پەیامی سەرۆك بارزانی بەبۆنەی نەورۆز و سەری ساڵی تازەی كوردی

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

FRI, 20 MAR 2020 12:31 | KDP.info

هه‌ولێر-KDP.info- سەرۆك بارزانی لە پەیامێكدا بەبۆنەی هاتنی جەژنی نەورۆز و، سەری ساڵی 2720ـی كوردی، پیرۆزبایی لە خانەوادەی سەربەرزی شەهیدان و پێشمەرگە قارەمانەكان و هەموو كوردستانیانی خۆشەویستی ناوەوە و دەرەوەی وڵات دەكات. ئەمەش دەقی پەیامەكەیە:

بەناوی خودای بەخشندە و میهرەبان

بەبۆنەی هاتنی جەژنی نەورۆز و، سەری ساڵی 2720ـی كوردی پیرۆزبایی لە خانەوادەی سەربەرزی شەهیدان و پێشمەرگە قارەمانەكان و هەموو كوردستانیانی خۆشەویستی ناوەوە و دەرەوەی وڵات دەكەم و هیوای ئاشتی و ئارامی بۆ هەموو لایەك دەخوازم.

بەداخەوە ئێستا ناوچەكەمان و هەموو جیهان لەگەڵ هەڕەشەی پەتایەكی جیهانی دەستەویەخەیە و بە هۆیەوە لە زۆربەی وڵاتانی جیهان بارودۆخێكی نالەباری تەندروستی و ئابووری هاتووەتە ئاراوە. بۆ گەلی كوردستانیش ئەم پەتایە بووەتە تەحەدییەكی گەورە و، تێپەڕاندنی ئیرادەیەكی هاوبەش و پابەندبوون و خۆپارێزیی گشتی پێویستە. لێرەوە بە پێویستی دەزانم داوا لە هەموو لایەك بكەم كە وەك ئەركێكی نیشتیمانی بە وردی پابەندی ڕێنمایی تەندروستی و ڕێوشوێنەكانی حكوومەتی هەرێم و لایەنە پەیوەندیدارەكان بن. چەندە هەموومان پابەندی ڕێنماییەكان بین و خۆمان بپارێزین ئەوەندەیش هەڕەشەی ئەو پەتا مەترسیدارە لەسەر هاووڵاتیانی كوردستان كەمتر دەبێ.

جێگەی خۆیەتی دەستخۆشی لە دەستپێشخەری و بڕیار و هەنگاوەكانی حكوومەتی هەرێمی كوردستان بكەم كە هەر لەسەرەتای دەستپێكی ئەم پەتایە هەتا ئێستا، بوونەتە هۆی ئەوەی ڕێژەی بڵاوبوونەوەی پەتاكە لە ئاستێكی زۆر كەمدا بمێنێ و بە بەراورد لەگەڵ وڵاتانی دەوروبەر، هەرێمی كوردستان پارێزراوتر بمێنێتەوە. سوپاسی ماندووبوون و شەونخونیی تیمە پزیشكییەكان و ئاساییش و پۆلیس و پێشمەرگە و گشت لایەنە پەیوەندیدارەكان دەكەم كە لەم ڕۆژە سەختانەدا بەرپرسیارێتیی مێژوویی و هەستیاریان لەسەر شانە و ئەركێكی نموونەییان جێبەجێ كردووە.

لەوە دڵنیام كە پشت بە خودا و بە هاوكاریی نێوان خەڵك و حكوومەت و پابەندبوونی هەموو لایەك ئەم كۆسپ و تەگەرەیەش بە سەلامەتی تێدەپەڕێنین.

نەورۆزتان پیرۆز و هیوای خۆشی و شادی و تەندروستی بۆ خەڵكی خۆشەویستی كوردستان دەخوازم.

مسعود بارزانی

20ـی 3ـی 2020

دوایین هەواڵەکان

د. ھێمن ھەورامی سوپاسی سەرۆک بارزانی و سەرکردایەتی و بەشداربووانی پرسەی دایکی دەکات

FRIDAY, 18 SEPTEMBER 2026 00:09:00

هەولێر-KDP.info- لە پەیامێکدا، د. ھێمن ھەورامی بەناوی خۆیی و تەواوی خانەوادەکەیەوە، سوپاسی سەرۆک بارزانی، سەرۆکی ھەرێم، سەرۆکی حکوومەت، سەرکردایەتی سیاسی و حزبی، بەرپرسان، لایەنە ئایینی و سیاسییەکان و سەرجەم ئەو کەسایەتی و بەڕێزانە دەکات کە لە کۆچی دوایی دایکی ئازیزیاندا (شەوبۆ عبداللە حمەامین ھەورامی) بەشداری پرسە و سەرەخۆشییان کردوون و لە خەمیان کەمکردوونەتەوە.

مەسروور بارزانی و موحسین مەندەلاوی دۆخی گشتیی عێراقیان تاوتوێ کرد

THURSDAY, 17 SEPTEMBER 2026 22:09:00

دھۆک-KDP.info- سەرۆکی حکوومەتی ھەرێمی کوردستان لە دھۆک پێشوازی لە موحسین مەندەلاوی، سەرۆکی ھاوپەیمانیی ئەساسی عێراقی و شاندێکی ئەنجومەنی نوێنەران کرد؛ لە دیدارەکەدا دۆخی گشتیی وڵات تاوتوێ کرا و جەخت لە چارەسەرکردنی کێشەکانی نێوان ھەولێر و بەغدا لەسەر بنەمای دەستوور کرایەوە.

سه‌رۆكى هه‌رێمى كوردستان سه‌ره‌خۆشى له‌ بنه‌ماڵه‌ى د. كه‌مال شاكر ده‌كات

THURSDAY, 17 SEPTEMBER 2026 21:09:00

ھەولێر-KDP.info- سەرۆکی ھەرێمی کوردستان پەیامێکی ھاوخەمی بۆ کۆچی دوایی کەمال شاکر، سکرتێری پێشووتری حزبی شیوعیی کوردستان بڵاوکردەوە و بە "سیاسەتمەدارێکی نیشتیمانپەروەر" ناوی دەبات.

مەسروور بارزانی: عێراقێکی بەهێز، پێویستی بە کوردستانێکی بەهێز هەیە

THURSDAY, 17 SEPTEMBER 2026 21:09:00

دھۆک-KDP.info- مەسروور بارزانی لە ئاھەنگی دەرچووانی زانکۆی ئەمریکی کوردستان لە دھۆک گوتارێکی پێشکەش کرد و جەختی کردەوە عێراقێکی بەھێز پێویستی بە کوردستانێکی بەھێزە؛ ئاماژەشیدا زیاتر لە ھەزار مووشەک و درۆن ئاراستەی ژێرخانی ھەرێم کراون بەڵام خۆڕاگر بوون، و پابەندبوونی حکوومەتی بۆ پاراستنی ژینگە و گەشەپێدانی خوێندنی باڵا دووپات کردەوە؛ باسی لەوەش کرد، کاتێک جەنگی ھورمز دەستیپێکرد ھاوکاری ھەناردەکردنی نەوتی عێراق بوونە.

نێچیرڤان بارزانی: دەستکەوتی زۆر بەدەستهاتوون و شانازییان پێوە دەکەین

THURSDAY, 17 SEPTEMBER 2026 19:09:35

دھۆک-KDP. info- نێچیرڤان بارزانی، سەرۆکی هەرێمی کوردستان، لە ئاهەنگی دەرچوونی خولی حەوتەمی زانکۆی ئەمریکیی کوردستان لە دهۆک، گوتارێکی گرنگی پێشکەش کرد و تێیدا تیشکی خستە سەر رۆڵی گەنجان لە داهاتووی وڵاتدا و جەختی لەوە کردەوە، وڵاتی پێشکەوتوو لە هەڵەکانی راناکات، بەڵکو گفتوگۆیان لەسەر دەکات و چارەسەریان دۆزێتەوە.

پەیامی سەرۆك بارزانی لە ساڵیادی هەڵگیرساندنی شۆڕشی ئەیلوول

هەولێر-KDP.info- بە بۆنەی شەست و پێنجەمین ساڵیادی هەڵگیرسانی شۆڕشی مەزنی ئەیلوول، سەرۆک مەسعود بارزانی پەیامێکی ئاراستەی جەماوەری کوردستان و خەباتکارانی ڕێبازی نیشتمانی کرد و تێیدا جەختی لەوە کردەوە کە شۆڕشی ئەیلوول هەڵقوڵاوی ئیرادە، باوەڕبەخۆبوون و شکۆی مرۆڤی کوردستانی بوو.

پەیامی سەرۆک بارزانی بە بۆنەی هەشتاهەمین ساڵیادی دامەزراندنی پارتی دیموكراتی كوردستان

ھەولێر-KDP.info- سەرۆک بارزانی بە بۆنەی هەشتاهەمین ساڵیادی دامەزراندنی پارتی دیموكراتی كوردستان پەیامێکی پیرۆزبایی ئاراستەی خەڵکی کوردستان کرد و جەختی کردەوە کە پارتی بڕوای پتەوی بە پێكەوەژیان، برایەتی و تەبایی نێوان هەموو پێكهاتە نەتەوەیی و ئایینییەكان و سەرجەم لایەنە سیاسییەكانی كوردستان و عێراق هەیە.

پەیامی سەرۆک بارزانی لە ساڵیادی بۆردومانکردنی قەڵادزێ و زانکۆی سلێمانی

ھەولێر-KDP.info- ڕۆژی هەینی 24ی نیسانی 2026 سەرۆک مەسعود بارزانی لە پەنجا و دووەمین ساڵیادی بۆردومانکردنی قەڵادزێ و زانکۆی سلێمانی لە تۆڕی کۆمەڵایەتی ئێکس پەیامێکی بڵاوکردەوە.

دەقی پەیامی سەرۆک بارزانی؛