سەرۆك بارزانی پێشوازی لە باڵیۆزی نۆروێژ لە عێراق دەكات

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

WED, 21 OCT 2020 18:36 | KDP.info

ھەولێر-KDP. info- ڕۆژی چوارشەممە 21ـی تشرینی یەكەمی 2020 لە سەلاحەدین سەرۆك مەسعود بارزانی پێشوازی لە خاتوو تۆنی ئاڵێرز باڵیۆزی نۆروێژ لە عێراق كرد.

لە دیدارەكەدا بیر و ڕا لەبارەی بارودۆخی سیاسی و دوا پێشهاتەكانی عێراق ئاڵوگۆڕ كرا و باڵیۆزی نۆروێژ لە عێراق هاوسۆزی و نیگەرانیی خۆی بۆ ڕووداوی پەلاماردانی بارەگای پارتی دیموكراتی كوردستان لە بەغدا بە سەرۆك بارزانی ڕاگەیاند. وێڕای دەربڕینی پێزانین بۆ قوربانیدانی هێزی پێشمەرگەی كوردستان لە شەڕی تیرۆریستانی داعش پیرۆزباییشی لە ڕێككەوتنی ئاساییكردنەوەی بارودۆخی شنگال كرد كە لە نێوان حكوومەتی هەرێمی كوردستان و حكوومەتی فیدڕاڵ بەستراوە و بە هەنگاوێكی ئیجابی لە قەڵەم دا.

باڵیۆزی نۆروێژ ڕاشیگەیاند كە وڵاتەكەی بەشێكە لە هاوپەیمانێتیی نێودەوڵەتیی دژی داعش و ڕۆڵی هەبووە لە مەشق و ڕاهێنانی پێشمەرگە و جەختی لە ویستی وڵاتەكەی كردەوە بۆ پەرەپێدانی هەماهەنگی و پەیوەندیی نێوان وڵاتەكەی و هەرێمی كوردستان.

هەر لەو كۆبوونەوەیەدا سەرۆك بارزانی سوپاسی ڕۆڵی وڵاتی نۆروێژی كرد لە هاوپەیمانێتیی شەڕی دژی داعش و پێشوازیشی كرد لە پەرەپێدانی پەیوەندییەكانی نێوان هەردوولا. پەیوەست بە پەیوەندییەكانی هەولێر و بەغداش سەرۆك بارزانی ئەوەی خستەڕوو كە پەیوەندییەكان ئاراستەیەكی ئیجابیان وەرگرتووە و دەرفەت بۆ چارەسەركردنی كێشەكان لە ئارادایە.

هەڵبژاردنەكانی داهاتووی عێراق و هەڕەشەكانی تیرۆر و بارودۆخی ئەمنیی عێراق و ڕووداوەكەی گوندی فەرحاتیە تەوەری تری ئەو دیدارە بوون.

دوایین هەواڵەکان

سەرۆکی دیوان و کونسوڵی گشتیی ڕووسیا جەختیان لە پەرەپێدانی پەیوەندییەکان کردەوە

THURSDAY, 06 AUGUST 2026 18:08:39

ھەولێر-KDP. info- ئەمڕۆ پێنجشەممە 2026/8/6 بەڕێز فەوزی هەریری، سەرۆکی دیوانی سەرۆکایەتیی هەرێمی کوردستان، پێشوازیی لە بەڕێز ماکسیم ڕۆبن، کونسوڵی گشتیی ڕووسیا لە هەرێمی کوردستان، کرد.

پەرلەمانی ئەڵمانیا خەڵاتی ڕێزلێنانی مرۆیی بەخشییە دەزگای خێرخوازیی بارزانی

THURSDAY, 06 AUGUST 2026 17:08:32

ھەولێر-KDP.inf- لە یادکردنەوەی 21ەمین ساڵیادی دامەزراندنی دەزگای خێرخوازیی بارزانی، پەرلەمانی ئەڵمانیا خەڵاتی ڕێزلێنانی مرۆیی بەخشییە دەزگای خێرخوازیی بارزانی، وەک پێزانینێک بۆ ڕۆڵ و هەوڵە بەردەوامەکانی لە پێشکەشکردنی خزمەتگوزاری و هاوکارییە مرۆییەکان.

شاندێکی پارتی دیموکراتی کوردستان سەردانی کونسوڵخانەی گشتی کۆماری کۆریای کرد

THURSDAY, 06 AUGUST 2026 16:08:16

ھەولێر-KDP.info- شاندێکی مەکتەبی پەیوەندییەکانی دەرەوەی پارتی دیموکراتی کوردستان، بەمەبەستی پیرۆزبایی و بەخێرهێنانی بەڕێز ئێون گیۆ شیم (H.E. Mr. Eoon Gyo Shim)، کونسوی گشتی نوێی کۆماری کۆریا، سەردانی کونسوڵخانەی گشتی کۆماری کۆریای لە هەرێمی کوردستانی کرد و هیوای سەرکەوتنیان لە ئەرکی نوێی وەک کونسوڵی گشتی وڵاتەکەی لە هەرێمی کوردستان بۆ خواست.

وەزیری پەروەردە: ئەنجوومەنی وەزیران داوای ڕوونکردنەوەی زیاتریان لەسەر ئەم بابەتە کردووە

THURSDAY, 06 AUGUST 2026 12:08:18

ھەولێر-KDP.info- وەزیری پەروەردەی حكوومەتی هەرێمی كوردستان دەڵێت، ڕیفۆرم لە خوێندنی پیشەیی قۆناغی ئامادەیی دەكەین، هاوكات باس لە وادەی دەستپێكردنی خوێندنی ئەمساڵیش دەكات.

سەرۆکی هەرێم و سەرکردەکانی عێراق جەخت لە کۆنتڕۆڵکردنی چەک و پاراستنی سەروەریی وڵات دەکەنەوە

THURSDAY, 06 AUGUST 2026 12:08:00

ھەولێر-KDP.info- سەرۆکی ھەرێمی کوردستان، بەشداری لە کۆبوونەوەیەکی باڵای "ھاوپەیمانی بەڕێوەبردنی دەوڵەت" لە بەغدا کرد، کە تێیدا سەرکردەکانی چوار سەرۆکایەتییەکەی عێراق و ھێزە سیاسییەکان جەختیان لەسەر جێبەجێکردنی بڕیاری سنووردارکردنی چەک لە دەستی دەوڵەتدا کردەوە.

پەیامی سەرۆک بارزانی لە ساڵیادی بۆردومانکردنی قەڵادزێ و زانکۆی سلێمانی

ھەولێر-KDP.info- ڕۆژی هەینی 24ی نیسانی 2026 سەرۆک مەسعود بارزانی لە پەنجا و دووەمین ساڵیادی بۆردومانکردنی قەڵادزێ و زانکۆی سلێمانی لە تۆڕی کۆمەڵایەتی ئێکس پەیامێکی بڵاوکردەوە.

دەقی پەیامی سەرۆک بارزانی؛

پەیامی سەرۆکی ھەرێمی کوردستان، لە ساڵیادی بۆردومانکردنی قەڵادزێ و زانکۆی سلێمانیدا

ھەولێر-KDP.info- سەرۆکی ھەرێمی کوردستان، لە ساڵیادی بۆردومانکردنی قەڵادزێ و زانکۆی سلێمانیدا پەیامێکی راگەیاند ئەمە دەقەکەیەتیی:

پەیامێک لە سەرۆک بارزانییەوە

ھەولێر-KDP. info- ڕۆژی هەیینی، 10ی نیسانی 2026، سەرۆک مەسعود بارزانی پەیامێکی لە بارەی پرسی هەڵبژاردنی سەرۆک کۆماری عێراق لە تۆڕی کۆمەڵایەتی ئێکس بڵاوکردەوە.