شیلادزێ-KDP.info- ئەمڕۆ پارێزگاری دهۆك سەردانی ناحیەی شیلادزێی سەر بە شاری ئامێدی كرد و لە كاتی كردنەوەی پرۆژەیەكدا رایگەیاند، حكوومەتی هەرێمی كوردستان لە ڕێگەی سەدان پرۆژەوە خزمەتی خەڵكی كوردستان دەكات، بەڵام پارتی كرێكارانی كوردستان (پەكەكە) خراپەكاری دەكات.
د. عەلی تەتەر، پارێزگاری دهۆك لە وتارێكیدا كە لە مەراسیمی كردنەوەی پرۆژەیەكی كارەبا لە شیلادزێ پێشكەشی كرد ئاماژەی بەوە كرد، لە ساڵی 1991ەوە حكوومەتی هەرێمی كوردستان هەوڵ دەدات باشترین خزمەتگوزاری پێشكەش بە خەڵكی ئەم دەڤەرانە بكات، بەڵام بەهۆی بوونی هێزێكی بیانی و نایاسایی، لەم دەڤەرەدا نەتواندراوە خزمەتگوزاری بگەیەندرێنە هەموو گوندەكان.
ئەوەشی ئاشكرا كرد كە پەكەكە جگە لەوەی ڕێگرن لە ئاوەدانكردنەوەی دەڤەرەكە، ئەو پڕۆژانەش تێك دەدات كە لەلایەن حكوومەتەوە دەكرێن و گوتی: چەند مانگێك لەمەوبەر، ئێمە ڕێگەیەكمان بۆ گوندێكی ئەم دەڤەرە دروست كرد، تاوەكوو ببێتە سەرەتایەك بۆ ئەوەی خزمەتگوزاریی زیاتر بگەیەنینە گوندەكە، بەڵام دواتر چەكدارانی پەكەكە شەقامەكەیان تەقاندەوە و لەناویان برد.
گۆتژی:" ژلایەکێ ڤە حکومەتا ھەرێما کوردستانێ یا پرۆژان دروست دکەت، ژلایەکێ دیتر ڤە، ھێزا نەشەرعی ل ڤێ دەڤەرێ یا ژناڤ دبەت و ب مین و، تەقەمەنیا د پەقینیت".
پارێزگارێ دھۆکێ بەردەوامیا ئاخفتنێن خۆ دا دیارژی کر:" یا دیارە کۆ زورداریەکا مەزن یا ل خەلکێ ڤێ دەڤەرێ دهێتە کرن کۆ ئەگەر ژى پەکەکەیە، ل سەرانسەری ھەر چار پارچێن کوردستانێ، چ زۆرداری ناگەھنە ھندی وێ یا کۆ ل خەلکێ دەڤەرێن دوسکی ژووریا و نێروە و رێکان دھێتە کرن، ئەم دخازێن پەکەکە تێبگەھیت کۆ بلا پەکەکە ل شێلادزێ و دێرالوک و ئامێدیێ و چەند دەڤەرێن دیتر چ خزمەتا رزگارگرنێ ناکەت، بلا کەرەمکەتە باکورێ کوردستانێ و خەباتا خۆ ئەنجام بدەت".
عەلی تەتەر جەختی كردەوە كە حكوومەتی هەرێمی كوردستان شەڕ و تێكدانی ناوێت، بۆیە داوا لە پەكەكە دەكەین، دەست لەو سیاسەتە هەڵەیە بەربدات و رێگە بدات حكوومەت دەستی ئاوەدانیی زیاتر بۆ خەڵكی خۆی درێژ بكات.
قائید میرۆ