Kurdî  ■  كوردی  ■  عربي
MON, 1 DEC 2025 02:27 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

سامان عارەب: لە چەند ڕۆژی داھاتوودا بەردی بناغەی گەورەترین پڕۆژە لە ھەولێر دادەنرێت
| KDP.info


لە شاری ھەولێر ژمارەیەک پڕۆژەی ستراتیژی دەکەونە بواری جێبەجێکردن و بەڕێوەبەری گشتیی وەبەرھێنانی ھەولێریش پێی وایە، جێبەجێکردنی ئەو پڕۆژانە کاریگەریی لەسەر ھەلی کار و بووژانەوەی ئابووریی ھەرێمی کوردستان دەبێت و دەشڵێت، لە چەند ڕۆژی داھاتوودا بەردی بناغەی گەورەترین پڕۆژەی چینی لە ھەولێر دادەنرێت.

سامان عارەب، بەڕێوەبەری گشتیی وەبەرھێنانی ھەولێر، بە ماڵپەڕی فەرمیی پارتی دیموکراتی کوردستانی ڕاگەیاند: "ژمارەیەک پڕۆژەی ستراتیژی لە سنووری ھەولێر جێبەجێ دەکرێت و بە ھەزاران ھەلی کار بۆ ھاووڵاتییان دەڕەخسێندرێت، یەکێک لەو پڕۆژانە پڕۆژەی (ھەپی ستی)یە لە شاری ھەولێر کە سێ پڕۆژەی ھاوشێوەی لە ڕۆژھەڵاتی ناوەڕاست درووست کراون و یەکێک لەو پڕۆژانەش لە شاری ھەولێر درووست دەکرێت، بە ھەمان قەبارە و بە گوژمەی پێنج ملیار دینار دەکەوێتە واری جێبەجێکردنەوە."

بەڕێوەبەری گشتیی وەبەرھێنانی ھەولێر گوتی: "پڕۆژەی ''ھەپی ستی'' دەکەوێتە گوندی ئاشۆکانی نزیک شاری ھەولێر و لە چەند ڕۆژی داھاتوودا بەردی بناغەی پڕۆژەی ھەپی ستی دادەنرێت، تەنیا لەو پڕۆژەیەدا ھەشت ھەزار ھەلی کاری تێدایە و ساڵانە ١٤ ملیۆن گەشتیار سەردانی دەکەن."

سامان عارەب ڕوونی کردەوە: "چەند پڕۆژەیەکی دیکەی گەشتیاری و پیشەسازی جێبەجێ دەکرێن، لەوانەش کارگەیەکی بەرھەمھێنانی ئاسن و شیش لە ناوچەی پیشەسازیی تیمار درووست دەکرێت، کە ڕێژەی بەرھەمھێنانی لە ھەموو کارگەکانی عێراق زیاترە، چەند پڕۆژەیەکی دیکەش لە پلانی حکوومەتدان، ھەموو ئەو پڕۆژانە ھەم ھەلی کار دابین دەکەن بۆ ھاووڵاتییان، ھەم دەبنە ھۆی بووژانەوەی ئابووری ھەرێمی کوردستان''.

قائید میرۆ




دوایین هەواڵەکان

مەکتەبی سیاسیی پارتی سەرەخۆشی لە خانەوادەی (بەکر حاجی حەسەن) دەکات

SUNDAY, 30 NOVEMBER 2025 23:11:23

ھەولێر-KDP.info- مەکتەبی سیاسیی پارتی دیموکراتی کوردستان، بۆ کۆچی دوایی خوالێخۆشبوو خاتوو (نەزیرە حاجی حەسەن محەممەد)، خوشکی ھەڤاڵی بەڕێز (بەکر حاجی حەسەن محەممەد) سەرەخۆشی لە خانەوادەکەیان دەکات.

 

بۆ ڕای گشتی عێراقییەکان

SUNDAY, 30 NOVEMBER 2025 21:11:00

فازڵ میرانی

 
هێمن هەورامی و کونسوڵی ئوردن جەختیان لە هەماهەنگی زیاتر کردەوە

SUNDAY, 30 NOVEMBER 2025 21:11:00

ھەولێر-KDP.info- بەرپرسی بەشی ڕێکخستنی پارتی پێشوازی لە کونسوڵی نوێی ئوردن کرد و لە دیدارەکەیاندا، بیروڕایان لەبارەی دوایین پەرەسەندنەکانی ھەرێمی کوردستان و ھاوکێشەکانی عێراق ئاڵوگۆڕ کرد و باسی پەیوەندییەکانی نێوان ئوردن و ھەرێمی کوردستانیان کرد و جەختیان لە بەردەوامی ھەماھەنگی زیاتر لە ئایندەدا کردەوە.

 
دەوڵەت لەژێر هەڕەشەی بۆردوماندا

SUNDAY, 30 NOVEMBER 2025 20:11:45

فازڵ میرانی

 
فازڵ میرانی و جێگری کونسوڵی گشتی به‌ریتانیا ڕەوشی ئەمڕۆی ناوچەکەیان تاوتوێ كرد

SUNDAY, 30 NOVEMBER 2025 19:11:08

پیرمام-KDP.info- ئه‌مڕۆ یه‌كشه‌ممه‌ 2025/11/30 ، لە بارەگای مەکتەبی سیاسی پارتی دیموکراتی کوردستان، فازڵ میرانی، بەرپرسی دەستەی کارگێڕی مەکتەبی سیاسی، پێشوازی لە (شارلێت دیکسون) جێگری کونسوڵ و کاربەڕێکەری کونسوڵخانەی گشتی بەریتانیا لە هەولێر و شاندی یاوەری کرد.

 


 
© 2023 Kurdistan Democratic Party, KDP

Contact