Aryan Ferec

Peyama Serokê Herêma Kurdistanê Nêçîrvan Barzanî dema got, “yên dixwazin Herêma Kurdistanê bikin dû rêveberê, bila zanibin ku dû rêveberî dê me bike sifir rêveberî”, vê peyama Nêçîrvan Barzanî hêviyeke xweş da xelkê Kurdistanê. Ev peyam di dema xwe de hat. Ligel vê rewşa dijwar û hebûna dilgiraniyan li hemberî pêşhateyên ku ne dema wan e, dihat xwestin ku Serokatiya Herêma Kurdistanê peyameke aramkirinê bide.

Gotina “sifir rêveberî” (yan bi wateya nemana rêveberiya Herêma Kurdistanê) ku yekem car e di edebyata siyasî ya Kurdistanê de tê gotin, ku Serokê Herêma Kurdistanê amaje pê kir û cihê balpêşanê bû. Renge ev gotin (sifir rêveberî) kurtirîn û hurtirîn gotina nû be ku di nava wê malwêraniyê de ya ku di hindurê wan kesên ku banga xwekujiya dû rêveberiyê dikin, xwe veşartiye.

Serok Nêçîrvan Barzanî ji me re nîşan da ku dû rêveberî nayê wateya perçebûna siyasî û hikûmranî ya Herêma Kurdistanê, lê belê tê wateya nemana Herêma Kurdistanê bi temamî. Tê wateya bidawîhatina yek rêveberiya me û daketina ber bi (sifir û hîç) û tunebûna rêveberiya Herêma Kurdistanê.

Eger (sifir) xala (nebûnê) be û destpêka pirsgirêkan û rêya dijwar û tije qurbanî be ber bi (hebûnê) ve, divê em zanibin ku vegera ji (hebûnê) ber bi (nebûnê) ve yan ji (yekê) ve ber bi (sifir) ve, jibilî xwekujiyê û dûbare bi qurbanîkirina qurbaniyan, jibilî pûçbûnê û karekî bêwqlî, jibilî wêrankirina mala xwe bi destê xwe, ne tiştekî din e.

Di vê rewşa sext û dijwar a li navçeyê heye, hemû hêzên Kurdistanî pêkve û bi zehmetî û bi azar û êşeke mezin (yek)ek in, perçebûna wê yekê dê ne tenê (yeka) me bike sifir, lê belê dê me herdû aliyan bike dû sifrên bê hebûn di nava xelkê de.

Serok û Serokatiya Herêma Kurdistanê ji ber erkê wan ê parastina yekîtiya axa Herêma Kurdistanê û yekîtiya hikûmraniya Herêma Kurdistanê, garentî ne ji berjewendiyên bilind ên Kurdistanê re, û bi hikmet û daxwaz û aramiya siyasî dê karibin îdareya nakokiyan bikin û nehêlin aliyê siyasî ji wan armancên niştimanî dûr bikevin. Lê ew erkê pîroz pêwîstiya wê bi hevahemgiya ligek serokatiyê heye û dûtketin ji her bangeşeya şûm a dû rêvebriyê, vêca bi her hincetekê be ew bangeşe.

Hoşyariya netewî û niştimanî ji xelkê Kurdistanê dixwaze ku di zihniyeta her her yekî ji me de (2 rêvebrî = 0 rêveberî) ye.