Hewlêr-KDP.info- Serokwezîrê Herêma Kurdistanê Mesrûr Barzanî bi boneya 60emîn salvegera damezirandina Yekîtiya Mamosteyên Kurdistanê peyameke pîrozbahiyê belav kir û ragihand, Mamoste dikarin bi riya perwerdeyeke dirust û pêşketî, civakeke tendirust ava bikin.
Peyama Serokwezîrê Herêma Kurdistanê Mesrûr Barzanî:
“Bi boneya 60emîn salvegera damezirandina Yekîtiya Mamosteyên Kurdistanê, gemtirîn pîrozbahiyan arasteyî serok û endamên Mekteba Sekreteriyê û tevahiya mamosteyên Kurdistanê dikim û hêviya serkeftinê ji wan re dixwazim.
Mamosteyên Kurdistanê di serdem û qonaxên cuda ên xebata gelê Kurdistan û heta îro, roleke wan ya diyar û pêşeng di berevanîkirina li mafên rewa ên xelk Kurdistanê û pêgehandina nifşê nû û hişyarkirina civakê de hebû, ji ber wê bi rêz û pêzanîn xebat, têkoşîn û rola hemû mamosteyên Kurdistanê di gihandina peyama perwerde û fêrkirinê ya pîroz bi bîr tînin.
Mamoste dikarin bi riya perwerdeyeke dirust û pêşketî, civakeke tendirust ava bikin, civakekê ku mirovê niştimanperwer û dahêner dirust bike û bibe beşek ji proseya pêşxistin û geşepêdana Kurdistanê.
Spasiya mamosteyên Kurdistanê dikim ku tevî rewşa ne li bar û sexte de, hemû hewlên xwe didin ji bo poseya xwendinê berdewam be. Hêvîdar im Hikûmeta Herêma Kurdistanê bi hevkariya hemû aliyan, bikare xizmeteke zêdetir û hêjayîtir li mamosteyan bike.
Mesrûr Barzanî
Serokwezîrê Herêma Kurdistanê”