Mîr Miqdad Medhet Bedirxan û Rojnameya Kurdistan

Nûçe yên PDK ■ Kurdistanî ■ Iraqî û Navdewletî

Media ya PDK ■ Media ya Kurdistanê ■ Media ya Derve

SAT, 25 APR 2020 15:11 | KDP.info

Konê Reş

Belê birano! Piştî sirgûnî û koçkirina Mîr Bedirxan di sala 1868an de li Şamê, kurê wî Mîr Miqdad Medhet Bedirxan, li ser rêk û şopa bavê xwe xebitî û kir qêrîn û hawar.. Qêrîn û gaziya wî ji ya bavê wî bû. Û di encam de karîbû di roja 22ê nîsana 1898an de, yekemîn Rojnameya kurdî, bi navê (KURDISTAN) li Qahîre biweşîne û di nav rûpelên wê de gazî û qêrînî kurdan bike û bibêje: (Gelî Mîr û Axano, Kurmancino! qenc bizanin, xwendin, ilm û marifet li dinya û axretê rûyê mirov sipî dike. Niho zaroyên xwe bi elîmînin ilm û marifeta. Hûn bi xulaqeta xwe şûcah û cesûr in. Hekê hûn bibin xweyî ilm, hûnê ji dinê hemiya xurttir, dewlimendtir bin.)

Mîr Miqdad Medhet Bedirxan, " Kurdistan" jimareya 4" / 1898.

Rojnameya Kurdistan, rojnameyeke 15 rojî bû, cihê weşandina wê ji hejmara 1-5an li Qahîra bû, xwediyê wê Mîr Miqdad Midhet Bedirxan bû. Hejmarên mayî ji 6-31ê xwediyê wan birayê wî Mîr Ebdirehman Bedirxan bû, cihê weşandina wan ji hejmara 6-19an li Cinêvê çap bûne; ji hejmara 23-20an jî careke din li Qahîra çap bûne; hejmara 24an li Londonê çap bûye; hejmarên 29-25 li Folkostonê û herdu hejmarên dawî li Cinêvê çap bûne. Hejmara 1ê di 22ê Nîsana 1898an de derçûye û hejmara dawî (31) di 14ê Nîsana 1902an de. Ji sala 1968an ve, roja 22ê Nîsanê, bûye roja rojnamegeriya Kurdî di seranserî Kurdistanê de.

Dost û hevalên hêja! Ez 122 saliya roja rojnamegeriya Kurdî li we pîroz be.. Di van çend rojên derbasbûyî de min hin kovar û rojnameyên bi zimanê Kurdî ku di nav kurdên Rojava de hatine weşandin, ji we re raxistin ber çavan, herwiha hin weşanên Bedirxaniyan jî şanî we dan, da ku hûn serwextî ked û westandina wan lehengan bibin.. Bawer bikin, dema ku rojnameya KURDISTAN bi zimanê kurdî li Qahîre dihat weşandin, bav û kalên me pêxwas bûn, çarox bi dest gelekan ji wan nediket..! Mêzekin! Bê çendî wan lehengan berxwedan û kêferat di ber hebûn û zimanê me de kiriye..? Belê sed mixabin, piştî 122 salan hêj pirraniy çapemeniya me bi zimanê dagîrkerên me ye!

Ez jî, bi vê helkeftinê, vê rojê li tev rojnamevan, nivîskar û rewşenbîrên kurd yên ku bi rast û durist xebat di ber gelê me de kirine û dikin, pîroz dikim.. Û gurzek ji kulîlkên Nergizên, dora bajarê Cizîra Botan li ser gora wan Bedirxaniyên ku xebat û bizav di ber ziman û ferhenga me de kirine, datînim..

Dawî dibêjim; bijî zimanê Kurdî, bijî 22ê Nîsanê û bijî Kurd û Kurdistan.. Her sal em hev û din bi xêr û xweşî bibînin.

Konê Reş, Qamişlo, 22.04.2020

Nûçeyên din

Sipasnameya Sekretaryeta Serok Barzanî

WEDNESDAY, 19 AUGUST 2026 13:08:34

Hewlêr-KDP.info: Sekretaryeta Serok Barzanî, di peyameke fermî de, bi helkefta derbasbûna heştê salan li ser damezirandina Partiya Demokrat a Kurdistanê û salvegera ji dayikbûna Serok Mesûd Barzanî, sipasî û pêzanîn arasteyî xelkê Kurdistanê, serkirde û aliyên siyasî, kesayetiyên olî û civakî, û dîplomatkarên navxwe û derve kir ku bi rêya peyam û peywendiyên xwe pîrozbahî araste kiribûn.

Mesrûr Barzanî rewşa parêzgeha Silêmaniyê ligel Parêzgar nîqaş dike

WEDNESDAY, 19 AUGUST 2026 09:08:18

Hewlêr-KDP.info: îro 18ê Tebaxa 2026ê Ji bo şopandina bûyerên nexwestî yên agirberbûnê yên şeva borî û îro yên li bajêrê Silêmaniyê, Serokê Hikûmeta Herêma Kurdistanê Mesrûr Barzanî, di peywendiyeke telefonî de li gel Parêzgarê Silêmaniyê Heval Ebûbekir rewşa Silêmaniyê pirsî.

Elî Zeydî: Êrişên li ser Iraq û Herêma Kurdistanê bi ti awayî nayên qebûlkirin

TUESDAY, 18 AUGUST 2026 15:08:43

Hewlêr-KDP.info: îro 18ê Tebaxa 2026an, Serokwezîrê Iraqê Elî Falih Zeydî, peywendiyeke telefonî ligel Serokwezîr Mesrûr Barzanî pêk anî. Di peywendiyê de, Serokwezîrê Federal êrişa dronî ya ku duh li ser ofîsa taybet a Serokwezîrê Herêmê û cihê mayîna Rêveberê Ajansa Parastinê hatibû kirin, şermezar kir.

Nêçîrvan Barzanî: êrişa li ser Nivîsîngeha Serokwezîr pêşveçûneke metirsîdar e

MONDAY, 17 AUGUST 2026 17:08:28

Hewlêr-KDP.info: îro Duşemê, 17ê Tebaxa 2026ê, Serokê Herêma Kurdistanê Nêçîrvan Barzanî, di daxuyaniyekê de êrişên serê sibeha îro, ku Nivîsgeha Serokwezîrê Herêma Kurdistanê Mesrûr Barzanî û cihê manê yê Rêveberê Ajansa Parastinê kiribûn armanc, bi tundî şermezar kirin.

Daxuyaniyek ji Baregeha Barzanî

MONDAY, 17 AUGUST 2026 15:08:46

Hewlêr-KDP.info : Baregayê Barzanî di daxuyaniyekê de êrîşên dronî yên li ser Nivîsîngeha Serokwezîrê Herêma Kurdistanê û mala Rêveberê Ajansa Parastinê şermezar kirin û tekez kir ku ew êrîş bizav in ji bo têkdana aramiya Herêma Kurdistanê, û bikaranîna dron û mûşekan arêşeyan çareser nake.

Peyama Serok Barzanî bi boneya 80emîn salvegera damezrandina Partiya Demokrat a Kurdistanê

Hewlêr-KDP.info: Serok Mesûd Barzanî bi helkefta 16ê Tebaxê salvegera jidayikbûna xwe û salvegera 80ê ya damezrandina Partiya Demokrat a Kurdistanê (PDK) peyameke pîrozbahiyê belav kir û tê de ragihand: "PDK di dîrok, niha û paşerojê de alavek e ji bo xizmetkirina xelkî û bicîhanîna amanc û behayên neteweyî û nîştimanî."

Peyamek ji Serok Barzanî

Hewlêr-KDP: Serok Barzanî êrişa li ser hêzên Pêşmergeyan "bi tundî" şermezar kir û ragihand, ew êrişeke dijminane ye û ti hincetê ranagire.

Peyamek ji Serokê Herêma Kurdistanê

Hewlêr-KDP.info: Serokê Herêma Kurdistanê Nêçîrvan Barzanî bi tundî êrîşên mûşekî yên Îranê yên li ser hêzên Pêşmerge şermezar kirin û ev êrîş wekî "destdirêjiyeke dijminane ya rasterast li ser serweriya welat" pênase kir.