Mesrûr Barzanî: Encamên hilbijartinan li navçeyê Kurdistanî Kurdistanîbûna wan navçeyan piştrast dike

Nûçe yên PDK ■ Kurdistanî ■ Iraqî û Navdewletî

Media ya PDK ■ Media ya Kurdistanê ■ Media ya Derve

WED, 13 OCT 2021 18:39 | KDP.info

Hewlêr-KDP.info- Serokwezîrê Herêma Kurdistanê Mesrûr Barzanî îro çarşemê 13ê Cotmeha 2021ê serokatiya civîna asayî ya Encûmena Wezîran a Herêma Kurdistanê kir.

Serokwezîr Mesrûr Barzanî di civînê de pesnê xweragiriya xelkê deverên Kurdistanî yên derveyî îdareya Herêmê da û ragihand; divê nûnerên Kurdistanê ji bo dakokîkirina heq û mafên destûrî yên xelkê Kurdistanê bixebitin.

Di destpêka civînê de Serokwezîr Mesrûr Barzanî bi boneya bidawîbûna proseya dengdanê ya ji bo hilbijartinên Parlamentoya Iraqê, bi navê Encûmena Wezîran, pîrozbahî li gelê Kurdistanê û hemû aliyên serkeftiyên hilbijartinê kir û spasiya Pêşmerge, polîs û hêzên asayîşê yên navxwe û giştî kir, ku erkê xwe bi awayekî serkeftî bi cih anîn di pêkanîna zemîneke aram de ji bo proseya dengdanê.

Serokwezîr destnîşan kir ku divê nûnerên Kurdistanê êdî li Parlamentoya Iraqê bi hev re yekgirtî û bi hemahengî û yekrêzî bixebitin ji bo dakokîkirina heq û mafên destûrî yên xelkê Kurdistanê û ji milmilaniya navxweyî dûr bin. Herwiha tekez kir ku Hikûmeta Herêma Kurdistanê amade ye ji bo her alîkarî û hemahengiyek ligel nûnerên Kurdistanê yên li Parlamentoya Iraqê, bi hemû ciyawazî û rengan ve, ji bo berdewamkirina xebat û hemahengîkirina ligel hikûmeta federalî, bi armanca dabînkirina maf û heqên destûrî yên Herêma Kurdistanê.

Mesrûr Barzanî pesnê xweragiriya xelkê deverên Kurdistanî yên derveyî îdareya Herêma Kurdistanê da û pîrozbahiya derçûna nûnerên kurdan li wan deveran kir û ragihand ku encamên hilbijartinan li deverên veqetandî, çespandina nasnameya Kurdistanîbûna wan deveran e. Herwiha tekez kir ku divê nûnerên Kurdistanê bi rêya cîbicîkirina madeya 140 a destûrê bixebitin, da ku rewşa wan deveran were asayîkirin.

Piştre di civînê de Wezîrê Çavkaniyên Sirûştî Kemal Etrûşî raportek li ser pêşveçûn û astengên li ber cîbicîkirina biryarên Encûmena Wezîran ên ji bo dabînkirina petrola spî û benzînê bi hemahengiyên Wezareta Petrolê ya Hikûmeta Federal pêşkêş kir.

Di beşa sêyem a civînê de, Serokê Fermangeha Hemahengî û Lipeyçûnê Ebdulhekîm Xesrew raportek li ser lipeyçûna cîbicîkirina biryarên çaksazî û rêkûpêkkirina dahatan li Herêma Kurdistanê pêşkêş kir, ku çendîn rasparde tê de hebûn ji bo wezaretên pêwendîdar ji bo bikaranîna wê ji bo xizmeta giştî û projeyên avedankirinê.

Nûçeyên din

Serok Barzanî sersaxiyê ji Selahedîn Behaedîn re dixwaze

SUNDAY, 14 JUNE 2026 16:06:11

Hewlêr-KDP.info : îro (Yekşem, 14ê Hezîrana 2026ê) , Serok Mesûd Barzanî behînameyek arasteyî Emîndarê Giştî yê Yekgirtûya Îslamî ya Kurdistanê Selahedîn Behaedîn kir û hevxemiya xwe ji wî û malbata wî re diyar kir, ji ber koça dawiyê ya birayê wî yên mezin Husên Mihemed Behaedîn.

Mesrûr Barzanî sersaxiyê ji Selahedîn Behaedîn re dixwaze

SUNDAY, 14 JUNE 2026 16:06:00

Hewlêr-KDP.info : îro (Yekşem, 14ê Hezîrana 2026ê) , Serokê Hikûmeta Herêma Kurdistanê Mesrûr Barzanî peyameke sersaxiyê arasteyî Emîndarê Giştî yê Yekgirtûya Îslamiya Kurdistanê Selahedîn Mihemed Behaedîn kir, ji ber koça dawiyê ya birayê wî yê mezin Husên Mihemed Behaedîn.

Mesrûr Barzanî pêşwaziya şandeka serbazî ya Iraqa federal dike

SUNDAY, 14 JUNE 2026 16:06:45

Hewlêr-KDP.info : îro (Yekşem, 14ê Hezîrana 2026ê), Serokê Hikûmeta Herêma Kurdistanê Mesrûr Barzanî pêşwaziya şandeka serbazî ya Iraqa federal bi serokatiya Serdarê Artêşa Îraqê Ebdulemîr Yarelah kir.

Serokê Herêma Kurdistanê ligel şandeke bilind a serbazî ya Iraqê civiya

SUNDAY, 14 JUNE 2026 15:06:13

Hewlêr-KDP.info : Îro serê sibê, roja yekşemê 14ê Hezîrana 2026an, rêzdar Nêçîrvan Barzanî, Serokê Herêma Kurdistanê, pêşwaziyê li şandeke bilind a serbazî ya Iraqê kir ku bi serokatiya Ferîqê Yekem ê Rukin birêz Ebdulnemîr Reşîd Yaralla, Sererkanê Iraqê pêkhatibû.

Daxuyaniya civîna berfireh a Komîteya Navendî ya Partiya Demokrat a Kurdistanê

SUNDAY, 14 JUNE 2026 00:06:00

Hewlêr-KDP.info : îro Şemiyê 13ê Hezîrana 2026an, Bi serperştiya Serok Barzanî, Komîteya Navendî ya Partiya Demokrat a Kurdistanê (PDK) civîneke berfireh pêk anî. Di civînê de geşedanên siyasî, encamên şerê Amerîka û Îranê, peywendiyên Hewlêr û Bexdayê û destpêşxeriya Serok Barzanî ya ji bo navxweya Herêma Kurdistanê hatin gotûbêjkirin.

Peyamek ji Serok Barzanî

Hewlêr-KDP: Serok Barzanî êrişa li ser hêzên Pêşmergeyan "bi tundî" şermezar kir û ragihand, ew êrişeke dijminane ye û ti hincetê ranagire.

Peyamek ji Serokê Herêma Kurdistanê

Hewlêr-KDP.info: Serokê Herêma Kurdistanê Nêçîrvan Barzanî bi tundî êrîşên mûşekî yên Îranê yên li ser hêzên Pêşmerge şermezar kirin û ev êrîş wekî "destdirêjiyeke dijminane ya rasterast li ser serweriya welat" pênase kir.

Peyama Serokê Herêma Kurdistanê ji bo Newroza Amedê

Hewlêr-KDP.info: Îro Şemî 21/3/2026an, birêz Nêçîrvan Barzanî, Serokê Herêma Kurdistanê, peyamek pêşkêşî şahiya Newrozê ya Amedê kir. Di peyamê de tevî pîrozkirina Newrozê û sersala nû ya Kurdî, tekezî li ser girîngiya serêxistina aştiyê li Tirkiyê kir.