بەغدا-KDP.info- پەرلەمانتارێکی پارتی دیموکراتی کوردستان رایدەگەیەنێت، ئەم هەفتەیە لیژنە هەمیشەییەکانی پەرلەمانی عێراق یەکلا دەکرێنەوە، کە ئەویش بەپێی سازانی نێوان فراکسیۆنەکان و سەرۆکایەتیی پەرلەمان دەبێت.
چیای تەیموور، ئەندامی پەرلەمانی عێراق لە فراکسیۆنی پارتی، بۆ ماڵپەڕی فەرمیی پارتی دیموکراتی کوردستان گوتی، دوای پێکهێنانی حکوومەتی نوێی عێراق، لیژنە هەمیشەییەکانی پەرلەمانی عێراق یەکلا دەکرێنەوە و تا کۆتایی ئەم هەفتەیە سەرۆک و جێگر و بڕیاردەریان بۆ دیاری دەکرێت، کە هەر وەزارەتێک لای هەر کوتلەیەک بێت، نابێ سەرۆکی هەمان ئەو لیژنەیەی پەیوەندی بەو وەزارەتەوە هەیە، لای ئەو کوتلەیە بێت.
تەیموور گوتیشی: "دابەشکردنی لیژنەکان بەپێی سازانی نێوان سەرۆکایەتیی پەرلەمان و فراکسیۆنەکان دەبێت، کە پێکەوە دادەنیشن و لیژنەکان یەکلا دەکەنەوە، بەڵام چاوەڕێ دەکرێت سێ لیژنە بەر ئێمە بکەون".
بڵند ئیبراهیم