Hewlêr-KDP.info- Serokê Herêma Kurdistanê Nêçîrvan Barzanî di peyamekê de Cejina Qurbanî li li malbat û kesukarên serbilindên şehîdan û Pêşmergeyên qehreman, li misilmanên Kurdistan, Iraq û cîhanê pîroz kir.
Ev jî tekesta wê peyamê ye:
“Cejna Qurbanê li malbat û kesukarên serbilindên şehîdan û Pêşmergeyên qehreman, li misilmanên Kurdistan, Iraq û cîhanê, her wiha li hêzên navxweyî, pizîşkan û karmendên tendirustiyê û sazî û damezraweyên peywendîdarên Herêma Kurdistanê ku ji bo parastina canê welatiyan rûbirûyê pejika virusa Korona bûne, bi germî pîroz dikim.
Hêvîdar im cejin bikîn derfeta kûrkirina zêdetirê giyanê lêborînî, tebayî û pêkveyî pêkhatên olî û neteweyiyên Kurdistanê, hewlên me hemû aliyek jî yên ji bo nehiştina nakokiyan bigihe serkeftina yekcarî. Kurdistaniyan piştrast dikim ku bi vê navê da berdewam dibîn û divê em hemû aliyek şiyanên xwe yek bixîn û pêkve kar bikin ji bo çareserkirin û derbaskirina qeyran û giriftan û mîsogerkirina maf û hêjayên destûriyan û parastina pêgeh û qewareya Herêma Kurdistanê.
Bi rêz û pêzanîneke mezin li xweragirî û bîhnfirehiya Kurdistaniyan dinerim ku ji ber virusa Koronayê û encamên wê yên abûrî ve, rûbirûyî qeyran û dijwariyên wê dibin, hêvîdar im em cejnên xwe yên pêşerojê di nava xweşî û bexteweriyê de pîroz bikin, me dijwarî derbas kiribin û asoyekî geş bi rûyê Kurdistanê de vekirîbe. Herwiha hêvîdar im em hemû rêkarên tendirustiyan û xweparêziyê liberçav bigrin.
Cejina me hemûyan pîroz be, hemû salek bi xweşî be, aştî û aramiyê ji bo Kurdistan, Iraq û navçe û cîhanê û tevahiya mirovayetiyê dixwazim.
Nêçîrvan Barzanî
Serokê Herêma Kurdistanê
30/07/2020”