دهۆک-KDP.info- د رێورەسمەکی دا ئەڤرۆ رۆژا 14/1/2021 شەش رێڤەبەرێن گشتی یێن کو د سالێن بۆری دا خزمەتا پارێزگەها دهۆکێ کری هاتنە خەلاتکرن و پیرۆزباهی ل رێڤەبەرێن نوی دەست بکاربووین هاتەکرن.
مللەت عسمەت، سکرتێرێ رۆژنامەڤانی یێ پارێزگارێ دهۆکێ بۆ ماڵپەرێ فەرمیێ پارتی دیموکراتی کوردستان ئاشکرا کر کو ژ بەر ماندیبوون و خزمەتا وان د سالێن بۆری دا پێشکێشی پارێزگەها دهۆکێ کری، ئەڤرۆ د رێورەسمەکی دا (د. عەلی تەتەر) پارێزگارێ دهۆکێ خەلاتێ رێزلێنانێ پێشکێشی رێڤەبەرێن هەر ئێک ژ رێڤەبەریێن گشتی یێن (چاندن، کارەب، رەوشەنبیری و هونەری، ئەوقاف و کاروبارێن ئایینی، ساخلەمی) یێن کو د هەیاما بۆری دا هاتینە گوهۆڕین کر و گۆت: "مالباتا رێڤەبەرێ بەرێ یێ گەشتوگۆزارێ ل پارێزگەها دهۆکێ خەلاتێ رێزلێنانێ یێ وی وەرگرت، ژ بەر کو بەری رێڤەبەرێ گشتی یێ گەشتوگۆزارێ ل پارێزگەها دهۆکێ بهێتە گوهۆڕین کو بۆ دەمێ هەشت سالان رێڤەبەرێ رێڤەبەریا ناڤهاتی بوو ژ ئەگەرێ ڤایرۆسێ کۆرۆنایێ وەغەرا دووماهیێ کر".
سکرتێرێ رۆژنامەڤانی یێ پارێزگارێ دهۆکێ خویا کر کو د هەمان رێورەسم دا پارێزگارێ دهۆکێ پیرۆزباهی ل رێڤەبەرێن گشتی یێن ل رۆژێن بۆری ل سنوورێ پارێزگەها دهۆکێ دەست بکاربووین کر و داخوازا سەرکەفتنێ بۆ د ئەرکێ وان یێ نوی دا خواست.
رێوار محەمەد رەشید
-
-
-
-
-
-
-