پارتی ٦٧ ساڵەی یەکێتیی لاوانی دیموکراتی کوردستان پیرۆز دەکات

دیمانە و وتارەکانی سەرۆک■ مەکتەبی سياسی ■ وتەبێژی فەرمی پارتی ■ دەزگاکانی پارتی ■ هەواڵی لقەکان ■ پەيوەندی گشتی

کوردستانی ■ عێراقی و نێوده‌وڵه‌تی ■ هەواڵەکانی سەرۆک

MON, 17 FEB 2020 18:43 | KDP.info

هەولێر-KDP.info- مەكتەبی سیاسی پارتی دیموكراتی كوردستان بە بۆنەی (67)ەمین ساڵەی دامەزراندنی یەكێتی لاوانی دیموكراتی كوردستان پەیامێکی پیرۆزبایی راگەیاند کە ئەمە دەقەکەیەتی:

بەڕێزان/ سكرتێر و ئەندامانی مەكتەبی سكرتاریەت و هەڤاڵانی ئەنجوومەنی سەركردایەتی یەكێتی لاوانی دیموكراتی كوردستان..

بەبۆنەی بیرەوەری (67)ەمین ساڵەی دامەزراندنی یەكێتی لاوانی دیموكراتی كوردستان، ئەو رێكخراوەی بەدرێژایی كاروانی پڕ بەخشش و تێكۆشانی رۆڵی بەرچاو و كاریگەری بینیوە بۆ بەدیهاتنی دەسكەوتی زیاتر بۆ توێژی هۆشیار و خوێنگەرمی لاوان و كۆمەڵگەكەمان، گەرمترین پیرۆزبایی لە ئێوە و سەرجەم کادیر و ئەندامانی رێکخراوە تێکۆشەرەکەتان و تێکڕای لاوانی ئازیزی کوردستان دەکەین و ھیوای بەردەوامی و نەسرەوتنتان بۆ دەخوازین.

توێژی لاوان هەمیشە مایەی ئومێدی گەلەكەمانن، بارزانی نەمر فەرموویەتی((لاوان شوورەی پۆڵایینن بۆ پاراستنی کوردستان)) هەر بۆیەش پێویستە بۆ لەمەودواش بە گیانی لەخۆبردوویی و نیشتیمانپەروەرانە بەپێی هەلومەرجی ئەمڕۆ رۆڵی گرنگ و پڕ شانازی خۆتان ببینن و، وەك توێژێكی كاریگەر لە ئاست ئەو ئەركەو هەوڵ و كۆششەدابن.

یەكێتی لاوانی دیموكراتی كوردستان، توانیویەتی وەك رێكخراوێكی گرنگ و ئەكتیڤ كۆكەرەوەی هێز و تواناكانی لاوان بێت و بەپێی بنەما راست و دروستەكانی كاری پیشەیی و خواستەکانی ئەمڕۆی لاوان، بەگوێرەی هەلومەرج و پێداویستییە هەنووكەییەكان، ئەركی خۆی لەو بوارەدا بەجێبێنێ و لە سەر ئاستی نیشتیمانی و دیموكراسی و كۆمەڵایەتیدا پانتایی كار و چالاكییەكانی بەرفراوانتر بكات بۆ جێبەجێكردنی بەرنامە و پرۆگرامەكانی لە رەگداكوتانی كولتوور و رۆشنبیریی رەسەن و برەودان بە نوێگەریی و هاوچەرخێتیی، جگە لەوەی لەسەر ئاستی دەرەوە و جیهانیش رۆڵی شیاوی خۆی بینیوە.

توێژی لاوان لە نێو توێژە كۆمەڵایەتیەكانی دیكەی كۆمەڵگە و لە قۆناغە جیاجیاكانی خەباتی نەتەوەیی و نیشتیمانیشدا بایەخی خۆی هەبووە و لە ھەر بزاوت و هەڵوێست و داھێنانێکدا و، لە پاراستن و بەرەوپێشبردنی كۆمەڵگە و بونیادنان و برەودان بە بوارەكانی پەرەپێدان جێدەستیان دیاربووە، هەروەها یەكێتی لاوان لەو رێگایەدا بە دەیان سەركردە و سیاسەتمەدار و كەسایەتی لێهاتووی پێگەیاندووە بۆ مەیدانی خەبات و تێكۆشان.

جارێكی دیكە وێرای پیرۆزباییمان، پاڵپشتی تەواوی خۆمان بۆ یەكێتیەكەتان دووپات دەكەینەوە، ئومێدەوارین بۆ ساڵی داهاتووش وەك هەمیشە پێشەنگ و بەوپەڕی دڵسۆزی و بەرپرسانە كاروبار و چالاكییەكانتان رابپەڕێنن و هەنگاوی باشتر بنێن و بەرەو پێش بچن بۆ بەدیهێنانی گشت ئامانجەكانتان.

سڵاو لە شەست و حەوت ساڵ خەباتی نەپساوەی یەكێتی لاوانی دیموكراتی كوردستان..

مەكتەبی سیاسی
پارتی دیموكراتی كوردستان
18/2/3020

دوایین هەواڵەکان

نوێنەری سەرۆک بارزانی بەشداری ڕۆژی نیشتیمانی ئەڵمانیای کرد

MONDAY, 05 OCTOBER 2026 23:10:14

ھەولێر-KDP.info- د. هێمن هەورامی بە نوێنەرایەتیی سەرۆک بارزانی بەشداری لە ڕێوڕەسمی ڕۆژی نیشتمانیی ئەڵمانیادا کرد لە هەولێر و پیرۆزبایی سەرۆک بارزانی گەیاندە کونسوڵ و باڵیۆزی ئەو وڵاتە.

شیرین زەکی بۆ KDP.info: وردەکاریی ڕێککەوتنی فیدراسیۆنی ژنانی دیاسپۆرا و زانکۆی دهۆک دەخاتەڕوو

MONDAY, 05 OCTOBER 2026 22:10:22

دهۆک-KDP.info- لە چوارچێوەی هەوڵە بەردەوامەکانیان بۆ پشتگیری و بەهێزکردنی پێگەی ئافرەتانی کوردستان لە ناوخۆ و دەرەوەی وڵات، سەرۆکی فیدراسیۆنی ژنانی دیاسپۆرای کوردستان، ئامانج و وردەکاریی ئیمزاکردنی یاداشتنامەی لێکتێگەیشتنی نێوان فیدراسیۆنەکەیان و زانکۆی دهۆکی بۆ (KDP.info) ئاشکرا کرد.

مەکتەبی سیاسیی پارتی سەرەخۆشی لە ماڵباتی خوالێخۆشبوو (حاجی بابەکر مەنگوڕی) دەکات

MONDAY, 05 OCTOBER 2026 20:10:07

هەولێر-KDP.info- مەکتەبی سیاسیی پارتی دیموکراتی کوردستان، لە پەیامێکی سەرەخۆشیدا بۆ ماڵباتی خوالێخۆشبوو (حاجی بابەکر مەنگوڕی)، کەسایەتیی ناسراوی دەڤەری پشدەر و بیتوێن، هاوخەمی و سەرەخۆشیی قووڵی خۆی ئاراستەی بنەماڵەکەیان کرد.

چەند پەیامێکی هاوخەمی لە بارەگای بارزانییەوە

MONDAY, 05 OCTOBER 2026 19:10:14

ھەولێر-KDP. info- بارەگای بارزانی چەند پەیامێکی ھاوخەمی راگەیاند.

مەسروور بارزانی: دەستی دۆستایەتیمان بۆ پێکهێنانی حکوومەت بۆ هەموو لایەنێک درێژ کردووە

MONDAY, 05 OCTOBER 2026 19:10:02

دھۆک-KDP. info- بە ئامادەبوونی مەسروور بارزانی، سەرۆکی حکوومەتی هەرێمی کوردستان، ئاهەنگی دەرچووانی خولی 31ـەمینی زانکۆی دهۆک بەڕێوەدەچێت، کە تێیدا سێ هەزار و 98 خوێندکار لە 20 کۆلێژی جیاوازی زانکۆکە بڕوانامەی دەرچوون بەدەستدەهێنن.

سەرۆک بارزانی لە چاوپێکەوتنێکی تایبەتدا لەگەڵ کەناڵی (شەرقییە) باس لە کۆمەڵێک پرسی گرنگ و هەستیار دەکات

ھەولێر-KDP.info- سەرۆک مەسعود بارزانی، لە چاوپێکەوتنێکدا لەگەڵ کەناڵی شەرقییە شیکارییەکی قووڵی بۆ دۆخی سیاسی و ئەمنیی عێراق، مافە دەستوورییەکانی گەلی کوردستان، جەنگی ئەمریکا و ئێران و ئاییندەی ناوچەکە خستەڕوو.

پەیامی سەرۆك بارزانی لە ساڵیادی هەڵگیرساندنی شۆڕشی ئەیلوول

هەولێر-KDP.info- بە بۆنەی شەست و پێنجەمین ساڵیادی هەڵگیرسانی شۆڕشی مەزنی ئەیلوول، سەرۆک مەسعود بارزانی پەیامێکی ئاراستەی جەماوەری کوردستان و خەباتکارانی ڕێبازی نیشتمانی کرد و تێیدا جەختی لەوە کردەوە کە شۆڕشی ئەیلوول هەڵقوڵاوی ئیرادە، باوەڕبەخۆبوون و شکۆی مرۆڤی کوردستانی بوو.

پەیامی سەرۆک بارزانی بە بۆنەی هەشتاهەمین ساڵیادی دامەزراندنی پارتی دیموكراتی كوردستان

ھەولێر-KDP.info- سەرۆک بارزانی بە بۆنەی هەشتاهەمین ساڵیادی دامەزراندنی پارتی دیموكراتی كوردستان پەیامێکی پیرۆزبایی ئاراستەی خەڵکی کوردستان کرد و جەختی کردەوە کە پارتی بڕوای پتەوی بە پێكەوەژیان، برایەتی و تەبایی نێوان هەموو پێكهاتە نەتەوەیی و ئایینییەكان و سەرجەم لایەنە سیاسییەكانی كوردستان و عێراق هەیە.