Kurdî  ■  كوردی  ■  عربي
FRI, 20 FEB 2026 17:02 Erbil, GMT +3
پارتی دیموکراتی کوردستان
ئازادی . دیموکراسی . دادپەروەری
 

سه‌رۆكى هه‌رێمى كوردستان و نوێنه‌رى تایبه‌تى سكرتێرى گشتیى UN كۆبوونه‌وه‌‌
| KDP.info


بەغدا-KDP.info- ئێواره‌ى ئه‌مڕۆ شه‌ممه‌ 2021/4/10 به‌ڕێز نێچیرڤان بارزانى، سه‌رۆكى هه‌رێمى كوردستان، له‌گه‌ڵ خاتوو جینین پلاسخارت نوێنه‌رى تایبه‌تى سكرێترى گشتیى نه‌ته‌وه‌ یه‌كگرتووه‌كان له‌ عێراق كۆبووه‌وه‌. 

له‌ كۆبوونه‌كه‌دا بارودۆخى عێراق له‌ڕووى سیاسى و ئابوورى و ئه‌منییه‌وه‌، په‌یوه‌ندییه‌كانى هه‌ولێر ـ به‌غدا و گفتوگۆى چاره‌سه‌ركردنى كێشه‌كانیان، ڕێككه‌وتنى حكوومه‌تى هه‌رێمى كوردستان و حكوومه‌تى فیدراڵى عێراق بۆ ئاساییكردنه‌وه‌ى دۆخى شه‌نگال، هه‌ڵبژاردنه‌كانى داهاتووى عێراق، مه‌ترسییه‌كانى تیرۆر و هه‌ڕه‌شه‌كانى داعش تاتوێ كران. 

سه‌رۆك نێچیرڤان بارزانى وێراى خستنه‌ڕووى پوخته‌یه‌ك له‌ به‌رنامه‌ و ئامانجى سه‌ردانه‌كه‌ى بۆ به‌غدا، جه‌ختى له‌ گرنگیى ڕۆڵى یارمه‌تیدره‌ى تیمى نه‌ته‌وه‌ یه‌كگرتووه‌كان له‌ عێراق كرده‌وه‌ كه‌ له‌نێوان هه‌موو هێزه‌ و لایه‌نه‌كاندا‌ له‌ گفتوگۆدایه‌ و ده‌خوازێت له‌ چوارچێوه‌ى ئه‌ركى خۆیدا له‌ عێراق هاوكارى بكات بۆ چاره‌سه‌ركردنى كێشه‌كانیان.  

لاى خۆیه‌وه‌ خاتوو ‌پلاسخارت خۆشحاڵیى خۆى به‌ به‌رده‌امیى گفتوگۆى هه‌ولێر ـ به‌غدا ده‌ربڕى و هیواى خواست هه‌رێمى كوردستان و عێراق به‌ گفتوگۆ و له‌سه‌ر بنه‌ماى ده‌ستوور بگه‌نه‌ چاره‌سه‌ركردنى كێشه‌كانیان و هه‌موو لایه‌نه‌ عێراقییه‌كان بۆ تێپه‌راندنى دۆخه‌كه‌ و له‌پێناو ئارامى و سه‌قامگیریدا پێكه‌وه‌ هاوكار بن.

 




دوایین هەواڵەکان

ڕێبوار تاڵەبانی بۆ KDP: پێویستە میساقێکی نیشتمانی لە نێوان فراکسیۆنەکان ئیمزا بکرێت

FRIDAY, 20 FEBRUARY 2026 13:02:26

هه‌ولێر-KDP.info- ڕاوێژكارێكی سه‌رۆكی حكوومه‌ت جه‌خت ده‌كاته‌وه‌ كه‌ جێبه‌جێكردنی ماده‌ی ١٤٠ هێڵی سووره‌ و ده‌بێت ئه‌مجاره‌ كورد مه‌رجی توندی بۆ به‌شداری له‌ حكوومه‌تی به‌غدا هه‌بێت.

 
مەلا یوسف بۆ KDP: خۆشەویستیی نیشتمان بەشێکە لە ئیمان و ئەرکێکی باڵای ئایینی و مرۆییە

FRIDAY, 20 FEBRUARY 2026 13:02:02

سۆران-KDP.info- خۆشەویستیی نیشتمان و خزمەتکردنی گەل، جەوهەری پەیامی پێغەمبەری خودا (د.خ) و بەشێکی دانەبڕاوە لە ناسنامەی مامۆستایانی ئایینیی کوردستان. لەم ڕوانگەیەوە، (KDP.info) لە زنجیرە دیدارێکی تایبەتدا لە مانگی ڕەمەزانی پیرۆزدا، تیشک دەخاتە سەر ڕۆڵی مێژوویی مزگەوت و حوجرەکان وەک سەرقافڵەی نیشتمانپەروەری، کە هەمیشە ئایین و نیشتمانیان بە یەکدییەوە گرێداوە و دوعای خێریان بۆ کوردستان بووە. 

 
وەزیری ناوخۆ سەردانەکەی بۆ واشنتۆن کۆتایی پێهێنا و هاوبەشیی ستراتیژیی هەرێمی دووپاتکردەوە

FRIDAY, 20 FEBRUARY 2026 13:02:42

واشنتۆن-KDP.info- وەزیری ناوخۆی حکوومەتی هەرێمی کوردستان، دوای زنجیرەیەک دیداری ئاستبەرز لەگەڵ بەرپرسانی کۆشکی سپی، کۆنگرێس و ناوەندەکانی بڕیار، کۆتایی بە سەردانە فەرمییەکەی بۆ ویلایەتە یەکگرتووەکانی ئەمریکا هێنا.

 
وەزیری ناوخۆ سەردانی بارەگای سەرەكی دەزگای (FBI)ی ئەمەریكی كرد

THURSDAY, 19 FEBRUARY 2026 23:02:00

ئەمەریکا-KDP.info- وەزیری ناوخۆی حکوومەتی ھەرێمی کوردستان ئەمڕۆ پێنجشەممە سەردانی بارەگای سەرەکی دەزگای لێکۆڵینەوەی فیدراڵی ئەمەریکا (FBI)ی کرد و ھەردوولا جەختیان لە بەھێزکردنی ھەماھەنگییەکانی نێوان ھەرێمی کوردستان و ئەمەریکا کردەوە.

 
سەرۆکی ئەرکان سەردانی میحوەری پێنجی پێشمەرگەی لە پردێ کرد

THURSDAY, 19 FEBRUARY 2026 20:02:00

ھەولێر-KDP.info- ئەمڕۆ پێنجشەممە، ١٩ی شوباتی ٢٠٢٦، فەریق روکن عیسا عوزێر، سەرۆکی ئەرکانی وەزارەتی پێشمەرگە، بە یاوەری لیوا روکن ھۆشمەند حیدەر ڕەشید، جێگری سەرۆکی ئەرکان بۆ ئیدارە و میرە، ڕاوێژکاری باڵای وەزارەت، بەڕێوەبەری جموجۆڵی سەربازی و بەڕێوەبەری گشتی ڕاگەیاندن و ھۆشیاری، بە مەبەستی ئاگاداربوون لە ڕەوشی سەربازی و کارگێڕی، سەردانی میحوەری پێنجی ھێزی پێشمەرگەی کرد و لەلایەن نوری حەمە عەلی، فەرماندەی میحوەر و جێگرانی میحوەر و ئەفسەرانەوە پێشوازییان لێکرا.

 



 
© 2023 Kurdistan Democratic Party, KDP

Contact