Mesrûr Barzanî: Pêwendiyên Herêma Kurdistanê û Amerîka stratejîk û berdewam in

Nûçe yên PDK ■ Kurdistanî ■ Iraqî û Navdewletî

Media ya PDK ■ Media ya Kurdistanê ■ Media ya Derve

WED, 22 SEP 2021 20:46 | KDP.info

Hewlêr-KDP.info- Serokwezîrê Herêma Kurdistanê Mesrûr Barzanî serdana avahiya nû ya Konsulxaneya Amerîkayê kir û beşdarî merasîma 10emîn salvegera vekirina konsulxaneyê bû û gotarek pêşkêş kir û di wê gotarê de got, pêwendiyên Herêma Kurdistanê û Amerîka stratejîk û berdewam in. Herwiha got jî ku ew geşbîn e bi pêşeroja pêwendiyên Amerîka û Herêma Kurdistanê.

Serokwezîr Mesrûr Barzanî di gotara xwe de tekezî li ser parastina nirxên hevbeş ên Kurdistan û Amerîkayê kir û ragihand; hebûna konsulxaneya herî mezin a Amerîkayê li ser asta cîhanê li Hewlêrê, sembolek e ji bo pêbendiya Amerîkayê li hember Herêma Kurdistanê.

Mesrûr Barzanî diyar kir; Serokê Amerîkayê Joe Biden di destpêka îsal de ji Serok Barzanî re ragihand ku "em pêkve hevpeyman û dost bûn û zêdetir jî pêkve dibin û nirxên me yên hevbeş hene".

Mesrûr Barzanî destnîşan kir: “Di şerê DAIŞê de, yekem bombebarana DAIŞê ji aliyê Amerîkayê ve, 14 mîl ji vê derê dûr bû, me berevaniya xwe kir û li dijî DAIŞê şer kir, da ku em nirxên xwe û yên Amerîka û cîhanê biparêzin.”

Serokwezîrê Herêma Kurdistanê destnîşan kir: “Di sala 1991ê de Amerîka û hevpeymaniya navdewletî hevpeymaniyeke mezin ava kir, da ku gelê me biparêzin.”

Mesrûr Barzanî diyar kir: “Di sala 2003an de em ji bo jinavbirina Sedam Husên piştevan bûn, di sala 2005an de jî Amerîka û civaka navdewletî alîkarî kirin, da ku rewşek li Bexdayê çêbibe û pêkvejiyan û demokrasî pêk were.”

Serokwezîr behsa wê yekê jî kir ku Herêma Kurdistanê pêbend e bi bingehên xwe, lê şerê DAIŞê bi dawî nebûye.

Mesrûr Barzanî eşkere kir ku Balyozê Amerîkayê Matthew Tueller jê re ragihandiye ku Amerîka li ser asta cîhanê konsulxaneya herî mezin li Hewlêrê vekiriye, ev avahî û ev konsulxane dê bibe sembolek ji bo pabendiyên Amerîkayê li hember Kurdistanê.

Nûçeyên din

Serokê Herêma Kurdistanê: Yekxistina Pêşmerge, destpêka qonaxeke nû ye

MONDAY, 21 SEPTEMBER 2026 16:09:06

Hewlêr-KDP.info: Berî nîvroya îro Duşem 21/09/2026, bi amadebûna rêzdar Nêçîrvan Barzanî, Serokê Herêma Kurdistanê û her yek ji rêzdaran Mesrûr Barzanî, Serokê Hikûmeta Herêma Kurdistanê, Qubad Talebanî, Cîgirê Serokê Hikûmetê, Ferîqê Yekem Rukin Ebdulemîr El-Şemmerî, Rêveberê Nivîsîngeha Fermandariya Giştî ya Hêzên Çekdar ên Iraqê û Wezîrê Karûbarên Pêşmerge û hejmarek ji fermandeyên Pêşmerge û nûnerên welatên biyanî li Herêma Kurdistanê, li Serokayetiya Herêma Kurdistanê rêwresma ragihandina yekxistina hêza Pêşmerge bi rê ve çû.

Peyama Serok Barzanî ji bo salvegera damezrandina Yekîtiya Zanayên Ola Îslamî ya Kurdistanê

MONDAY, 21 SEPTEMBER 2026 14:09:51

Hewlêr-KDP.info: îro 21ê Îlona 2026an, Serok Mesûd Barzanî bi helkefta 56emîn salvegera damezrandina Yekîtiya Zanayên Ola Îslamî ya Kurdistanê peyameke pîrozbahiyê belav kir û rola dîrokî ya mamosteyên olî di xebat û şoreşa gelê Kurdistanê de bilind nirxand.

Mesrûr Barzanî: Îro ji bo Kurdistan û Pêşmerge rojeke dîrokî ye

MONDAY, 21 SEPTEMBER 2026 13:09:42

Hewlêr-KDP.info: îro 21ê Îlona 2026an, Serokwezîrê Herêma Kurdistanê Mesrûr Barzanî, di merasîma fermî ya ragihandina yekxistina Hêzên Pêşmergeyên Kurdistanê de gotarek pêşkêş kir û tekez kir ku îro rojeke dîrokî ye û soza ku dane miletê kurd, bi serkeftî bicih hatiye.

Serokê Herêma Kurdistanê pîrozbahiyê li Yekîtiya Zanayên Ola Îslamî ya Kurdistanê kir

MONDAY, 21 SEPTEMBER 2026 13:09:20

Hewlêr-KDP.info: Nêçîrvan Barzanî, Serokê Herêma Kurdistanê bi helkefta 56emîn salvegera damezrandina Yekîtiya Zanayên Ola Îslamî ya Kurdistanê peyameke pîrozbahiyê belav kir:

Serokê Herêma Kurdistanê bi xêrhatina Konsulê Giştî yê nû yê Fransayê kir

SUNDAY, 20 SEPTEMBER 2026 22:09:42

Hewlêr-KDP.info: îro Yekşem 20/09/2026, rêzdar Nêçîrvan Barzanî, Serokê Herêma Kurdistanê, pêşwaziyê li birêz Balyoz Emmanuel Mignot, Konsulê Giştî yê nû yê Fransayê li Herêma Kurdistanê kir.

Peyama Serok Barzanî bi boneya 80emîn salvegera damezrandina Partiya Demokrat a Kurdistanê

Hewlêr-KDP.info: Serok Mesûd Barzanî bi helkefta 16ê Tebaxê salvegera jidayikbûna xwe û salvegera 80ê ya damezrandina Partiya Demokrat a Kurdistanê (PDK) peyameke pîrozbahiyê belav kir û tê de ragihand: "PDK di dîrok, niha û paşerojê de alavek e ji bo xizmetkirina xelkî û bicîhanîna amanc û behayên neteweyî û nîştimanî."

Peyamek ji Serok Barzanî

Hewlêr-KDP: Serok Barzanî êrişa li ser hêzên Pêşmergeyan "bi tundî" şermezar kir û ragihand, ew êrişeke dijminane ye û ti hincetê ranagire.

Peyamek ji Serokê Herêma Kurdistanê

Hewlêr-KDP.info: Serokê Herêma Kurdistanê Nêçîrvan Barzanî bi tundî êrîşên mûşekî yên Îranê yên li ser hêzên Pêşmerge şermezar kirin û ev êrîş wekî "destdirêjiyeke dijminane ya rasterast li ser serweriya welat" pênase kir.