Kurdî  ■  كوردی  ■  عربي
WED, 18 FEB 2026 23:22 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

پەیامی پیرۆزبایی سەرۆکی حکومەتی هەرێمی کوردستان بەبۆنەی ھاتنی ساڵی نوێی زایینی
| KDP.info


مه‌سرور بارزانی، سەرۆکی حکومەتی هەرێمی کوردستان به‌ بۆنه‌ی سه‌ری ساڵی نوێوه‌، په‌یامێكی پیرۆزبایی راگەیاند کە ئەمە ده‌قەکەیەتی:

بە بۆنەی سەری ساڵی تازەی زایینی2022،گەرمترین پیرۆزبایی ئاراستەی جەنابی سەرۆک بارزانی و گشت هاونیشتمانییانی کوردستان و  پێشمەرگە قارەمانەکان و هێزەکانی ئاسایشی ناوخۆ و کەسوکار و بنەماڵەی سەربەزری شەهیدان دەکەم. هیوادارم ساڵی نوێ، هەڵگری خێر و خۆشی و ساڵی کامەرانیی و خۆشگوزەرانی و کۆتاییهاتنی هەموو ناخۆشی و قەیران و نەهامەتییەک بێت .

ساڵی ڕابردوو، سەرەڕای چەندین گرفتی دارایی و ئاستەنگی دروستکراو،حکومەتی هەرێمی کوردستان هەموو هەوڵێکی خستەگەڕ لە پێناو زاڵبوون بە سەر کۆسپ  و بەربەستەکان و درێژەدان بە پرۆسەی چاکسازی، هەروەها بە هەماهەنگیی و هاوکاری لە گەڵ کەرتی تایبەتیش، چەندین پڕۆژەی گرنگی لە بواری بەهێزکردنی ژێرخانی ئابووری لە سەرتاسەری هەرێمی کوردستان ئەنجام دا. هیوادارین بە هاوکاری هەموو لایەک، لە ساڵی نوێشدا، بتوانین بە شێوەیەکی باشتر، خزمەتی هاووڵاتییانی هەرێمی کوردستان بکەین و پڕۆژی نوێ بەگەڕ بخەین. لێرەدا بە پێویستی دەزانم سوپاسی خەڵکی خۆڕاگری هەرێمی کوردستان بکەم کە تێگەیشتنیان بۆ دۆخی سەختی دارایی هەبوو، هیوادارین ساڵی نوێ، ساڵی کۆتاییهاتنی ڕۆژە سەختەکان و بەردەوامبوونی کاروانی پێشکەوتنی کوردستان بێت.

هەروەها بە داخەوە لە ساڵی ڕابردوودا، چەندین کارەساتی سروشتی و ڕووداوی نەخوازراویش ڕوویاندا کە زیانی گیانی و ماددیان لێکەوتەوە، چەندین پێشمەرگەی قارەمانیش، لە شەڕی ڕووبەڕووبوونەوەی تیرۆریستانی داعش و بەرگریکردن لە خاکی کوردستاندا شەهید بوون. لەم بۆنەیەدا، بە ڕێز و پێزانینێکی زۆرەوە، یادی هەموویان دەکەینەوە و هەمیشە لە یادمانن.

ساڵی نوێ لە هەمووان پیرۆزبێت و کوردستانیش هەمیشە ئاوەدانتر و بەھێزتر بێت .

مەسرور بارزانی

سەرۆکی حکومەتی هەرێمی کوردستان




دوایین هەواڵەکان

د. ھێمن ھەورامی پێشوازی لە کونسوڵی گشتی ئوردن کرد

WEDNESDAY, 18 FEBRUARY 2026 21:02:00

ھەولێر-KDP.info- بەرپرسی بەشی ڕێکخستنی پارتی پێشوازی لە کونسوڵی ئوردن کرد، لە دیدارەکەدا، گفتوگۆ لەسەر پەرەسەندنی پەیوەندییەکانی نێوان ھەرێمی کوردستان و ئوردن کرا، ھاوکات کونسوڵی ئوردن رۆڵی جەنابی سەرۆک لە سەقامگیری ناوچەکە بە رۆڵێکی گەورەو باڵا ناوبرد.

 

سەرۆکی حکوومەت لەگەڵ هەڵسوڕێنەری باڵیۆزخانەی ئەمەریکا كۆبووەوە

WEDNESDAY, 18 FEBRUARY 2026 20:02:00

ھەولێر-KDP.info- ئێوارەی ئەمڕۆ چوارشەممە مەسروور بارزانی سەرۆکی حکوومەتی ھەرێمی کوردستان پێشوازی لە جۆشوا ھاریس ھەڵسوڕێنەری باڵیۆزخانەی ئەمریکا لە عێراق کرد.

 

نێچیرڤان بارزانی و هەڵسووڕێنەری باڵیۆزخانەی ئه‌مه‌ریکا کۆبوونه‌وه‌

WEDNESDAY, 18 FEBRUARY 2026 16:02:19

ھەولێر-KDP. info-  نیوەڕۆی ئەمڕۆ چوارشەممە 2026/2/18، بەڕێز نێچیرڤان بارزانی، سەرۆکی هەرێمی کوردستان، پێشوازیی لە بەڕێز جۆشوا هاریس، هەڵسووڕێنەری باڵیۆزخانەی ئه‌مه‌ریکا لە عێراق و شاندێکی یاوەری کرد.

 
سەرۆك بارزانی پێشوازی لە هەڵسوڕێنەری باڵیۆزخانەی ئەمەریكا لە عێراق دەكات

WEDNESDAY, 18 FEBRUARY 2026 14:02:43

ھەولێر-KDP. info-  ڕۆژی چوارشەممە 18ی شوباتی 2026 لە پیرمام سەرۆك مەسعود بارزانی پێشوازی لە بەڕێز جوشوا هاریس هەڵسوڕێنەری باڵیۆزخانەی ئەمەریكا لە عێراق كرد.

 
مەسروور بارزانی: ئەم ڕێکخراوە تێکۆشەرە هەمیشە قەڵای بەرگری بووە لە مافە ڕەواکانی گەلی کوردستان

WEDNESDAY, 18 FEBRUARY 2026 12:02:42

ھەولێر-KDP.info- ئەمڕۆ چوارشەممە، بەبۆنەی یادی ٧٣ ساڵەی دامەزراندنیان، بەڕێز مەسروور بارزانی، جێگری سەرۆکی پارتی دیموکراتی کوردستان، سەردانی مەکتەبی سکرتاریەتی یەکێتیی قوتابیان و لاوانی دیموکراتی کوردستانی کرد و لەلایەن سکرتێر و ئەندامانی مەکتەبی سکرتاریەتەوە بە گەرمی پێشوازی لێکرا.

 


 
© 2023 Kurdistan Democratic Party, KDP

Contact