Koçkirina xelkê Rojavayê Kurdistanê dîsa dest pêkiriye û PYD bazirganiyê bi wan dike

Nûçe yên PDK ■ Kurdistanî ■ Iraqî û Navdewletî

Media ya PDK ■ Media ya Kurdistanê ■ Media ya Derve

WED, 12 JAN 2022 22:08 | KDP.info

Rojavayê Kurdistanê-KDP.info- Endamekî Encûmena Niştimanî ya Kurd li Sûriyê (ENKS) ragihand, pêleke din ji koçkirina xelkê Rojavayê Kurdistanê bo Herêma Kurdistanê destpê kiriye û PYD jî bazirganiyê bi wan dike û ji bo ku rê ji wan re veke li ser her kesekî 300 dolarî distîne û ji xwe xelk ji ber karên PYDê direvin.

Dr. Kawa Azîzî ji malpera KDP.info re ragihand: “Pêleşe din ji koçkirina xelkê Rojavayê Kurdistanê ber bi Herêma Kurdistanê dest pêkiriye û di nava çend rojên derbasbûyî de 900 kesên din gihîştin Herêma Kurdistanê û li Kampa Berdereş bicîh bûne. Li ser sînor bi basan tên veguhestin bo nava kampê û Dezgeha Barzanî ya Xêrxwazî hemû pêdviyan ji wan re pêşkêş dike.”

Derbarî sebeba koçkirina xelkê Rojavayê Kurdistanê, Kawa Azîzî wiha got: “Çend sebeb hene ji bo koçkirina wan, wek feqîrtî û bêkarî û nebûna aramiyê. Herwiha xelk direvin ji ber ku deselata PYDê qebûl nakin û tirsa wan ji pêşerojê heye. PYD keçên wan direvîne û zarokên wan bi zorê dibe leşkeriyê. Êdî xelkê Rojavayê Kurdistanê bêhîvî ne, lewma direvin.”

Azîzî wiha got: “PYD bazirganiyê bi wan dike û ji bo ku rê ji wan re veke li ser her kesekî 300 dolarî distîne. Ji bo berjewendiyên xwe her karekî bi xelkê dikin. Xelk jî tenê dixwazin birevin. Xelkê Rojava hemû dixwazin birevin.”

Kawa Azîzî ku herwiha serkiredeyê PDK-S ye, wiha domand: “Niha hejmarek mezin ji xelkê Rojavayê Kurdistanê li ser sînor mane û dixwazin derbasî Herêma Kurdistanê didin, lê PYD nahêle derbas bibin û daxwaza pera ji wan dikin.”

Azîzî wiha got: “Rojavayê Kurdistanê bûye cehneme ji bo Kurdan, ji ber ku ne xwarin û ne gaz û ne benzîn û ne mazot û ne jî pêdviyên din ên jiyanê li Rojava mane, lewma çareseriyeke din jibilî koçkirinê li pêşiya wan nemaye, ji bo ku ji mirinê rizgar bibin, ji ber ku çi tişta xerab heye PYD tîne serê xelkê.”

Nûçeyên din

Sipasnameya Sekretaryeta Serok Barzanî

WEDNESDAY, 19 AUGUST 2026 13:08:34

Hewlêr-KDP.info: Sekretaryeta Serok Barzanî, di peyameke fermî de, bi helkefta derbasbûna heştê salan li ser damezirandina Partiya Demokrat a Kurdistanê û salvegera ji dayikbûna Serok Mesûd Barzanî, sipasî û pêzanîn arasteyî xelkê Kurdistanê, serkirde û aliyên siyasî, kesayetiyên olî û civakî, û dîplomatkarên navxwe û derve kir ku bi rêya peyam û peywendiyên xwe pîrozbahî araste kiribûn.

Mesrûr Barzanî rewşa parêzgeha Silêmaniyê ligel Parêzgar nîqaş dike

WEDNESDAY, 19 AUGUST 2026 09:08:18

Hewlêr-KDP.info: îro 18ê Tebaxa 2026ê Ji bo şopandina bûyerên nexwestî yên agirberbûnê yên şeva borî û îro yên li bajêrê Silêmaniyê, Serokê Hikûmeta Herêma Kurdistanê Mesrûr Barzanî, di peywendiyeke telefonî de li gel Parêzgarê Silêmaniyê Heval Ebûbekir rewşa Silêmaniyê pirsî.

Elî Zeydî: Êrişên li ser Iraq û Herêma Kurdistanê bi ti awayî nayên qebûlkirin

TUESDAY, 18 AUGUST 2026 15:08:43

Hewlêr-KDP.info: îro 18ê Tebaxa 2026an, Serokwezîrê Iraqê Elî Falih Zeydî, peywendiyeke telefonî ligel Serokwezîr Mesrûr Barzanî pêk anî. Di peywendiyê de, Serokwezîrê Federal êrişa dronî ya ku duh li ser ofîsa taybet a Serokwezîrê Herêmê û cihê mayîna Rêveberê Ajansa Parastinê hatibû kirin, şermezar kir.

Nêçîrvan Barzanî: êrişa li ser Nivîsîngeha Serokwezîr pêşveçûneke metirsîdar e

MONDAY, 17 AUGUST 2026 17:08:28

Hewlêr-KDP.info: îro Duşemê, 17ê Tebaxa 2026ê, Serokê Herêma Kurdistanê Nêçîrvan Barzanî, di daxuyaniyekê de êrişên serê sibeha îro, ku Nivîsgeha Serokwezîrê Herêma Kurdistanê Mesrûr Barzanî û cihê manê yê Rêveberê Ajansa Parastinê kiribûn armanc, bi tundî şermezar kirin.

Daxuyaniyek ji Baregeha Barzanî

MONDAY, 17 AUGUST 2026 15:08:46

Hewlêr-KDP.info : Baregayê Barzanî di daxuyaniyekê de êrîşên dronî yên li ser Nivîsîngeha Serokwezîrê Herêma Kurdistanê û mala Rêveberê Ajansa Parastinê şermezar kirin û tekez kir ku ew êrîş bizav in ji bo têkdana aramiya Herêma Kurdistanê, û bikaranîna dron û mûşekan arêşeyan çareser nake.

Peyama Serok Barzanî bi boneya 80emîn salvegera damezrandina Partiya Demokrat a Kurdistanê

Hewlêr-KDP.info: Serok Mesûd Barzanî bi helkefta 16ê Tebaxê salvegera jidayikbûna xwe û salvegera 80ê ya damezrandina Partiya Demokrat a Kurdistanê (PDK) peyameke pîrozbahiyê belav kir û tê de ragihand: "PDK di dîrok, niha û paşerojê de alavek e ji bo xizmetkirina xelkî û bicîhanîna amanc û behayên neteweyî û nîştimanî."

Peyamek ji Serok Barzanî

Hewlêr-KDP: Serok Barzanî êrişa li ser hêzên Pêşmergeyan "bi tundî" şermezar kir û ragihand, ew êrişeke dijminane ye û ti hincetê ranagire.

Peyamek ji Serokê Herêma Kurdistanê

Hewlêr-KDP.info: Serokê Herêma Kurdistanê Nêçîrvan Barzanî bi tundî êrîşên mûşekî yên Îranê yên li ser hêzên Pêşmerge şermezar kirin û ev êrîş wekî "destdirêjiyeke dijminane ya rasterast li ser serweriya welat" pênase kir.