê Ebdulqadir Mihemed Mensûr ji malpera fermî ya Partiya Demokrata Kurdistanê KDP.info re ragihand: “Em hîn li ser rêbaza pîroz a Barzaniyê Nemir in. Erkê me ye ku em wek Barzanî ligel hejar, cotkar, karker û hemû çînên din bin. Divê em hertim pêbendî vê rêbazê bin, ji ber ku xebata Barzanî hertim ji bo bidestxistina mafên gelê Kurd bûye.”

Wî pêşmergeyê dêrîn wiha got: “Destkeftên niha ji berhema têkoşîna Barzaniyê nemir in, ji ber wê jî erkê me ye ku em heman rê û rêbazê bişopînin da ku destkeftên zêdetir ji bo gelê Kurd bidest bixin, ji ber ku wê demê Qazî Mihemed ji Barzanîyê nemir re gotibû ezê bêm bidarvekirin û Ala Kurdisatanê da Barzaniyê Nemir. Barzaniyê Nemir yê hemû perçeyên Kurdistanê bû, ne tenê Başûrê Kurdistanê.”

Ebdulqadir Mihemed Mensûr wiha got: “Em beşdarî hemû şoreşan bûne û şoreşên bi serokatiya Barzaniyê Nemir hemû ji bo bidestxistina mafên gelê Kurd bûne û piraniya destkeftan bi destên nemir Barzanî hatine bidestxistin.”

Nûçeyên din

Serok Barzanî pêşwaziyê li Serokê Desteya Destpakî ya Iraqê û şandeke pê re kir

WEDNESDAY, 26 AUGUST 2026 22:08:00

Hewlêr-KDP.info: Roja Çarşemê 26ê Tebaxa 2026an, li Pîrmamê Serok Mesûd Barzanî pêşwaziyê li birêz Dr. Mihemed Elî Ellamî Serokê Desteya Destpakî ya Iraqê û şandeke pê re kir.

Serokê Herêma Kurdistanê : Pêwîst e hikûmeta Iraqê qerebûya malbatên enfalkiriyan bike

TUESDAY, 25 AUGUST 2026 16:08:57

Hewlêr-KDP.info: Serokê Herêma Kurdistanê Nêçîrvan Barzanî di 38emîn salvegera Enfala Badînanê de, daxwaz ji hikûmeta federal dike ku qerebûya madî û manewî ya malbatên qurbaniyên Enfalê bike. Herwiha tekez dike ku divê dîroka tijî tawan a borî bibe waneyek ji bo rêgirtin li her cûre sitemkariyekê li Iraqê.

Peyama Serok Barzanî di salvegera 38emîn a Enfala Badînanê de

TUESDAY, 25 AUGUST 2026 16:08:11

Hewlêr-KDP.info: Serok Barzanî di 38emîn salvegera Enfala Badînanê de radigihîne, di berdewamiya zincîra tawanên rejîma berê ya Iraqê de, di navbera 25ê Tebaxê heta 6ê Îlona 1988an de operasyoneke nemirovane û hovane li dijî gund û deverên Badînanê hat kirin ku tê de bi hezaran welatî komkuj û bêserûshûn bûn û bi sedan gund jî hatin wêrankirin. Serok Barzanî her wiha tekez dike ku, erkê li ser milê dewleta Iraqê ye qerebûya wan tawan û binpêkirinan bike."

Peyama Serokwezîrê Herêma Kurdistanê di salvegera Enfala Badînanê de

TUESDAY, 25 AUGUST 2026 12:08:50

Hewlêr-KDP.info: Îro 25ê Tebaxa 2026an, Serokwezîr Mesrûr Barzanî peyamek derbarê Enfala Badînanê de belav kir û ragihand: "Îro di 38emîn salvegera operasyonên bednav ên Enfala Behdînanê de, em bi rêz û hurmet qurbaniyên wê jenosîdê bibîr tînin. Divê hikûmeta federal qerebûya kesûkarên hemû qurbaniyan bike, em jî pabend in bi xizmetkirina zêdetir a kesûkarên şehîdan û enfalkiriyan."

Mesrûr Barzanî: Hêvîdar im salvegera jidayikbûna Pêxember çanda pêkvejiyanê kûrtir bike

TUESDAY, 25 AUGUST 2026 12:08:25

Hewlêr-KDP.info: Serokwezîrê Herêma Kurdistanê Mesrûr Barzanî, bi helkefta salvegera jidayikbûna Pêxemberê Îslamê Mihemed (silavên Xwedê lê bin), peyameke pîrozbahiyê pêşkêşî hemû misilmanên Kurdistan û cîhanê kir.

Peyama Serok Barzanî bi boneya 80emîn salvegera damezrandina Partiya Demokrat a Kurdistanê

Hewlêr-KDP.info: Serok Mesûd Barzanî bi helkefta 16ê Tebaxê salvegera jidayikbûna xwe û salvegera 80ê ya damezrandina Partiya Demokrat a Kurdistanê (PDK) peyameke pîrozbahiyê belav kir û tê de ragihand: "PDK di dîrok, niha û paşerojê de alavek e ji bo xizmetkirina xelkî û bicîhanîna amanc û behayên neteweyî û nîştimanî."

Peyamek ji Serok Barzanî

Hewlêr-KDP: Serok Barzanî êrişa li ser hêzên Pêşmergeyan "bi tundî" şermezar kir û ragihand, ew êrişeke dijminane ye û ti hincetê ranagire.

Peyamek ji Serokê Herêma Kurdistanê

Hewlêr-KDP.info: Serokê Herêma Kurdistanê Nêçîrvan Barzanî bi tundî êrîşên mûşekî yên Îranê yên li ser hêzên Pêşmerge şermezar kirin û ev êrîş wekî "destdirêjiyeke dijminane ya rasterast li ser serweriya welat" pênase kir.