هەولێر -KDP.info- بەرپرسی ڕاگەیاندنی دەستەی وەبەرهێنانی هەرێمی کوردستان گوتی، خەڵک ئێستا دەتوانێت فۆڕمی وەرگرتنی یەکەی نیشتەجێبوون پڕ بکاتەوە، بەڵام خەریکن بە جۆرێک سیستەمەکە فراوان دەکەن، کە خەڵک بەئاسانی پڕی بکاتەوە و تا ئێستاش زیاتر لە50 هەزار کەس فۆڕمی پڕ کردووەتەوە و بڕیارە تا ٢ی تەمووز بەردەوام بێت .
هێمن هەینی، بۆ ماڵپەڕی فەرمیی پارتی دیموکراتی کوردستان گوتی: ''لینکی پڕکردنەوەی فۆڕمی وەرگرتنی یەکەی نیشتەجێبوون ڕانەگیراوە و ئێستاش خەڵک دەتوانێت پڕی بکاتەوە، بەڵام فشاری زۆری لەسەرە و خەڵک ناتوانێت وەکوو پێویست سوودی لێ وەربگرێت، بۆیە خەریکین ئەو سیستەمەی دانراوە، فراوانی دەکەین، بۆ ئەوەی خەڵک بە ئاسانترین شێوە فۆرمەکە پڕ بکاتەوە .''
بەرپرسی ڕاگەیاندنی دەستەی وەبەرهێنانی هەرێمی کوردستان گوتیشی: ''تا ئێستا نزیکەی 55 هەزار کەس فۆڕمی پڕ کردووەتەوە و بەردەوامیشە و پڕۆسەکە تاکوو دووی تەمووز بەردەوام دەبیت.''
بڵند ئیبراهیم