Balyozê Amerîka: Em amade ne peywendiyên xwe yên abûrî ligel Kurdistanê bihêztir bikin

Nûçe yên PDK ■ Kurdistanî ■ Iraqî û Navdewletî

Media ya PDK ■ Media ya Kurdistanê ■ Media ya Derve

MON, 14 SEP 2020 23:04 | KDP.info

Hewlêr-KDP.info- Serokwezîrê Herêma Kurdistanê Mesrûr Barzanî îro Duşema 14ê Îlona 2020an pêşwaziya Balyozê Amerîkayê yê li Iraqê Matthew Tueller kir.

Di hevdîtinê de ku Konsolê Giştî yê Amerîkayê yê li Hewlêrê Rob Waller jî amade bû, pêşvebirina peywendiyên navbera Herêma Kurdistanê û Amerîkayê û rewşa Iraqê hatin gotûbêjkirin.

Serokwezîrê Herêma Kurdistanê Mesrûr Barzanî amaje bi peywendiyên navbera Herêma Kurdistanê û Hikûmeta Federalî ya Iraqê kir ku hewayeke erênî û derfeteke baş heye ji bo çareserkirina kêşeyên rawestandî, li ser bingeha destûrê û cîbicîkirina wan hevfêmkirinên ku derketine holê bi cûreyek ku maf û heqên destûrî yên Herêma Kurdistanê li berçav were girtin û di berjewendiya hemû welatiyên Iraqê de bin.

Mesrûr Barzanî bal kişande ser rewşa nexwestî ya deverên Kurdistanî yên li derveyî îdareya Herêma Kurdistanê û nîgeraniya xwe li ser reftarên li hember nişteciyên Kurd ên wan deveran nîşan da. Herwiha amaje bi zêdebûna liv û tevgerên terorîstan li wan deveran da û tekezî li giringiya hemahengiya ewlehiyê di navbera Pêşmerge û Artêşa Iraqê de kir.

Balyozê Amerîkayê amadebûna welatê xwe ji bo pêşvebirina zêdetir a peywendiyên aborî û handana veberhênanên Amerîkî li Herêma Kurdistanê nîşan da.

Herwiha di civînê de mekanîzmayên hemahengiya zêdetir û hevkariya Amerîkayê bo pêşxistina danûstandinên navbera Hewlêr û Bexdayê û derbasbûna rewşa dijwar a darayî û tendirustiyê ya niha hat gotûbêjkirin.

Nûçeyên din

PDK 51emîn salvegera damezirandina YNKê pîroz dike

MONDAY, 01 JUNE 2026 09:06:23

Hewlêr-KDP.info : îro Yekşemê 31ê Gulana 2026an, Polîtburoya Partiya Demokrat a Kurdistanê (PDK), bi boneya 51emîn salvegera damezirandina Yekîtiya Niştimanî ya Kurdistanê (YNK) peyameke pîrozbahiyê weşand û tekezî li ser yekrêziya navxweyî ya Kurdistanê kir.

Serokê Herêma Kurdistanê pîrozbahiyê li Komela Dadgeriya Kurdistanê kir

SUNDAY, 31 MAY 2026 14:05:36

Hewlêr-KDP.info: Serokê Herêma Kurdistanê bi helkefta salvegera damezrandina Komela Dadgeriya Kurdistanê peyamek belav kir û tê de tekezî li ser giringiya yekrêziya nîştîmanî di navbera hêz û aliyên siyasî de kir.

Mesrûr Barzanî Cejna Qurbanê li Misilmanên Kurdistan û cîhanê pîroz kir

TUESDAY, 26 MAY 2026 20:05:59

Hewlêr-KDP.info : îro (Sêşem, 26ê Gulana 2026ê) , Serokê Hikûmeta Herêma Kurdistanê Mesrûr Barzanî bi helkeftina hatina Cejna Qurbanê ya Pîroz peyameke pîrozbahiyê pêşkêşî tevahiya Misilmanên Kurdistan, Iraq û cîhanê kir.

Peyama Serokê Herêma Kurdistanê bo Cejna Qurbana Pîroz

TUESDAY, 26 MAY 2026 20:05:40

Hewlêr-KDP.info : Serokê Herêma Kurdistanê bi boneya hatina Cejna Qurbanê peyameke pîrozbahiyê belav kir.

Peyama Serok Barzanî bi boneya Cejna Qurbanê ya Pîroz

TUESDAY, 26 MAY 2026 20:05:55

Hewlêr-KDP.info : Serok Mesûd Barzanî bi boneya hatina Cejna Qurbanê peyameke pîrozbahiyê belav kir, û tê de daxwaz ji tevahiya hêz û aliyên siyasî yên Herêma Kurdistanê kir ku piştî cejnê bi hestê berpirsiyariya nîştimanî bicivin, dev ji duberekiyên bêencam berdin û vê xetimîna siyasî bi dawî bînin.

Peyamek ji Serok Barzanî

Hewlêr-KDP: Serok Barzanî êrişa li ser hêzên Pêşmergeyan "bi tundî" şermezar kir û ragihand, ew êrişeke dijminane ye û ti hincetê ranagire.

Peyamek ji Serokê Herêma Kurdistanê

Hewlêr-KDP.info: Serokê Herêma Kurdistanê Nêçîrvan Barzanî bi tundî êrîşên mûşekî yên Îranê yên li ser hêzên Pêşmerge şermezar kirin û ev êrîş wekî "destdirêjiyeke dijminane ya rasterast li ser serweriya welat" pênase kir.

Peyama Serokê Herêma Kurdistanê ji bo Newroza Amedê

Hewlêr-KDP.info: Îro Şemî 21/3/2026an, birêz Nêçîrvan Barzanî, Serokê Herêma Kurdistanê, peyamek pêşkêşî şahiya Newrozê ya Amedê kir. Di peyamê de tevî pîrozkirina Newrozê û sersala nû ya Kurdî, tekezî li ser girîngiya serêxistina aştiyê li Tirkiyê kir.