ھۆشیار سیوەیلی

برێـــت مەکگـــۆرک جارێکی تر هاتەوە بەغدا و هەولێـــر، ئەم جارە وەک جێگری یاریدەدەری سەرۆکی ئەمەریکا و ڕێکخەری کاروباری ڕۆژهەڵاتی ناڤین و باکووری ئەفریقا لە کۆشـــکی سپی. لەناو شاندەکەیدا ڕێکخەری ئاسایشی جیهانیی ژێرخان و ووزەی لەگەڵدا بوو. ســـەردانەکە چەند ئامانجێکی هەبـــوو. گرنگترینیـــان ئامادەکارییە بۆ کۆبوونەوەی دەوری لیژنەی باڵای هەماهەنگی جێبەجێکردنی ڕێکەوتننامەی چوارچێوەی ســـتراتیژی کە بڕیـــارە مانگی داهاتوو لە واشـــینگتۆن بە سەرۆکایەتی هەردوو وەزیری دەرەوە ئەنجام بدرێت بە تایبەتی مەسەلەی مانـــەوەی هێزەکانی ئەمەریکا لە عێـــراق و بابەتی بە قاچاخبردنی دۆلار بۆ ئێران و ســـووریا کە بۆتە هۆی بەرزبوونەوەی نرخی دۆلار و هەندێک لایەنی شیعەی ولائی بە دەسیسەی ئەمەریکای دەزانن. هەڵبەتە هەمیشە مەســـەلەی داعـــش و پەیوەندییەکانی نێوان هەولێـــر و بەغدا لە کاتی گفتوگۆکاندا لە هەردوو پایتەخت بابەتی گفتوگۆ و ڕاگۆڕینەوەن. ئەم ســـەردانە بۆ هەرێمی کوردستان گرنگە بە تایبەتی کاتێک ویلایەتە یەکگرتووەکانی ئەمەریکا لەو ئاســـتەدا جارێکی تر پشتگیری خۆیان بۆ هەرێمی کوردستان دوپاتدەکەنەوە و گرنگی زیاتری ئەمجارەیان لەوەدایە کە نێردەی تایبەتی ســـەرۆکایەتی بۆ ئاسایشـــی ژێرخان و ووزە لەگەڵ شـــاندەکەیە. بێگومان بابەتـــی ووزە و هەوڵەکانی هـــەردوو حکومەتی فیدراڵـــی و هەرێم بۆ ڕێکەوتن لەســـەر یاســـای نەوت و غـــاز لە لایەن ئەمەریـــکاوە گرنگی زۆری پێ دەدرێت و هـــەردوو لا هاندەدەن تا لەو ڕوەوە بگەنە ڕێکەوتن. کێشەکانی ناوخۆی هەرێمی کوردستان و کاریگەریی ئەم کێشانە بۆ سەر ئاسایشـــی کوردســـتان و ئەدا و کاری حکومەت، بە تایبەتی بەرنامەی چاکسازی و یەکخستنی هیزی پێشمەرگە و بەرەوپێشچوونی گفتوگۆکان لەگـــەڵ بەغدا، جێگـــەی نیگەرانی ئیدارەی ئەمریکایـــە و بە یەکێک لە کۆسپە ســـەرەکییەکانی بەردەم جێبەجێکردنی بەرنامەکانیان دەزانن لە هەرێم و لە عێراق و تەنانەت لە ســـووریاش. بۆیە هەمیشـــە داوادەکەن یەکێتـــی و تەبایی هەبێـــت و بوار بدرێتـــە دەزگا فەرمییەکانی هەرێمی کوردستان تا بە شێوەیەکی پیشەیی بێلایەنیی حیزبی کار و ئەرکەکانیان جێبەجێ بکەن. بێگومان ئەمە بەر لەوەی لە بەرژەوەندی ئەواندا بێت لە بەرژەوەندیی ئێستا و ئایندەی گەلی کوردستانە.