رۆژئاڤایی کوردستان-KDP.info- ئالدار خەلیل ئەندامێ کۆنسەیا هەڤسەرۆکایەتیا پەیەدێ، د هەڤدیتنەکا خۆدا ئێڕشی هێزێن پێشمەرگەیێ رۆژ کر و ب''مورتەزق'' و ''کرێگرتیێن'' دەولەتا تورکیان ل قەلەم دان، ئەڤە ژی جهێ نەڕازیبوونا سەرتاسەرییا کوردان.
پێشمەرگەیێ رۆژ ئێک ژوان هێزانە کو ژ کوڕێن رۆژئاڤایێ کوردستانێ پشکداری دچەندین شەڕان دا کرین ل دژی داعش و چەندین گرۆپێن دی ێین دوژمنی هەڕیما کوردستانێ، و بۆ خۆ هیچ هێزەکێ نەچەماندن.
سەرۆکێ شاندێ دانووستانکارێ ئەنەکەسێ بۆ ڕیککەفتن ل پەیەنەکێ، دبێژیت، گۆتنێن ئاڵدار خەلیلی دژی بەرژەوەندیێن مللەتێ کوردن و دبیتە ئەگەر کو جڤاکا کوردی تێکبدەت، نامەیەکە بۆ دوژمنێ گەلێ کورد ڤڕێدکەت، کو ناهێلیت هیچ نێزیکبوونەکا کوردی- کوردی دروست بیت.
سەرۆکایەتییا هەرێما کوردستانێ ژی دبەیاننامەکێ دا بەرسڤا ئاڵدار خەلیل دان و دیارکرن، هەردەما بەحسا کرێگرتیا بهێتە کرن، کێ د‌هێتە هزرا خەلکێ، کردار و دیرۆک و بوویەر دێدەڤانێن وێ چەندێ نە کی کرێگرتیێ ئەڤی و ئەوی بوو.
محەممەد ئیسماعیل، د داخویانییەکا تایبەتدا بۆ ماڵپەرێ فەرمییێ پارتی دیموکراتی کوردستان گۆت:'' ئەڤە نە ئێکەم جارە سەرۆکێ شاندێ پەیەنەکێ ئێڕشی و سڤکاتییان ب پیرۆزیێن مللەتێ کورد دکەت و دزانیت ، پێشمەرگەیێ رۆژ ئێکە ژ هێزێن دەستسپی، و دژی دوژمنێن مرۆڤایەتێی شەڕ کرییە.
دیارژی کر، ئەڤ پێشمەرگەیێ رۆژ هەموو نفشێن بنەماڵێن خەباتکەڕین کوردن و هەمووان ب دەهان ساڵان ل سەر دۆزا کورد و کوردستانێ خەبات و فەداکاری داینە، ئەڤ جۆرە داخوییانیێن ئاڵداری دبنە ئەگەر کو دانووستاندێن کوردی- کوردی کارتێکرن لێ بهێتە کرن.
'' هەر گاڤا کو زەمینەسازییەک و سەقاییەکی ئارام چیبیت بۆ ل هەڤهاتنا کوردی- کوردی، ئەڤ جۆرە هەلویستە چێدبن و دخوازن ئاستەنگییەکێ دروستبکەن، ئەڤە ژی نەحەزێن ئێکڕیزییا کوردینە.'' محەممەد ئیسماعیل وەسان دبێژیت.
محەممەد ئیسماعیل دبێژیت؛'' دڤێت ئالیێ گەرەنتیکارێ دانووستاندنان دیاربکەت ئەرێ ئەگەر ئەو ل گەل دیالۆگ و ئێکڕێزییا کوردینە یان نە، ئەگەر نا بلا بۆ جیهانێ دیاربکەن.
کــاروان بــاعەدری