د. شیرین حوسنی

ھەولێر-KDP.info- سەرۆک بارزانی بە بۆنەی هەشتاهەمین ساڵیادی دامەزراندنی پارتی دیموكراتی كوردستان پەیامێکی پیرۆزبایی ئاراستەی خەڵکی کوردستان کرد و جەختی کردەوە کە پارتی بڕوای پتەوی بە پێكەوەژیان، برایەتی و تەبایی نێوان هەموو پێكهاتە نەتەوەیی و ئایینییەكان و سەرجەم لایەنە سیاسییەكانی كوردستان  و عێراق هەیە.

ھەولێر-KDP.info- بە بۆنەی هەشتایەمین ساڵیادی دامەزراندنی پارتی دیموکراتی کوردستان، هەر یەکە لە یەکگرتووی ئیسلامیی کوردستان، پارتی پارێزگارانی کوردستان و هاوپەیمانیی دەنگی نیشتمانی، پەیامی پیرۆزبایی جیاوازیان ئاڕاستەی سەرۆک مەسعود بارزانی و مەکتەبی سیاسیی پارتی کرد.

ھەولێر-KDP.info- نێچیرڤان بارزانی، بە بۆنەی هەشتا ساڵەی دامەزراندنی پارتی دیموکراتی کوردستان و یادی ١٦ی ئابەوە پەیامێکی پیرۆزبایی بڵاو کردەوە و تێیدا جەخت لەسەر بەرپرسیاریەتیی نیشتمانیی پارتی وەک پێشەنگی تەبایی و پێکەوەژیان دەکاتەوە. هاوكات دووپاتی دەکاتەوە کە بۆ پاراستنی ئەم کاروانە پڕ لە شانازییە، دەبێت بەردەوام پارتی خۆی لەگەڵ گیانی سەردەم نوێ بکاتەوە و برەو بە دامەزراوەییبوون بدات تا وەک گەرەنتیی سەرەکیی مافە ڕەواکانی گەلی کوردستان بمێنێتەوە.

ھەولێر-KDP.info- مەسروور بارزانی، جێگری سەرۆکی پارتی دیموکراتی کوردستان، بە بۆنەی 16ـی ئاب، ساڵڕۆژی لە دایکبوونی سەرۆک مەسعود بارزانی و 80ـەمین ساڵیادی دامەزراندنی پارتی ، گەرمترین پیرۆزبایی ئاراستەی سەرۆک بارزانی، بنەماڵە و کەسوکاری سەربەرزی شەهیدان و ئەنفالکراوان، پێشمەرگە قارەمانەکان، ئەندامان و لایەنگرانی پارتی و سەرجەم خەڵکی کوردستان کرد.