هاوپەیمانی سەربەخۆییخوازانی کوردستان په‌یامێكی پیرۆزبایى ئاراسته‌ی پارتی دیموكراتی كوردستان ده‌كات

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

TUE, 16 AUG 2022 12:07 | KDP.info

هەولێر-KDP.info- پەیامی پیرۆزبایی هاوپەیمانی سەربەخۆییخوازانی کوردستان بە بۆنەی١٦ی ئاب و حەفتاوشەشەمین ساڵڕۆژی دامەزرانی پارتی دێموکراتی کوردستان

بەرێز : سەرۆکی پارتی دێموکراتی کوردستان، جەنابی کاک مەسعوود بارزانی

ئەندامان و لایەنگرانی پارتی دێموکراتی کوردستان

خەڵکی تێکۆشەری کوردستان

سڵاو و ڕێزی شۆڕشگێرانەتان پێشکەش بێ:

هەروەک هەموولایەک ئاگادارن: لە سەردەمێکی مێژوویی هەستیار، گرینگ و چارەنووسساز دا کە خەباتی کوردستان لە باشووری نیشتمان پێویستی بە حیزبێکی سەردەم و مودێرنی ئەمڕۆیی بوو، پارتی دێموکراتی کورد کە دواتر بووە پارتی دێموکراتی کوردستان لە ژێر ڕێنوێنی و سێبەری کۆماری کوردستان دا، لە ١٦ی ئابی ساڵی ١٩٤٦ی زایینی، یەکەم کۆنگرەی خۆی لە بەغدا بەست و بە فەرمی ئیعلامی مەوجوودیەتی کرد.

پارتی دێموکراتی کوردستان لە ماوەی تەمەنی ٧٦ ساڵەی خۆیدا هەندێک جار تووشی نسکۆ و شکست هاتووە، بەڵام کۆڵی نەداوە و درێژەی بە ڕێگەی خەبات و تێکۆشانی کوردایەتی داوە.

لە ماوەی تەمەنیدا زۆر دەستکەوتی مێژوویی و گرینگی بۆ نەتەوەی کورد لە باشووری کوردستان دەستەبەر کردووە و تەنانەت بەشێک لە دەستکەوتەکانی کاریگەری ئەرێنی و ڕاستەوخۆیان لە سەر دۆزی کورد لە هەر چوار پارچەی کوردستاندا هەبووە.

هاوپەیمانی سەربەخۆییخوازانی کوردستان لە یادی ٧٦ ساڵەی دامەزرانی پارتی دێموکراتی کوردستان دا گەرمترین پیرۆزبایی ئاراستەی ئەندامان و لایەنگران و خەڵکی کوردستان بە گشتی و سەرۆکایەتی و ڕێبەریی پارتی دێموکراتی کوردستان بە تایبەتی دەکا و لەو ڕۆژە دا وێرای ئاواتی سەرکەوتنی زیاتر، چاوەڕوانیی زیاتر لە پارتی دێموکراتی کوردستان دەکرێ کە لە پێناو یەکڕیزی و یەکبوون و ڕێکخستنی ناوماڵی کورد لە باشوور بە تایبەتی و لە هەر چوار پارچەی کوردستان بە گشتی، هەوڵی بنەڕەتی و جیددی و کاریگەر بدات.

هاوپەیمانی سەربەخۆییخوازانی کوردستان

٢٤ی گەلاوێژی ٢٧٢٢ی کوردی

١٥ی ئاب (ئاگۆست) ی ٢٠٢٢ی زایینی

دوایین هەواڵەکان

بەشی هەڵبژاردنی پارتی و ڕێکخراوی GIST پەرە بە هەماهەنگییەکانیان لە پرسە یاسایییەکان دەدەن

WEDNESDAY, 07 OCTOBER 2026 15:10:05

هەولێر-KDP.info- ئەمڕۆ چوارشەممە، ٧ی تشرینی یەکەمی ٢٠٢٦، د. جەعفەر ئێمینکی، بەرپرسی بەشی هەڵبژاردنی پارتی دیموکراتی کوردستان، لە بارەگای بەش پێشوازی لە شاندێکی ڕێکخراوی GIST بۆ توێژینەوەی یاسایی کرد کە پێکهاتبوون لە بەکر عەلی، بەرپرسی ڕێکخراوەکە و هەردی مەحموود، ڕاوێژکاری ڕێکخراو.

بەشی ڕۆشنبیری و ڕاگەیاندنی پارتی پرسەنامەیەک ئاراستەی میدیاکاران (نەرمین سندی و زەینەب سندی) دەکات

WEDNESDAY, 07 OCTOBER 2026 13:10:53

هەولێر-KDP.info- بەشی ڕۆشنبیری و ڕاگەیاندنی پارتی دیموکراتی کوردستان پرسەنامەیەکی سەرەخۆشی ئاراستەی میدیاکاران (نەرمین سندی و زەینەب سندی) کرد بەبۆنەی کۆچی دوایی باوکیانەوە.

ژوورە بازرگانییەکان داوا لە بازرگانان دەکات دەستکاریی نرخی کاڵا کۆنەکان نەکەن

WEDNESDAY, 07 OCTOBER 2026 13:10:17

هەولێر-KDP.info- سەرۆکی ژوورە بازرگانییەکانی هەرێمی کوردستان ڕایدەگەیەنێت، بڕیاری لەناکاوی حکوومەتی عێراق بۆ بەرزکردنەوەی بەهای دۆلار، بەبێ ڕەچاوکردنی دۆخی هاووڵاتییان دراوە و کاریگەریی نەرێنیی گەورە لەسەر بازاڕ و بژێویی هاووڵاتییان دروست دەکات.

پارتی هاوخەمیی خۆی بۆ کۆچی دوایی لۆرد جێفری ئارچەر، دۆستی دێرینی گەلی کوردستان ڕادەگەیەنێت

TUESDAY, 06 OCTOBER 2026 21:10:24

هەولێر-KDP.info- مەکتەبی پەیوەندییەکانی دەرەوەی پارتی دیموکراتی کوردستان، پەیامێکی سەرەخۆشی بۆ کۆچی دوایی لۆرد جێفری ئارچەر، نووسەر و پەرلەمانتاری دیاری بەریتانی و دۆستی دێرینی گەلی کورد بڵاو کردەوە و ستایشی ڕۆڵی مێژوویی ناوبراو لە پاڵپشتیکردنی مافەکانی گەلی کوردستاندا دەکات.

مەکتەبا ڕێکخستنا پارتی ل بەھدینان سالیادا دوو بیرەوەریێن مەزن و دیرۆکی ساخکر

TUESDAY, 06 OCTOBER 2026 21:10:00

دهۆک-KDP.info- ئەڤرۆ، ٦ێ چریا ئێکێ ٢٠٢٦، ل بارەگایێ مەکتەبا ڕێکخستنا پارتی دیموکراتی کوردستان ل بەھدینان، ب چالاکیەکا تایبەت، سالیادا ڤەگەڕیانا بارزانیێ نەمر ژ ئێکەتیا سۆڤیەت و ڤەگەڕاندنا ڕوفاتێن پیرۆزێن (بارزانیێ نەمر و کاک ئیدریسێ جانەمەرگ) بۆ ئاخا پیرۆزا کوردستانێ ھاتە ساخکرن. تەوەرێن چالاکیێ

سەرۆک بارزانی لە چاوپێکەوتنێکی تایبەتدا لەگەڵ کەناڵی (شەرقییە) باس لە کۆمەڵێک پرسی گرنگ و هەستیار دەکات

ھەولێر-KDP.info- سەرۆک مەسعود بارزانی، لە چاوپێکەوتنێکدا لەگەڵ کەناڵی شەرقییە شیکارییەکی قووڵی بۆ دۆخی سیاسی و ئەمنیی عێراق، مافە دەستوورییەکانی گەلی کوردستان، جەنگی ئەمریکا و ئێران و ئاییندەی ناوچەکە خستەڕوو.

پەیامی سەرۆك بارزانی لە ساڵیادی هەڵگیرساندنی شۆڕشی ئەیلوول

هەولێر-KDP.info- بە بۆنەی شەست و پێنجەمین ساڵیادی هەڵگیرسانی شۆڕشی مەزنی ئەیلوول، سەرۆک مەسعود بارزانی پەیامێکی ئاراستەی جەماوەری کوردستان و خەباتکارانی ڕێبازی نیشتمانی کرد و تێیدا جەختی لەوە کردەوە کە شۆڕشی ئەیلوول هەڵقوڵاوی ئیرادە، باوەڕبەخۆبوون و شکۆی مرۆڤی کوردستانی بوو.

پەیامی سەرۆک بارزانی بە بۆنەی هەشتاهەمین ساڵیادی دامەزراندنی پارتی دیموكراتی كوردستان

ھەولێر-KDP.info- سەرۆک بارزانی بە بۆنەی هەشتاهەمین ساڵیادی دامەزراندنی پارتی دیموكراتی كوردستان پەیامێکی پیرۆزبایی ئاراستەی خەڵکی کوردستان کرد و جەختی کردەوە کە پارتی بڕوای پتەوی بە پێكەوەژیان، برایەتی و تەبایی نێوان هەموو پێكهاتە نەتەوەیی و ئایینییەكان و سەرجەم لایەنە سیاسییەكانی كوردستان و عێراق هەیە.