پەیامی سەرۆك بارزانی بۆ یادی كارەساتەكانی ٩ـی حوزەیران

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

WED, 9 JUN 2021 15:01 | KDP.info

بەناوی خودای مەزن و دلۆڤان

لە مێژووی خەباتی گەلەكەماندا ڕۆژ نییە یادی كارەسات و قوربانیدان و قارەمانێتیی ڕۆڵەكانی گەلەكەمان نەبێت. پەنجا و هەشت ساڵ بەر لە ئێستا لە ٩ـی حوزەیرانی ١٩٦٣ـدا ژمارەیەك ئازادیخوازی سلێمانی لەبەر ئەوەی ئامادە نەبوون سووكایەتی بە هێما نەتەوەییەكانیان بكەن، بەدەستی تاوانباری ئەو كات "زەعیم سدیق" شەهید كران. ئەو شەهیدە نەمرانەی سلێمانی بە قوربانیدانی خۆیان وانەیەكی پڕبەهای ئازایەتی و ئازادیخوازی بوون بۆ گەلەكەیان.

بیست و دوو ساڵ دوای تاوانەكەی زەعیم سدیق، هەر لە ڕۆژێكی وەك ئەمڕۆدا لە ٩ـی حوزەیرانی ١٩٨٥ـدا دەستی تاوانكاری دوژمن گەییشتە گیانی بێ تاوانی پەنابەران و، فڕۆكەكانی ڕژێمی ئەو كاتی عێراق دڕندانە ئۆردوگای پەنابەرانی "زێوە"ـیان بۆردومان كرد و لە تاوانەدا سەدان ژن و منداڵی بێ گوناحی پەنابەر و ئاوارە شەهید و بریندار بوون.

دوژمن پێیوابوو بە شەهیدكردن و ئازاردان و سووتاندنی ژن و منداڵ و ئازادیخوازانی كورد، دەتوانێ ئیرادەی گەلی كوردستان بۆ بەردەوامبوونی لە خەبات تێبشكێنێت. بەڵام ئیرادەی گەلی كوردستان بۆ مانەوە و خەبات و تێكۆشان، زۆر لە زەبروزەنگ و فڕۆكە و ئاگر و ئەشكەنجەی دوژمن بەهێزترە. دواجاریش چارەنووسی دوژمن و نەیارانی گەلەكەمانمان بینی و ئیرادەی بەرزی گەلەكەمان بەسەر دوژمنی بێویژداندا سەركەوت.

لەو یادەدا بە بەرزی یادی شەهیدانی هەردوو كارەساتی ٩ـی حوزەیران و هەموو شەهیدانی ڕێگەی ئازادیی كوردستان دەكەینەوە و خوێنی شەهیدانمان چرای ڕێگای ئێستا و داهاتوومانە.

مسعود بارزانی
٩ـی حوزەیرانی٢٠٢١

دوایین هەواڵەکان

ڕاگەیەندراوێک لە سەرۆکایەتی ئەنجوومەنی وەزیرانی هەرێمی کوردستانەوە

FRIDAY, 17 JULY 2026 15:07:33

هەولێر-KDP.info- سەرۆکایەتی ئەنجوومەنی وەزیرانی هەرێمی کوردستان لە ڕاگەیەندراوێکدا، بە توندی هێرشە مووشەکی و درۆنییەکانی کۆماری ئیسلامیی ئێرانی بۆ سەر خاکی هەرێمی کوردستان شەرمەزار کرد و رایگەیاند، ئەم هێرشانە بێ پاساون و دەبنە هۆی تێکدانی سەقامگیریی ناوچەکە.

پەیامێک لە سەرۆکایەتیی هەرێمی کوردستانەوە

FRIDAY, 17 JULY 2026 13:07:27

هەولێر-KDP.info- سەرۆکایەتیی هەرێمی کوردستان بە تووندی سەرکۆنەی هێرشەکانی ئەم دواییەی سەر هەرێم دەکات و دەڵێت، "بەئامانجگرتنی هەرێمی کوردستان و دەستپێکردنەوەی توندووتیژی پەرەسەندنێکی مەترسیدار و پێشێلکارییەکی زەقی سەروەری عێراقە."

بەڕێوەبەری پۆلیس بۆ KDP.info: هەماهەنگیی نێوان پۆلیس و ئەوقاف پتەوتر دەکەین

FRIDAY, 17 JULY 2026 11:07:03

هەولێر-KDP.info- بەڕێوەبەری پۆلیسی پارێزگای هەولێر ڕایگەیاند، بە مەبەستی هەماهەنگیی زیاتر لە نێوان هێزەکانی پۆلیس و بەڕێوەبەرایەتیی گشتیی ئەوقافی هەولێر و بۆردی وتاربێژان، سیمینارێکی گشتگیریان بەڕێوە بردووە، کە ئامانجی سەرەکی تێیدا، خزمەتکردنی زیاتری هاووڵاتیانە.

دژەتیرۆری کوردستان ڕاگەیندراوێکی بڵاو کردەوە

FRIDAY, 17 JULY 2026 10:07:36

ھەولێر-KDP.info- دژەتیرۆری کوردستان ڕاگەیندراوێکی بڵاو کردووەتەوە و تێیدا ئاماژەی داوە، بەگوێرەی زانیارییەکانی دژەتیرۆری کوردستان، بەرەبەیانی ئەمڕۆ هەینی 17ـی تەممووزی 2026، لە کاتژمێر 4:19 تا 5:25، هێزەکانی هاوپەیمانان هەشت درۆنی بۆمبڕێژکراویان لە ئاسمانی هەولێر تێکشکاند و خستە خوارەوە، هەروەها لە ڕاگەیەندراوەکەدا هاتووە، خۆشبەختانە هیچ زیانێکی گیانییان لێ نەکەوتەوە.

ژێرخانی پیشەسازیی خۆراک دادەمەزرێت..شوێنی دامەزراندنی دووسەد کارگەی دەبێت

THURSDAY, 16 JULY 2026 15:07:48

دهۆك-KDP.info- به‌ڕێوه‌به‌ری گتشی وه‌به‌رهێنانی دهۆك ده‌ڵێ "ناوچه‌ی پیشه‌سازی خۆراك له‌ ده‌ڤه‌ری سێمێل چووه‌ته‌ بواری جێبه‌جێكردن و شوێنی دامه‌زراندنی دووسه‌د كارگه‌ی تێدایه."

پەیامی سەرۆک بارزانی لە ساڵیادی بۆردومانکردنی قەڵادزێ و زانکۆی سلێمانی

ھەولێر-KDP.info- ڕۆژی هەینی 24ی نیسانی 2026 سەرۆک مەسعود بارزانی لە پەنجا و دووەمین ساڵیادی بۆردومانکردنی قەڵادزێ و زانکۆی سلێمانی لە تۆڕی کۆمەڵایەتی ئێکس پەیامێکی بڵاوکردەوە.

دەقی پەیامی سەرۆک بارزانی؛

پەیامی سەرۆکی ھەرێمی کوردستان، لە ساڵیادی بۆردومانکردنی قەڵادزێ و زانکۆی سلێمانیدا

ھەولێر-KDP.info- سەرۆکی ھەرێمی کوردستان، لە ساڵیادی بۆردومانکردنی قەڵادزێ و زانکۆی سلێمانیدا پەیامێکی راگەیاند ئەمە دەقەکەیەتیی:

پەیامێک لە سەرۆک بارزانییەوە

ھەولێر-KDP. info- ڕۆژی هەیینی، 10ی نیسانی 2026، سەرۆک مەسعود بارزانی پەیامێکی لە بارەی پرسی هەڵبژاردنی سەرۆک کۆماری عێراق لە تۆڕی کۆمەڵایەتی ئێکس بڵاوکردەوە.