ئه‌مڕۆ چوارشه‌ممه 2021/7/21 به‌ڕێز نێچیرڤان بارزانى، سه‌رۆكى هه‌رێمى كوردستان و به‌ڕێز كیریاكۆس میتسۆتاكیس سه‌رۆك وه‌زیرانى یۆنان په‌یوه‌ندییه‌كى ته‌له‌فۆنییان ئه‌نجام دا و تیایدا په‌یوه‌ندییه‌كانى عیراق و هه‌رێمى كوردستانیان له‌گه‌ڵ یۆنانیان تاوتوێ كرد و هه‌ردوولا خواستیان بۆ بره‌ودان به بواره‌كانى په‌یوه‌ندى، هاوبه‌شى و هاریكاریى دوولایه‌نه‌یان دووپات كرده‌وه.
به‌ڕێز سه‌رۆك وه‌زیرانى یۆنان داواى لێبوردنى كرد كه سه‌ردانه چاوه‌ڕوانكراوه‌كه‌ى بۆ عیراق و هه‌رێمى كوردستان دوا خرا و ویستى خۆى بۆ ئه‌نجامدانى سه‌ردانه‌كه له كاتێكى گونجاوى داهاتوودا نیشان دا.
دوایین پێشهاته‌كانى بڵاوبوونه‌وه‌ى په‌تاى ڤایرۆسى كۆرۆنا، دۆخى عیراق و ناوچه‌كه به‌گشتى و چه‌ند بابه‌تێكى دیكه‌ى جێى بایه‌خى هاوبه‌ش، لایه‌نێكى دیكه‌ى په‌یوه‌ندییه ته‌له‌فۆنییه‌كه‌ى نێوانیان بوو.