ئێکەتیا ئۆرۆپی تاقیگەھەک بۆ پشکنینێن کۆرۆنایێ ل دھۆکێ ڤەکر

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

TUE, 24 NOV 2020 18:18 | KDP.info

دھۆک-KDP.info- تاقیگەھەکا تایبەت بۆ پشکنینێن کۆرۆنایێ ئەڤرۆ رۆژا ٢/١١/٢٠٢٠ ب ئامادەبوونا (د.عەلی تەتەر) پارێزگارێ دھۆکێ د ناڤ نەخۆشخانا لالاڤ دا ل پارێزگەھا دھۆکێ ھاتە ڤەکرن.

د. عەلی تەتەر، پارێزگارێ دھۆکێ د پرێس کۆنفرانسەکی دا دیار کر کو پارێ ڤێ تاقیگەھێ ژ لایێ ئێکەتیا ئۆرۆپی ڤە ب ھەڤکاری دگەل رێکخراوا (AISPO NGO) ھاتیە دابینکرن و گۆت: "نەخۆشخانا لالاڤ یا تایبەت ب نەخۆشێن کۆرۆنایێ ژ لایێ کۆمپانیا لالاڤ ڤە ھاتیە چێکرن، بەلێ ئەو کەلوپەلێن د ناڤ نەخۆشخانێ دا وەکو پێدڤیێن نۆشداری و ئامیرە و کارگەھا ئۆکسجینێ و نۆشدار و کارمەند و ھتد... ژ لایێ حکومەتا ھەرێما کوردستانێ ڤە بۆ ڤێ نەخۆشخانێ ھاتینە دابینکرن".

ناڤھاتی ئاماژە دا وێ چەندێ کو ئەگەرێ سەرەکی یێ بەلاڤبوونا ڤایرۆسێ کۆرۆنایێ ل ھەرێما کوردستانێ ب گشتی و پارێزگەھا دھۆکێ ب تایبەتی خرڤەبوونێن نە پێدڤی نە ئەوێن کو ل کافێ و ھۆلێن شەھیانان و ھتد.... دھێنە ئەنجامدان، بەلێ ژ بەر وان کاودانێن نوکە ھەرێما کوردستانێ تێدا دەرباز دبیت ئەو نەشێن پتر گڤاشتنێ ل سەر خەلکی بکەن ژ بەر کو ھندەک تشت یێن ھەین ژیانا رۆژانە یا خەلکی یا پێڤە گرێدایە و گۆت: "نوکە ئەم نەچارین دگەل کۆرۆنایێ بژین و پێگێریێ ب مەرج و رێنمایێن ساخلەمیێ بکەین و دەزگەھێن پەیوەندیدار نوکە ب تووندی یێ دوڤچوونا وان جھێن پارێزگەھا دھۆکێ دکەن یێن کو خرڤەبوون لێ دھێنە ئەنجامدان و ھەر کەس و جھەکێ پێگیریێ ب مەرج و رێنمایێن ساخلەمیێ نەکەت دێ ل دووڤ یاسایێ سەرەردەری دگەل ھێتەکرن".

ژ ئالیێ خوە ڤە د. نزار عسمەت رێڤەبەرێ گشتی یێ ساخلەمیێ ل پارێزگەھا دھۆکێ د ھەمان پرێس کۆنفرانس دا خویا کر کو د ھەیاما بۆری دا ئێکەتیا ئۆرۆپی گەلەک پرۆژێن گرێدایی ب کەرتێ ساخلەمیێ ڤە ل سەرانسەری پارێزگەھا دھۆکێ ئەنجامداینە و گۆت: "پارێ تاقیگەھا تایبەت ب ڤایرۆسێ کۆرۆنایێ ڤە یا کو ئەڤرۆ ل نەخۆشخانا لالاڤ ھاتیە ڤەکرن ھەر ژ لایێ ئێکەتیا ناڤھاتی ڤە ب ھاریکاریا رێکخراوا (AISPO NGO) ھاتیە دابینککرن کو نێزیکی ٢٠٠ ھزار یورۆیان ل ڤێ تاقیگەھێ ھاتینە مەزاختن".

ناڤھاتی خویا کر کو رێژا توشبوونێ ب ڤایرۆسێ کۆرۆنایێ ل پارێزگەھا دھۆکێ رۆژ بۆ رۆژێ د زێدەبوونێ دایە و ب مخابنی ڤە رۆژانە مە حالەتێن مرنێ ژی ھەنە، بەلێ ئەو ب ھەمی شیانێن خوە ڤە یێ بزاڤان دکەن ژمارا تووشبوویان ب ڤایرۆسێ کۆرۆنایێ کێم بکەین.

رێوار محەمەد رەشید

دوایین هەواڵەکان

مەکتەبی سیاسیی پارتی سەرەخۆشی لە ماڵباتی (عومەر عەلی حەمەئەمین) دەکات

MONDAY, 30 MARCH 2026 23:03:41

ھەولێر-KDP.info- مەکتەبی سیاسیی پارتی دیموکراتی کوردستان، بۆ کۆچی دوایی خوالێخۆشبوو (عومەر عەلی حەمەئەمین) پرسە و سەرەخۆشیی ئاراستەی خانەوادەی کۆچکردوو دەکات.

سەرۆکی حکوومەت و وەزیری وزەی ئەمەریکا دۆخی وزە لە هەرێمی کوردستان و عێراق و ناوچەکە تاوتوێ دەکەن

MONDAY, 30 MARCH 2026 20:03:17

هەولێر-KDP.info- ئێوارەی ئەمڕۆ دووشەممە 3/30، مەسروور بارزانی سەرۆکی حکوومەتی هەرێمی کوردستان، لە پەیوەندییەکی تەلەفۆنیدا لەگەڵ کریس ڕایت، وەزیری وزەی ویلایەتە یەکگرتووەکانی ئەمەریکا، گفتوگۆیان لەبارەی دوایین گۆڕانکاری و پەرەسەندنەکانی هەرێمی کوردستان و عێراق و بە تایبەتی دۆخی وزە کرد.

هیوا ئەحمەد مستەفا سەردانی تێکۆشەری هەردوو شۆڕشی ئەیلوول و گوڵان دەکات

MONDAY, 30 MARCH 2026 19:03:54

کەرکووک-KDP.info- ئەمڕۆ دووشەممە، ٣٠ـی ئاداری ٢٠٢٦، هەڤاڵ هیوا ئەحمەد مستەفا، ئەندامی مەکتەبی سیاسی و بەرپرسی مەکتەبی ڕێکخستنی کەرکووک - گەرمیانی پارتی دیموکراتی کوردستان، لە نەخۆشخانە سەردانی پێشمەرگەی دێرین و تێکۆشەری هەردوو شۆڕشی مەزنی ئەیلوول و گوڵان، هەڤاڵ ئەحمەد فەتحوڵڵاـی کرد.

سەرۆکی ھەرێمی کوردستان، پەیوەندییەکی تەلەفۆنیی لە سەرۆککۆماری تورکیاوە پێگەیشت

MONDAY, 30 MARCH 2026 19:03:19

ھەولێر-KDP. info- ئێوارەی ئەمڕۆ دووشەممە 2026/3/30 بەڕێز نێچیرڤان بارزانی، سەرۆکی هەرێمی کوردستان، پەیوەندییەکی تەلەفۆنیی لە بەڕێز ڕەجەب تەیب ئەردۆغان، سەرۆککۆماری تورکیاوە پێگەیشت.

پشتیوان سادق سەردانی مەڵبەندی سێی یەکێتیی نیشتمانیی کوردستانی لە هەولێر کرد

MONDAY, 30 MARCH 2026 19:03:54

هەولێر-KDP.info- ئەمڕۆ دووشەممە ٣٠ی ئاداری ٢٠٢٦، دکتۆر پشتیوان سادق، بەرپرسی مەکتەبی ڕێکخستنی پارێزگای هەولێری پارتی دیموکراتی کوردستان، بە یاوەری هەریەک لە بەڕێزان چیا محەمەد هەرکی و مامۆستا کەمال، سەردانی مەڵبەندی سێی یەکێتیی نیشتمانیی کوردستانیان لە هەولێر کرد.

پەیامێک لە سەرۆک بارزانییەوە

ھەولێر-KDP.info- سەرۆک بارزانی سەبارەت بەو ھێرشەی بە مووشەکی ئێرانی کرایە سەر بارەگاکانی ھێزی پێشمەرگە پەیامێکی راگەیاند کە ئەمە دەقەکەیەتیی:

سەرۆک بارزانی پەیامەک ب هەلکەفتا جەژنا نەورۆزێ ئاراستەی کوردستانیێن باژێڕێ بۆن و ڕەوەندا کوردی ل ئەوروپا دکەت

ئەڵمانیا-KDP.info- د چارچۆڤێ ئاهەنگێن جەژنا نەتەوەیی یا نەورۆزێ دا ل باژێڕێ بۆن یێ وەلاتێ ئەڵمانیا، جەنابی سەرۆک مەسعوود بارزانی پەیامەکا گرنگ ئاراستەی ئامادەبوویان و هەمی کوردستانیێن دەرڤەی وەلاتی کر. د پەیامەکێ دا کو ب ناڤێ جەنابی وی هاتە خویندن، سەرۆک بارزانی وێ چەندێ دیار دکەت کو "نەورۆز نیشانەیا ژیانەڤە و ئازادیێ و دەستپێکەکا تازەیە بۆ گەلێ کورد".

سەرۆک بارزانی: هەستێکی زۆر خۆشم هەیە کە کوردستان بەو شێوەیە بەرەو پێش چووە

ھەولێر-KDP.info- سەرۆک بارزانی لە چاوپێکەوتنێکی تایبەتدا لەگەڵ کەناڵی شەمس، باسی لە چەند پرسێکی گرنگ و تایبەت بە ناوچەکە کرد، هەروەها باسی لە دۆخی سیاسیی عێراق و هەڵبژاردنی پەرلەمانی ئەو وڵاتەکە کرد.