مەکتەبی سیاسی پارتی پەیامێکی بڵاوکردەوە

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

MON, 3 AUG 2020 15:27 | KDP.info

پەیامی مەكتەبی سیاسی پارتی دیموكراتی كوردستان
لە(6)ەمین ساڵیادی كارەساتی جینۆسایدی کوردانی ئێزدیی

ئەمڕۆ بیرەوەری (6)ەمین ساڵوەگەڕی جینۆسایدی کوردانی ئێزدیی و كارەساتی دڵتەزێنی شنگالە، ئەو كارەساتەی ویژدانی كوردستانیان و سەرانسەری جیهانی هەژاند، لەو بیرەورەیە تاڵەدا سڵاوی ئەمەك و وەفاداری بۆ گیانی پاكی قوربانیانی ئەو مەرگەساتە دەنێرین، پرسە و سەرەخۆشی لە خانەوادە و كەسوكاری سەربەرزی قوربانیان دەكەین و، ئومێدەوارین ئەمە دوا كارەسات و مەینەتیی خوشك و برایانی ئێزدیی بێت.

جینۆسایدی خوشک و برا ئێزدییەكانمان لەلایەن رێکخراوی تیرۆرستی داعش هەرچەندە رووداوێكی جەرگبڕ و ویژدان هەژێن بوو لە مێژووی سەردەمی نوێی مرۆڤایەتی، بەڵام بڕوا و متمانەی کوردی ئێزدی بە خۆراگریی و بەردەوام بوون لە پەیامی ژیاندۆستی و كولتووری پێكەوەژیان و داكۆكیكردن لە وجود و باوەڕی خۆیانی بەهێزتر كرد.
ئێمە وەك پارتی دیموكراتی كوردستان، لەو یادەدا دووپاتی دەكەینەوە، كە كوردستان وەك هەمیشە بە لانكەی ئارامیی و ئاسوودەیی بۆ هەموو پێكهاتە ئایینی و نەتەوەییەكان دەمینێتەوە، لەلایەكی دیكەوە هەوڵ و كۆششەکانمان لە هەموو لایەكەوە بەردەوام دەبن بۆ دەستەبەركردنی سەقامگیریی و ئارامیی بۆ ناوچەکە بەگشتی و شنگال بەتایبەتی، هەروەها لەسەر ئاستی نێودەوڵەتیش ھاندەر و هاریكاری ئەو لایەنە پەیوەندیدارانە دەبین کە کار بۆ بە جینۆساید ناساندنی ئەو تاوانە و قەرەبووكردنەوەی قوربانیەكانی دەکەن.

لە (6)مین ساڵیادی جینۆسایدكردنی کوردانی ئێزدیی، جارێكی دیكە سڵاو و درود بۆ قوربانیانی ئەو كارەساتە نامرۆڤایەتیە دەنێرین، سڵاو بۆ گیانی پاكی ئەو پێشمەرگە و فەرماندە قارەمانانەی کە بە سەرپەرشتی راستەوخۆی سەرۆك بارزانی شەنگالیان رزگار كرد و، گیانیان بەخشی...

مەكتەبی سیاسی
پارتی دیموكراتی كوردستان
٣ـی٨ـی٢٠٢٠

دوایین هەواڵەکان

لقی خانه‌قین گواسترایەوە سه‌ر مه‌كته‌بی ڕێكخستنی (که‌ركوك.گه‌رمیان)

THURSDAY, 08 OCTOBER 2026 17:10:15

خانه‌قین -KDP.info- به‌رپرسی لقی 15ی پارتی دیموكراتی كوردستان له‌ خانه‌قین گوتی "دوای گواستنه‌وه‌ی لقی 15ی پارتی دیموكراتی كوردستان بۆ سه‌ر مه‌كته‌بی ڕێكخستنی پارتی له‌ كه‌ركوك _ گه‌رمیان، ئاسانكاری باش بۆ ئه‌ندام وكادیرانی ئێمه‌ كرا، ئێمه‌ش له‌ كاركردن و خزمه‌تكردنی خه‌ڵك به‌رده‌وامین، ئه‌و گردبوونه‌وه‌یەی بڕیاربوو له‌پێناو به‌رژوه‌ندی گشتی لە خانەقین بکرێت، جارێ راگیراوه‌."

د. ناڤسەر نووری بۆ KDP.info: مووچەی شەهیدان و زیندانیانی سیاسی لەگەڵ بەغدا هاوتا دەکرێت

THURSDAY, 08 OCTOBER 2026 15:10:09

هەولێر-KDP.info- بریکاری وەزارەتی شەهیدان و ئەنفالکراوان ڕایگەیاند: "بەپێی لێکتێگەیشتنی هەردوولا، بڕیارە مووچەی شەهیدان و زیندانیانی سیاسیی هەرێمی کوردستان لەگەڵ بەغدا هاوتا بکرێت و لە ئێستاشدا خەریکی ئامادەکردنی لیستەکانین."

هۆشیار زێباری و ڕێبەر ئەحمەد تاوتوێی دوایین پێشهاتەکانی عێراق و ناوچەکە دەکەن

THURSDAY, 08 OCTOBER 2026 14:10:37

بەغدا-KDP.info- ئەمڕۆ پێنجشەممە، ٨ی تشرینی یەکەمی ٢٠٢٦، هۆشیار زێباری، بەرپرسی ناوەندی سەرکردایەتیی پارتی دیموکراتی کوردستان لە بەغدا، لە بارەگای ناوەند پێشوازی لە ڕێبەر ئەحمەد، وەزیری ناوخۆی حکوومەتی هەرێمی کوردستان کرد.

مەکتەبی سیاسیی هاوخەمیی خۆی بۆ کۆچی دوایی مامی خاتوو لیزا فەلەکەدین کاکەیی ڕادەگەیەنێت

THURSDAY, 08 OCTOBER 2026 14:10:01

هەولێر-KDP.info- مەکتەبی سیاسیی پارتی دیموکراتی کوردستان، پرسەنامەیەکی ئاراستەی خاتوو لیزا فەلەکەدین کاکەیی کرد بۆ کۆچی دوایی مامی (سەید جەوزی سەید سابر کاکەیی)، برای کەسایەتیی دیاری ڕووناکبیر و سیاسەتمەدار خوالێخۆشبوو فەلەکەدین کاکەیی، و هاوخەمیی قوڵی خۆی بۆ بنەماڵە تێکۆشەرەکەیان ڕاگەیاند.

حەج و عومرەی هەرێم دوا مۆڵەتی بۆ بەجێگەیاندنی فەریزەی حەجی 2027 دیاریکرد

THURSDAY, 08 OCTOBER 2026 14:10:29

هەولێر-KDP.info- بەڕێوەبەرایەتیی گشتیی حەج و عومرەی هەرێمی کوردستان لە ئاگادارییەکی بەپەلەدا داوا لەو هاووڵاتییانە دەکات کە ناویان بۆ حەجی ساڵی 2027 دەرچووە، بە زووترین کات سەردانی نووسینگەکانی حەج و عومرە لە پارێزگا و ئیدارە سەربەخۆکان بکەن بەمەبەستی تەواوکردنی ڕێکارە ئیدارییەکانیان.

سەرۆک بارزانی لە چاوپێکەوتنێکی تایبەتدا لەگەڵ کەناڵی (شەرقییە) باس لە کۆمەڵێک پرسی گرنگ و هەستیار دەکات

ھەولێر-KDP.info- سەرۆک مەسعود بارزانی، لە چاوپێکەوتنێکدا لەگەڵ کەناڵی شەرقییە شیکارییەکی قووڵی بۆ دۆخی سیاسی و ئەمنیی عێراق، مافە دەستوورییەکانی گەلی کوردستان، جەنگی ئەمریکا و ئێران و ئاییندەی ناوچەکە خستەڕوو.

پەیامی سەرۆك بارزانی لە ساڵیادی هەڵگیرساندنی شۆڕشی ئەیلوول

هەولێر-KDP.info- بە بۆنەی شەست و پێنجەمین ساڵیادی هەڵگیرسانی شۆڕشی مەزنی ئەیلوول، سەرۆک مەسعود بارزانی پەیامێکی ئاراستەی جەماوەری کوردستان و خەباتکارانی ڕێبازی نیشتمانی کرد و تێیدا جەختی لەوە کردەوە کە شۆڕشی ئەیلوول هەڵقوڵاوی ئیرادە، باوەڕبەخۆبوون و شکۆی مرۆڤی کوردستانی بوو.

پەیامی سەرۆک بارزانی بە بۆنەی هەشتاهەمین ساڵیادی دامەزراندنی پارتی دیموكراتی كوردستان

ھەولێر-KDP.info- سەرۆک بارزانی بە بۆنەی هەشتاهەمین ساڵیادی دامەزراندنی پارتی دیموكراتی كوردستان پەیامێکی پیرۆزبایی ئاراستەی خەڵکی کوردستان کرد و جەختی کردەوە کە پارتی بڕوای پتەوی بە پێكەوەژیان، برایەتی و تەبایی نێوان هەموو پێكهاتە نەتەوەیی و ئایینییەكان و سەرجەم لایەنە سیاسییەكانی كوردستان و عێراق هەیە.