هەولێر-KDP.info- وەزیری کارەبای حکوومەتی هەرێمی کوردستان ڕایگەیاند، تا ئیستا توانیویانە زیاتر لە ٢٠ سەعات کارەبا بە هاووڵاتییان بدەن و دۆخی کارەباش تا ئێستا جێگیرە.
کەمال محەمەد، لە لێدوانێکی تایبەتی ماڵپەڕی فەرمیی پارتی دیموکراتی کوردستاندا گوتی: "تیمێکی کۆری گەیشتووەتە هەرێمی کوردستان بە مەبەستی تەواوکردنی ویستگەی کارەبای ٣٠٠ میگاواتیی قەزای خەبات."
گوتیشی: "بڕیارە لە دوو هەفتەدا ئەو وێستگەیە تەواو بکرێت و بکەوێتە کار، بە بڕیاری سەرۆکی حکوومەت ئەو تیمە گەیشتووەتە هەرێم و دەست بە کارەکانی دەکات بۆ ئەوەی بتوانین کارەبای زیاتر بە هاووڵاتییان بدەین."
وەزیری کارەبا ئاماژەیشی دا: "دۆخی کارەبا جیگیرە و توانیویشمانە زیاتر لە ٢٠ کاتژمێر کارەبا بە هاووڵاتیان بدەین و لە مانگی ٦دا کارەبا لە بەنداوی دووکانیش زیاد دەبێ و دەتوانین ١٠٠ مێگاواتی تر بە هاووڵاتییان بدەین."
کاروان باعەدری