Kurdî  ■  كوردی  ■  عربي
SAT, 29 NOV 2025 09:07 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

بابەکر زێباری: ژمارەی پاسەوانانی سنوور زیاد دەکرێن
| KDP.info


هەولێر -KDP.info- ڕاوێژکاری سەربازیی سەرۆکی ھەرێمی کوردستان ئاشکرای کرد، وڵاتانی دەوروبەر بەئەنقەست سنووری خۆیان لەگەڵ ھەرێمی کوردستان کۆنتڕۆڵ ناکەن و دەشڵێت، ژمارەی پاسەوانانی سنوور زیاد دەکرێن و کاریگەرییان ھەیە لە دانانی خاڵی سنووری.

بابەکر زێباری، ڕاوێژکاری سەربازیی سەرۆکی ھەرێمی کوردستان، بە ماڵپەڕی فەرمیی پارتی دیموکراتی کوردستانی ڕاگەیاند: "وڵاتانی دەوروبەر بەھانە دروست دەکەن بەرامبەر بە ھەرێمی کوردستان، وڵاتی ئێران لە ناوچەی خواکۆڕکەوە تا سنووری ئەرمینیا و پاکستان و ئەفغانستان ھەمووی تەلبەند کردووە و سنووری کۆنتڕۆڵ کردووە، با سنووری خۆیان لەگەڵ ھەرێمی کوردستانیش بە ھەمان شێوە کۆنتڕۆڵ بکەن بۆ نەھێشتنی ئاڵۆزییەکانی سەر سنوور، تورکیاش بە ھەمان شێوە پێویستە خۆی سنووری خۆی کۆنتڕۆڵ بکات، چونکە پێویستە ئەو وڵاتانە سنووری خۆیان بپارێزن، خۆ ئێمە بۆیان ناپارێزین.''

ڕاوێژکاری سەربازیی سەرۆکی ھەرێم گوتیشی: "وڵاتانی دەوروبەر بەئەنقەست سنووری خۆیان لەگەڵ ھەرێمی کوردستان کۆنتڕۆڵ ناکەن، ئەگەر بەئەنقەست نەبێت بۆچی تورکیا سنووری خۆی لەگەڵ وڵاتانی دیکە بە درێژاییی زیاتر لە ٩٠٠ کیلۆمەتر بە شێوەیەک توند کردووە مشکیش ناتوانێت دەرباز بێت لە سنوور، لەگەڵ ئێرانیش تورکیا ٧٠٠ کیلۆمەتری کۆنتڕۆڵ کردووە، بەڵام پرسیار لەوەدایە بۆچی تورکیا سنووری خۆی لەگەڵ ھەرێمی کوردستان کە ٣٠٠ کیلۆمەترە، کۆنتڕۆڵی ناکات.''

بابەکر زێباری ئاماژەی بۆ ئەوەش کرد: "سێ لیوای پاسەوانیی سنوور لە ھەرێمی کوردستان ھەن و سەر بە حکوومەتی فیدڕاڵین، پاسەوانی سنوور ڕۆڵی ھەیە لە دانانی بنکەی سنووری، بەڵێنی ئەوەشیان پێ داوین ژمارەی پاسەوانی سنوور زیاد بکرێن لە ھەرێمی کوردستان، ئەوەیش کاریگەریی دەبێت لەسەر زیادکردنی خاڵی سنووری.''

 

قائید میرۆ




دوایین هەواڵەکان

پەیامی پیرۆزبایی ڕاگەیاندنی پارتی بە بۆنەی ٣٢ەمین ساڵیادی دامەزراندنی ڕادیۆی زاخۆ

FRIDAY, 28 NOVEMBER 2025 19:11:00

ھەولێر-KDP.info- بەشی ڕۆشنبیری و ڕاگەیاندنی پارتی دیموکراتی کوردستان، بە بۆنەی ساڵیادی دامەزراندنی ڕادیۆی زاخۆ، پەیامێکی پیرۆزبایی ئاراستەی بەڕێوەبەر و ستافی بەڕێوەبردن و کارمەندانی ڕادیۆی زاخۆ کرد.

تریفە عەزیز بۆ KDP باس له‌ بەرەوپێشچوونی پەیوەندیه‌كان و كردنه‌وه‌ی کۆنسووڵخانەی ئەمەریکا ده‌كات

FRIDAY, 28 NOVEMBER 2025 11:11:06

واشنتۆن-KDP.info- نوێنەری حكوومەتی هەرێمی كوردستان لە ئەمەریكا ڕایدەگەیەنێت، پەیوەندیی هەولێر و واشنتۆن بەردەوام لە بەهێزبووندایە و هەماهەنگییەکەش لە ڕووی ئاسایش و ئابوورییەوە ڕەنگی داوەتەوە. دەشڵێ، ئەمەریكا گەورەترین باڵیۆزخانەی خۆی لە هەولێر دەكاتەوە.

 
بەڕێوەبەری پۆلیسی هەولێر ئامانجی دەستپێکردنی ئەو قۆناغە نوێیەیان بۆ KDP ده‌خاته‌ڕوو

FRIDAY, 28 NOVEMBER 2025 10:11:35

هەولێر-KDP.info- بەڕێوەبەری پۆلیسی پارێزگای هەولێر ڕایدەگەیەنێت، قۆناغی کرداریی ڕیفۆرم لە پۆلیس بە هەماهەنگی و بەشداریی پۆلیسی ئەورووپی لە سنووری پارێزگای هەولێر دەستی پێکرد. دەشڵێ، لەم قۆناغەدا کار لە پێناو دروستکردنی پردی متمانە و ڕێز لە نێوان پۆلیس و هاووڵاتییاندا دەکەین.

 
ماڵپەڕی شێخان میدیا بە دۆمەینی www.shexanmedia.net دەستی بەوەشان کرد

FRIDAY, 28 NOVEMBER 2025 10:11:54

هەولێر-KDP.info- لە درێژەی هەنگاوەکانی بەشی ڕۆشنبیری و ڕاگەیاندنی پارتی دیموكراتی كوردستان، بۆ بەرەوپێشبردنی میدیا، ماڵپەڕی شێخان میدیا بە زمانەکانی کوردی - عەرەبی بە دۆمەینی www.shexanmedia.net دەستی بەوەشان کرد.

 
ڕاگەیەندراوێک لە وەزارەتی ناوخۆی حکوومەتی هەرێمی کوردستانەوە

THURSDAY, 27 NOVEMBER 2025 22:11:00

ھەولێر-KDP.info- وەزارەتی ناوخۆی ھەرێمی کوردستان ڕایگەیاند، ھێرشەکەی دوێنێ شەو بۆ سەر کێڵگەی گازی کۆرمۆر دەرئەنجامی ڕاستەوخۆی نەبوونی ڕێوشوێنی تووندە بەرامبەر بە ئەنجامدەرانی ھێرشەکانی پێشوو. بۆیە حکومەتی ھەرێمی کوردستان مافی خۆیەتی ھەموو ڕێوشوێنێکی پێویست بگرێتەبەر بۆ پاراستنی بەرژەوەندییە ئەمنی و ئابوورییەکانی، لە چوارچێوەی دەستوور و یاسادا.



 
© 2023 Kurdistan Democratic Party, KDP

Contact