Parlamentoya Kurdistanê: Divê Tirkiye û PKK bela şerê xwe ji nav axa Herêma Kurdistanê derxînin

Nûçe yên PDK ■ Kurdistanî ■ Iraqî û Navdewletî

Media ya PDK ■ Media ya Kurdistanê ■ Media ya Derve

THU, 21 JUL 2022 11:28 | KDP.info

Hewlêr-KDP.info– Parlametoya Kurdistanê di daxuyaniyekê de topbarankirina sînorê Zaxoyê şermezar kir û ragihand, divê Tirkiye û PKK belaya nakokiyên xwe ji ser Hikûmeta Herêma Kurdistanê derxînin û divê axa Herêma Kurdistanê û serweriya Herêmê ji pirsgirêk û nakokiyan dûr bin

Nivîsa daxuyaniyê

“Mixabin careke din ji ber encamên şer û pevçûnên berdewam ên di navbera Tirkiyê û PKKê de li navçeyên sînorî û bi sedema topbarankirina artêşa Tirkiyê li ser seyrangeha Paraxî sînorê Dêrkarê li ser bi îdareya serbixwe ya Zaxo ve, hejmarek welatiyên sivîl şehîd bûn û hejmareke din jî birîndar bûn.

Parlamentoya Kurdistanê bi tundî topbarana artêşa Tirkiyê şermezar dike û daxwaz ji Hikûmeta Iraqa Federal dike ku erkên xwe yên yasayî û destûrî li gorî yasa û adetên navdewletî bicîh bîne û serweriya asman û axa Herêma Kurdistanê ji destdirêjiyên berdewam ên dewletên cîran û hêzên neyasayî biparêze. Herwiha hemû gavên qanûnî û dîplomatîk ji bo rêgirtina li van êrîşan bavêje.

Divê Tirkiye û PKK bela şer û pevçûnên xwe ji nav axa Herêma Kurdistanê derxînin û gelê Herêma Kurdistanê û serweriya herêmê ji pirsgirêk û nakokiyên xwe derxînin.

Em bang li saziyên destûrî yên Herêma Kurdistanê dikin ku hemû hewlên xwe li gel hikûmeta federal bidin ji bo çareseriya temam û welatiyên Herêma Kurdistanê û Iraqê werin piştrastkirin ku ewêji êrîşên welatên cîran û hêzên neyasayî werin parastin.

Parlamentoya Kurdistanê hevxemiya xwe pêşkêşî malbatên wan geştyaran dike ku ji navçeyên cuda yên Iraqê hatine Kurdistanê, lê mixabin bûne qurbaniyên şer û pevçûnên ku ti pêwendiya wan bi Herêma Kurdistanê û Iraqê re nîne.

Em erkê didin komîteyên taybet ên parlamentoya Kurdistanê ku lêkolînê li ser wê bûyera nexwestî bikin û tedbîrên parlamentoyê werbigirin.

Parlamentoya Kurdistanê”

Nûçeyên din

Serokê Herêma Kurdistanê : Pêwîst e hikûmeta Iraqê qerebûya malbatên enfalkiriyan bike

TUESDAY, 25 AUGUST 2026 16:08:57

Hewlêr-KDP.info: Serokê Herêma Kurdistanê Nêçîrvan Barzanî di 38emîn salvegera Enfala Badînanê de, daxwaz ji hikûmeta federal dike ku qerebûya madî û manewî ya malbatên qurbaniyên Enfalê bike. Herwiha tekez dike ku divê dîroka tijî tawan a borî bibe waneyek ji bo rêgirtin li her cûre sitemkariyekê li Iraqê.

Peyama Serok Barzanî di salvegera 38emîn a Enfala Badînanê de

TUESDAY, 25 AUGUST 2026 16:08:11

Hewlêr-KDP.info: Serok Barzanî di 38emîn salvegera Enfala Badînanê de radigihîne, di berdewamiya zincîra tawanên rejîma berê ya Iraqê de, di navbera 25ê Tebaxê heta 6ê Îlona 1988an de operasyoneke nemirovane û hovane li dijî gund û deverên Badînanê hat kirin ku tê de bi hezaran welatî komkuj û bêserûshûn bûn û bi sedan gund jî hatin wêrankirin. Serok Barzanî her wiha tekez dike ku, erkê li ser milê dewleta Iraqê ye qerebûya wan tawan û binpêkirinan bike."

Peyama Serokwezîrê Herêma Kurdistanê di salvegera Enfala Badînanê de

TUESDAY, 25 AUGUST 2026 12:08:50

Hewlêr-KDP.info: Îro 25ê Tebaxa 2026an, Serokwezîr Mesrûr Barzanî peyamek derbarê Enfala Badînanê de belav kir û ragihand: "Îro di 38emîn salvegera operasyonên bednav ên Enfala Behdînanê de, em bi rêz û hurmet qurbaniyên wê jenosîdê bibîr tînin. Divê hikûmeta federal qerebûya kesûkarên hemû qurbaniyan bike, em jî pabend in bi xizmetkirina zêdetir a kesûkarên şehîdan û enfalkiriyan."

Mesrûr Barzanî: Hêvîdar im salvegera jidayikbûna Pêxember çanda pêkvejiyanê kûrtir bike

TUESDAY, 25 AUGUST 2026 12:08:25

Hewlêr-KDP.info: Serokwezîrê Herêma Kurdistanê Mesrûr Barzanî, bi helkefta salvegera jidayikbûna Pêxemberê Îslamê Mihemed (silavên Xwedê lê bin), peyameke pîrozbahiyê pêşkêşî hemû misilmanên Kurdistan û cîhanê kir.

Peyama Serokê Herêma Kurdistanê di bîranîna jidayikbûna Pêxemberê Îslamê

TUESDAY, 25 AUGUST 2026 12:08:46

Hewlêr-KDP.info: Bi boneya hatina Cejna Mewlûdê û salvegera jidayikbûna Pêxemberê Îslamê, Serokê Herêma Kurdistanê peyameke pîrozbahiyê arasteyî hemû misilmanên Kurdistan, Iraq û cîhanê kir.

Peyama Serok Barzanî bi boneya 80emîn salvegera damezrandina Partiya Demokrat a Kurdistanê

Hewlêr-KDP.info: Serok Mesûd Barzanî bi helkefta 16ê Tebaxê salvegera jidayikbûna xwe û salvegera 80ê ya damezrandina Partiya Demokrat a Kurdistanê (PDK) peyameke pîrozbahiyê belav kir û tê de ragihand: "PDK di dîrok, niha û paşerojê de alavek e ji bo xizmetkirina xelkî û bicîhanîna amanc û behayên neteweyî û nîştimanî."

Peyamek ji Serok Barzanî

Hewlêr-KDP: Serok Barzanî êrişa li ser hêzên Pêşmergeyan "bi tundî" şermezar kir û ragihand, ew êrişeke dijminane ye û ti hincetê ranagire.

Peyamek ji Serokê Herêma Kurdistanê

Hewlêr-KDP.info: Serokê Herêma Kurdistanê Nêçîrvan Barzanî bi tundî êrîşên mûşekî yên Îranê yên li ser hêzên Pêşmerge şermezar kirin û ev êrîş wekî "destdirêjiyeke dijminane ya rasterast li ser serweriya welat" pênase kir.