Nêçîrvan Barzanî pêşwazî li Konsulê Giştî yê Amerîkayê kir

Nûçe yên PDK ■ Kurdistanî ■ Iraqî û Navdewletî

Media ya PDK ■ Media ya Kurdistanê ■ Media ya Derve

WED, 1 FEB 2023 16:51 | KDP.info

Hewlêr-KDP.info- Nêçîrvan Barzanî Serokê Herêma Kurdistanê, roja çarşemê 01.02.2023 ê li bajarê Hewlêrê, pêşwaziya birêz Irvin Hicks Jr Konsulê Giştî yê Amerîkayê yê Herêma Kurdistanê kir.

Di civînê de pêşhatên dawî yên siyasî yên Herêma Kurdistanê û hevdîtin û civînên Partiya Demokrata Kurdistanê (PDK) û Yekîtiya Niştimanî ya Kurdistanê (YNK) hatin gotûbêjkirin. Di vê derbarê de Konsulê Amerîkayê pêşwazî û piştgîriya welatê xwe ji bo diyalog û hewlên çareserkirina pirsgirêkên her du aliyan nîşan da û tekez li ser wê yekê kir ku Amerîka girîngiyeke mezin bi têkiliyên xwe yên digel Herêma Kurdistanê dide.

Proseya çaksaziyê û rêkxistina Pêşmerge mijareke dinê civînê bû. Serok Nêçîrvan Barzanî balkişand li ser berdewamî û serkeftina proseyê û spasiya hevkarî û piştevaniya Amerîkayê jî di vê derbarê de kir. Ji aliyê xwe ve Konsulê Giştî yê Amerîkayê girîngiya welatê xwe ji bo proseyê û bilezkirina wê diyar kir

Her li vê hevdîtinê de behsa pirsgirêkên navbera Hewlêr û Bexdayê, karkirina ji bo serdana şandeke bazirganiyê ya Amerîkayê bo Herêma Kurdistanê, pirsa mafên mirovan, azadiya rojnamevanî û ragihandinê û çendîn mijarên din ên ku di berjewendiya hevbeş de ne, hatin gotûbêjkirin.

Nûçeyên din

Mesrûr Barzanî û Mihemmed bin Zayid parastina ewlehiya deverê tekez kir

WEDNESDAY, 02 SEPTEMBER 2026 00:09:00

Hewlêr-KDP.info:îro Sêşemê, 1ê Îlona 2026ê, Serokê Hikûmeta Herêma Kurdistanê Mesrûr Barzanî , li bajarê Ebû Dabiyê ligel Serokê Mîrgehên Erebî yên Yekbûyî Mihemmed bin Zayid Al Nehyan civîya.

Serok Barzanî sersaxiyê ji binemala Dr. Ebdulfetah Botanî re dixwaze

WEDNESDAY, 02 SEPTEMBER 2026 00:09:00

Hewlêr-KDP.info: îro Sêşemê, 1ê Îlona 2026ê ,Serok Mesûd Barzanî, ji bo koça dawiyê ya nivîskar, akademîsyen, dîroknasê Kurd û .Serokê berê yê Akademiya Kurdî Dr.Ebdulfetah Botanî, peyameke hevxemiyê belav kir.

Serokwezîr Masrûr Barzanî gihîşt Îmaratê

TUESDAY, 01 SEPTEMBER 2026 16:09:33

Hewlêr-KDP.info: îro sêşemê, Serokê Hikûmeta Herêma Kurdistanê Masrûr Barzanî, bi serdaneke fermî gihîşt Ebû Zebî ya paytexta Mîrnişînên Erebî yên Yekbûyî.

Mesrûr Barzanî sersaxiyê li Louîs Sako dike

MONDAY, 31 AUGUST 2026 16:08:14

Hewlêr-KDP.info: Serokwezîrê Herêma Kurdistanê di peyamekê de bo koça dawî ya birayê wî (Lazar Sako), hevxemiya xwe ji bo Mar Louis Sako, Kardînalê Dêra Katolîk û Patriyarkê Kildanî nîşan da.

Peyama sersaxiyê ya Serok Barzanî bo Kardînal Luîs Sako

MONDAY, 31 AUGUST 2026 09:08:54

Hewlêr-KDP.info : Serok Mesûd Barzanî bi boneya koça dawî ya (Lazar Sako) birayê Kardînal Luîs Sako, peyameke sersaxiyê arasteyî cenabê wî û malbata wî kir. Serok Barzanî di peyama xwe de hevxemiya xwe nîşan da û ji Xwedayê mezin daxwaz kir ku sebir û aramiyê bide malbata wan.

Peyama Serok Barzanî bi boneya 80emîn salvegera damezrandina Partiya Demokrat a Kurdistanê

Hewlêr-KDP.info: Serok Mesûd Barzanî bi helkefta 16ê Tebaxê salvegera jidayikbûna xwe û salvegera 80ê ya damezrandina Partiya Demokrat a Kurdistanê (PDK) peyameke pîrozbahiyê belav kir û tê de ragihand: "PDK di dîrok, niha û paşerojê de alavek e ji bo xizmetkirina xelkî û bicîhanîna amanc û behayên neteweyî û nîştimanî."

Peyamek ji Serok Barzanî

Hewlêr-KDP: Serok Barzanî êrişa li ser hêzên Pêşmergeyan "bi tundî" şermezar kir û ragihand, ew êrişeke dijminane ye û ti hincetê ranagire.

Peyamek ji Serokê Herêma Kurdistanê

Hewlêr-KDP.info: Serokê Herêma Kurdistanê Nêçîrvan Barzanî bi tundî êrîşên mûşekî yên Îranê yên li ser hêzên Pêşmerge şermezar kirin û ev êrîş wekî "destdirêjiyeke dijminane ya rasterast li ser serweriya welat" pênase kir.