Kurdî  ■  كوردی  ■  عربي
SAT, 29 NOV 2025 09:49 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

فۆڕمی وەرگرتنی شوققە بەسەر هاووڵاتیاندا دابەش دەكرێت
| KDP.info


هەولێر-KDP.info- دوای تەواوبوونی دوو پڕۆژەی نیشتەجێبوون بۆ كەمدەرامەتان و كرێنشینان، بڕیارە لە رێگەی فۆڕمێكەوە دابەش بكرێن، بەڕێوەبەری گشتیی ئاوەدانكردنەوەی ھەولێریش دەڵێ، چەند مەرجێك بۆ ئەو كەسانەی سوودمەند دەبن، دیاری كراون.

ھونەر نووری، بەڕێوەبەری گشتیی ئاوەدانكردنەوە و نیشتەجێكردنی ھەولێر، بە ماڵپەڕی فەرمیی پارتی دیموكراتی كوردستانی راگەیاند، ژمارەیەك یەكەی نیشتەجێبوون لە سنووری پارێزگای ھەولێر لەلایەن حكوومەتی ھەرێمی كوردستانەوە دروست كراون و یەكەكان تەواو بوونە، بەڵام ھەندێ خزمەتگوزارییان ماوە بۆیان دابین بكرێت و دواتر دەست بە دابەشكردنیان دەكرێت، كە خەڵكی كەمدەرامەت و كرێنشین لەو یەكانە سوودمەند دەبن.

بەڕێوەبەری گشتیی ئاوەدانكردنەوەی ھەولێر دەشڵێت، شوققەكانی ھەولێر و سۆران تەواو بوونە، بەڵام پڕۆژەكانی شوققە لە چۆمان و مێرگەسۆر و كۆیە و شەقڵاوە بەھۆی قەیرانی داراییەوە كاركردن تێیاندا راگیراوە و تەواو نەكراون.

نووری ئاماژەی بۆ ئەوەش كرد، لە ماوەكانی داھاتوودا فۆڕمی وەرگرتنی شوققە بەسەر ھاووڵاتیاندا دابەش دەكرێت و چەند مەرجێكیش بۆ سوودمەندبووان دیاری كراون، لەوانەش نابێت ھاووڵاتییەكە پێشتر سوودمەند بووبێت لە ھیچ یەكەكی نیشتەجێبوون و خێزاندار بێت و كرێنشین بێت، ھەروەھا ژمارەی ئەندامانی خێزانیش لەبەرچاو دەگیرێت.

 

قائید میرۆ

 




دوایین هەواڵەکان

پەیامی پیرۆزبایی ڕاگەیاندنی پارتی بە بۆنەی ٣٢ەمین ساڵیادی دامەزراندنی ڕادیۆی زاخۆ

FRIDAY, 28 NOVEMBER 2025 19:11:00

ھەولێر-KDP.info- بەشی ڕۆشنبیری و ڕاگەیاندنی پارتی دیموکراتی کوردستان، بە بۆنەی ساڵیادی دامەزراندنی ڕادیۆی زاخۆ، پەیامێکی پیرۆزبایی ئاراستەی بەڕێوەبەر و ستافی بەڕێوەبردن و کارمەندانی ڕادیۆی زاخۆ کرد.

تریفە عەزیز بۆ KDP باس له‌ بەرەوپێشچوونی پەیوەندیه‌كان و كردنه‌وه‌ی کۆنسووڵخانەی ئەمەریکا ده‌كات

FRIDAY, 28 NOVEMBER 2025 11:11:06

واشنتۆن-KDP.info- نوێنەری حكوومەتی هەرێمی كوردستان لە ئەمەریكا ڕایدەگەیەنێت، پەیوەندیی هەولێر و واشنتۆن بەردەوام لە بەهێزبووندایە و هەماهەنگییەکەش لە ڕووی ئاسایش و ئابوورییەوە ڕەنگی داوەتەوە. دەشڵێ، ئەمەریكا گەورەترین باڵیۆزخانەی خۆی لە هەولێر دەكاتەوە.

 
بەڕێوەبەری پۆلیسی هەولێر ئامانجی دەستپێکردنی ئەو قۆناغە نوێیەیان بۆ KDP ده‌خاته‌ڕوو

FRIDAY, 28 NOVEMBER 2025 10:11:35

هەولێر-KDP.info- بەڕێوەبەری پۆلیسی پارێزگای هەولێر ڕایدەگەیەنێت، قۆناغی کرداریی ڕیفۆرم لە پۆلیس بە هەماهەنگی و بەشداریی پۆلیسی ئەورووپی لە سنووری پارێزگای هەولێر دەستی پێکرد. دەشڵێ، لەم قۆناغەدا کار لە پێناو دروستکردنی پردی متمانە و ڕێز لە نێوان پۆلیس و هاووڵاتییاندا دەکەین.

 
ماڵپەڕی شێخان میدیا بە دۆمەینی www.shexanmedia.net دەستی بەوەشان کرد

FRIDAY, 28 NOVEMBER 2025 10:11:54

هەولێر-KDP.info- لە درێژەی هەنگاوەکانی بەشی ڕۆشنبیری و ڕاگەیاندنی پارتی دیموكراتی كوردستان، بۆ بەرەوپێشبردنی میدیا، ماڵپەڕی شێخان میدیا بە زمانەکانی کوردی - عەرەبی بە دۆمەینی www.shexanmedia.net دەستی بەوەشان کرد.

 
ڕاگەیەندراوێک لە وەزارەتی ناوخۆی حکوومەتی هەرێمی کوردستانەوە

THURSDAY, 27 NOVEMBER 2025 22:11:00

ھەولێر-KDP.info- وەزارەتی ناوخۆی ھەرێمی کوردستان ڕایگەیاند، ھێرشەکەی دوێنێ شەو بۆ سەر کێڵگەی گازی کۆرمۆر دەرئەنجامی ڕاستەوخۆی نەبوونی ڕێوشوێنی تووندە بەرامبەر بە ئەنجامدەرانی ھێرشەکانی پێشوو. بۆیە حکومەتی ھەرێمی کوردستان مافی خۆیەتی ھەموو ڕێوشوێنێکی پێویست بگرێتەبەر بۆ پاراستنی بەرژەوەندییە ئەمنی و ئابوورییەکانی، لە چوارچێوەی دەستوور و یاسادا.



 
© 2023 Kurdistan Democratic Party, KDP

Contact