هەولێر-KDP.info- بەڕێوەبەری سووتەمەنیی هەولێر ڕایدەگەیەنێت کە بەهۆی ئەو ڕێکارانەی حکوومەتی هەرێمی کوردستان گرتوویەتیە بەر، نرخی غاز بەرەو ئاساییبوونەوە دەچێت و تەنیا لە ماوەی هەفتەیەکدا زیاتر لە ٥ هەزار دینار لە نرخی هەر بتڵێک دابەزیوە. دڵنیاییش دەدات کە بەم زووانە نرخەکەی وەک پێشتری لێ دێتەوە.

هەولێر-KDP.info- مەکتەبی سیاسیی پارتی دیموکراتی کوردستان، بەبۆنەی کۆچی دوایی خاتوو (ئامینە عەبدوڵڵا)وە، پەیامێکی سەرەخۆشی و هاوخەمی ئاراستەی بنەماڵە و کەسوکاری کۆچکردوو دەکات و هیوای سەبووری و ئارامییان بۆ دەخوازێت.

هەولێر-KDP.info- نێچیرڤان بارزانی سەرۆکی ھەرێمی کوردستان، لە پەیامێکدا لە ھەژماری فەرمی خۆی لە تۆڕی کۆمەڵایەتی "ئێکس"، سەرەخۆشی و ھاوخەمی قووڵی خۆی ئاراستەی سوپای ویلایەتە یەکگرتووەکانی ئەمەریکا و شانشینی یەکگرتوو کرد، بەھۆی گیانلەدەستدانی دوو سەربازیان لە کاتی ئەنجامدانی ئەرکێکی مەشق و ڕاھێنان لە شاری ھەولێر.

ھەولێر-KDP.info-  سەرۆکی حکوومەتی هەرێمی کوردستان، دڵتەنگیی قووڵی خۆی بۆ گیانلەدەستدانی دوو ئەندامی هێزە چەکدارەکانی ئەمریکا و بەریتانیا لە کاتی مەشقێکی سەربازیدا لە هەولێر دەربڕی و جەختی لەوە کردەوە، هەرێمی کوردستان وەک هاوپەیمانێکی ئەو دوو وڵاتە بۆ پاراستنی ئاسایشی ناوچەکە دەمێنێتەوە.

ھەولێر-KDP.info-  سەرۆکی حکوومەتی هەرێمی کوردستان، لە پەیامێکدا پیرۆزبایی لە دەستنیشانکردنی نێردەی سەرۆکایەتیی ئەمریکا بۆ عێراق و سووریا کرد و جەختی لە خواستەکانی هەولێر کردەوە بۆ برەودان بە پەیوەندییە مێژووییەکانی لەگەڵ واشنتن.