Kurdî  ■  كوردی  ■  عربي
SAT, 29 NOV 2025 11:51 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

عەدنان کەرکووکی: کۆمسیۆن لە کەرکووک شکستی ھێناوە
| KDP.info


کەرکووک -KDP.info- کێشە کەوتووەتە نێو ئۆفیسی کۆمسیۆنی باڵای ھەڵبژاردنەکانی عێراق لە کەرکووک و بەرپرسێکی دەزگای ھەڵبژاردنی پارتییش لە کەرکووک دەڵێت، بەڕێوەبەری ئۆفیسی کەرکووک بۆ بەرژەوەندیی لایەنێک کار دەکات.

عەدنان کەرکووکی، بەرپرسی دەزگای ھەڵبژاردنی پارتی لە کەرکووک، بە ماڵپەڕی فەرمیی پارتی دیموکراتی کوردستانی ڕاگەیاند: "ئۆفیسی کۆمسیۆن لە کەرکووک شکستی ھێناوە و ئەگەر ھەڵبژاردن لە کاتی خۆیدا بەڕێوە بچێت ئەوە لە سنووری پارێزگای کەرکووک کۆمسیۆن ھیچ ئامادەکارییەکی ئەوتۆی نەکردووە و ھەڵبژاردنەکانی پڕ دەبێت لە کێشە و ئاستەنگ، ئێمە زۆر نیگەرانین لە ھەنگاوەکانی کۆمسیۆنی کەرکووک و ڕۆژانە چاودێریی کارۆبارەکانی دەکەین.

بەرپرسەکەی پارتی دەشڵێت: "گۆڕینی بەڕێوەبەری ئۆفیسی کۆمسیۆنی ھەڵبژاردنەکان لە کەرکووک بەگوێرەی یاسا نەبووە و سەرۆکی کۆمسیۆنی باڵا بەپێی یاسا دەسەڵاتی نییە بە ئارەزووی خۆی بەڕێوەبەری پارێزگاکانی بگۆڕێت و پێویستی بە کۆدەنگیی ئەنجومەنی کۆمسیاران ھەیە."

عەدنان کەرکووکی ڕوونی کردەوە: "ئەو گۆڕانکارییەی لە ئۆفیسی کەرکووک کراوە جگە لەوەی یاسایی نییە، کاریگەریی کردووەتە سەر پشکی کوردیش، چونکە بەپێی ڕێژە، کورد لە کەرکووک زۆرینەیە و لەنێو کۆمسیۆن وەک پێویست نییە، ئەوەی ڕوویشی داوە لە گۆڕینی بەڕێوەبەر بۆ بەرژەوەندی لایەنێکی سیاسی بووە و کۆمسیۆن ئێستا لە کەرکووک بۆ بەرژەوەندییەکانی لایەنێکی سیاسی کار دەکات، نەک وەک سەربەخۆ."

قائید میرۆ

 




دوایین هەواڵەکان

سەرۆکی دەستەی گەشتوگوزار بۆ KDP: هەولێر هاوشانی شارە جیهانییەکانە

SATURDAY, 29 NOVEMBER 2025 10:11:02

هەولێر-KDP.info- لە گۆڤاری نێودەوڵەتیی (Condè Nast Traveler) تایبەت بە سێکتەری گەشتیاری، هەولێری پایتەخت بووە یەکەم باشترین شار لە کیشوەری ئاسیا و دەستنیشان کرا وەک پێویستییەک بۆ گەشتیاران تا سەردانی بکەن بۆ ساڵی ۲۰۲٦.   

 
سەرۆک بارزانی گەیشتە جەزیرەی بۆتان و بڕیارە وتارێک بکات

SATURDAY, 29 NOVEMBER 2025 10:11:41

جەزیرەی بۆتان-KDP.info-  بەیانیی ئەمڕۆ شەممە، 29ـی تشرینی دووەمی 2025، سەرۆک بارزانی گەیشتە شارۆچکەی جەزیرەی بۆتانی سەر بە پارێزگای شرنەخ، بە مەبەستی بەشداری لە چوارەمین سیمپۆزیۆمی نێودەوڵەتیی "مەلای جزیری" و بڕیارە گوتارێک پێشکەشی ئامادەبووان بکات.

 
تریفە عەزیز بۆ KDP باس له‌ بەرەوپێشچوونی پەیوەندیه‌كان و كردنه‌وه‌ی کۆنسووڵخانەی ئەمەریکا ده‌كات

FRIDAY, 28 NOVEMBER 2025 11:11:06

واشنتۆن-KDP.info- نوێنەری حكوومەتی هەرێمی كوردستان لە ئەمەریكا ڕایدەگەیەنێت، پەیوەندیی هەولێر و واشنتۆن بەردەوام لە بەهێزبووندایە و هەماهەنگییەکەش لە ڕووی ئاسایش و ئابوورییەوە ڕەنگی داوەتەوە. دەشڵێ، ئەمەریكا گەورەترین باڵیۆزخانەی خۆی لە هەولێر دەكاتەوە.

 
بەڕێوەبەری پۆلیسی هەولێر ئامانجی دەستپێکردنی ئەو قۆناغە نوێیەیان بۆ KDP ده‌خاته‌ڕوو

FRIDAY, 28 NOVEMBER 2025 10:11:35

هەولێر-KDP.info- بەڕێوەبەری پۆلیسی پارێزگای هەولێر ڕایدەگەیەنێت، قۆناغی کرداریی ڕیفۆرم لە پۆلیس بە هەماهەنگی و بەشداریی پۆلیسی ئەورووپی لە سنووری پارێزگای هەولێر دەستی پێکرد. دەشڵێ، لەم قۆناغەدا کار لە پێناو دروستکردنی پردی متمانە و ڕێز لە نێوان پۆلیس و هاووڵاتییاندا دەکەین.

 
ماڵپەڕی شێخان میدیا بە دۆمەینی www.shexanmedia.net دەستی بەوەشان کرد

FRIDAY, 28 NOVEMBER 2025 10:11:54

هەولێر-KDP.info- لە درێژەی هەنگاوەکانی بەشی ڕۆشنبیری و ڕاگەیاندنی پارتی دیموكراتی كوردستان، بۆ بەرەوپێشبردنی میدیا، ماڵپەڕی شێخان میدیا بە زمانەکانی کوردی - عەرەبی بە دۆمەینی www.shexanmedia.net دەستی بەوەشان کرد.

 


 
© 2023 Kurdistan Democratic Party, KDP

Contact