دهۆک-KDP.info- بەرپرسی لقی یەکی پارتی دیموکراتی کوردستان لە دهۆک ڕایدەگەیەنێت، کەمپینی کۆکردنەوەی هاوکاری بۆ خوشک و برایانی ڕۆژئاوای کوردستان بەردەوامە و جەخت دەکاتەوە کە خەڵکی دەڤەری بەهدینان هەمیشە لە کارە مرۆییەکاندا پێشەنگن.

مووسڵ-KDP.info- ئەندامێکی ئەنجوومەنی پارێزگای نەێنەوا، لە فراکسیۆنی پارتی دیموکراتی کوردستان گوتی "ئەمڕۆ لە ئەنجوومەنی پارێزگای مووسڵ، دەنگ لەسەر کاندیدی کۆمەڵێک بەرپرسی ئیداری درا، غەزوان داودی لە پشکی پارتی دیموکراتی کوردستان بووە جێگری یەکەمی پارێزگاری نەینەوا." 

بەغدا-KDP.info- بەهۆی تەواونەبوونی ڕێژەی یاسایی ئامادەبووان و لەسەر داوای فراکسیۆنە کوردستانییەکان، دانیشتنی ئەمڕۆی ئەنجوومەنی نوێنەرانی عێراق کە تایبەت بوو بە هەڵبژاردنی سەرۆککۆمار، بۆ کاتێکی نادیار دواخرا.

هەولێر-KDP.info- لە چوارچێوەی هەوڵە بەردەوامەکان بۆ ڕووبەڕووبوونەوەی گۆڕانی کەشوهەوا و پاراستنی سامانی ئاو، ئەمڕۆ لە شاری هەولێر پڕۆژەیەکی ستراتیژیی هاوبەش لە نێوان حکوومەتی هەرێمی کوردستان و وڵاتی فەرەنسا واژوو کرا، کە ئامانج لێی چاودێریکردن و بەڕێوەبردنی زانستییانەی ئاوی سەرزەوی و ژێر زەوییە.

کەرکووک-KDP.info- لە چوارچێوەی بەسەرکردنەوەی ئۆرگانە حزبییەکاندا، ئامینە زکری، ئەندامی مەکتەبی سیاسیی پارتی و بەرپرسی دەستەی چاودێری و بەدواداچوون، لە کەرکووک سەرپەرشتیی کۆبوونەوەیەکی فراوانی کرد و تێیدا تیشک خرایە سەر دۆخی ڕۆژئاوای کوردستان و هەوڵە سیاسی و مرۆییەکان بۆ پشتیوانیکردنی ئەو بەشەی کوردستان.