Yekgirtû: Em piştgîriyê li hewlên Serokatiya Herêma Kurdistanê dikin

Nûçe yên PDK ■ Kurdistanî ■ Iraqî û Navdewletî

Media ya PDK ■ Media ya Kurdistanê ■ Media ya Derve

TUE, 3 DEC 2019 15:10 | KDP.info

Hewlêr-KDP.info- Serokê Herêma Kurdistanê Nêçîrvan Barzanî tekez dike ku Serokatiya Herêma Kurdistanê dê li ser hewlên xwe ji bo tebayî û yekrêziyê li Herêma Kurdistanê berdewam be, ji bo yekhelwêstiya partiyên siyasî li hemberî pêşhat û bûyerên ku li Iraq û navçeyê derketine. Herwiha tekez kir ku ewê hemû hewlên xwe bidin ji bo avakirina hevpeymaniyeke Kurdistanî di Parlemantoya Iraqê de.

Îro Sêşema 3.12.2019 li Hewlêrê Nêçîrvan Barzanî Serokê Herêma Kurdistanê ligel herdû cîgirên xwe, serdana Yekgirtûya Îslamî ya Kurdistanê kir û ligel Emîndarê Giştî yê Yekgirtû Selahedîn Mihemed Behadîn û hejmareke serkirdeyên wê partiyê re, civiya.

Di civînê de çend mijar hatin gotûbêjkirin mîna pêşhatên dawî yên Iraqê û xwepêşandanên Bexdayê û parêzgehên din ên Iraqê, bandora wan bûyeran li ser Herêma Kurdistanê, giringiya tebayî û yekrêziya partiyên siyasî yên Kurdistanê li Bexdayê, rewşa navxwe ya Herêma Kurdistanê û bûyer û pêşhatên navçeyê bi giştî.

Ji aliyê xwe ve, Emîndarê Yekgirtû hewl û pêngavên Serok Nêçîrvan Barzanî û Serokatiya Herêma Kurdistanl ji bo tebayî û yekrêzî û karê hevbeş ê partiyên Kurdistanî, bilind nirxand û piştgîriya xwe û Yekgirtûya Îslamî ya Kurdistanê ji bo wan hewlan nîşan da.

Nûçeyên din

D. Salar Osman li Amedê beşdarî du konferansan dibe bi boneya 101-emîn salvegera darvekirina Şêx Seîdê Pîran

TUESDAY, 30 JUNE 2026 00:06:00

Amed-KDP.info :Roja yekşem û duşemê 28 û 29ê Hezîrana 2026an, li bajarê Amedê yê Bakurê Kurdistanê, konferansek taybet bi mebesta bîranîna 101-emîn salvegera darvekirina (Şêx Seîdê Pîran) û hevalên wî birêve çû, ku tê de d. Salar Osman, Berpirsê Beşa Rewşenbîrî û Ragihandina P.D.K. wek nûnerê Herêma Kurdistanê beşdarî tê de kir.

Serokê Herêma Kurdistanê pêşwaziya şandeke parlamena Kanadayê kir

SUNDAY, 28 JUNE 2026 23:06:22

Hewlêr-KDP.info : îro Yekşemê 28/06/2026an, rêzdar Nêçîrvan Barzanî, Serokê Herêma Kurdistanê, pêşwaziya şandeke Koma Dostaniya Kanadî-Kurdî ya li parlamena Kanadayê kir ku ji birêzan Ahmed Hussen, Serokê Komîsyona Karên Derve ya Parlamenê û Ziad Ebultayf, endamê parlamenê, pêk hatibû.

PDK ji aliyan re: Werin em pabendî rêçareyên ku li Parlamena Kurdistanê tê pesendkirin bin

SATURDAY, 27 JUNE 2026 23:06:53

Hewlêr-KDP.info : îro 27ê Hezîrana 2026an , Polîtburoya Partiya Demokrat a Kurdistanê (PDK) peyameke arasteyî aliyên siyasî û daxwaz kir ku parlamen were aktîvkirin. PDK tekez dike ku divê parlamenter li nav hola parlamenê berpirsyariya gotûbêjeke berhemdar û dîtina rêçareyan bigirin ser milê xwe.

Mesrûr Barzanî tekezî li ser pêşxistina peywendiyên Kurdistan û Kanadayê kir

TUESDAY, 23 JUNE 2026 20:06:14

Hewlêr-KDP.info : îro 23ê Hezîrana 2026an,Serokwezîr Mesrûr Barzanîpêşwazî li şandeke Grûpa Dostayetiya Kanada-Kurdî ya Perlemana Kanadayê kir.

Serokê Herêma Kurdistanê pêşwaziya Balyozê Rûsyayê kir

TUESDAY, 23 JUNE 2026 20:06:37

Hewlêr-KDP.info : îro sêşemê 23.06.2026an, rêzdar Nêçîrvan Barzanî, Serokê Herêma Kurdistanê, di civînekê de ligel birêz Elbrus Kutrashev, Balyozê Rûsyayê li Iraqê, tekez li ser hevkariya hevbeş a Rûsyayê ligel Iraq û Herêma Kurdistanê kirin.

Peyamek ji Serok Barzanî

Hewlêr-KDP: Serok Barzanî êrişa li ser hêzên Pêşmergeyan "bi tundî" şermezar kir û ragihand, ew êrişeke dijminane ye û ti hincetê ranagire.

Peyamek ji Serokê Herêma Kurdistanê

Hewlêr-KDP.info: Serokê Herêma Kurdistanê Nêçîrvan Barzanî bi tundî êrîşên mûşekî yên Îranê yên li ser hêzên Pêşmerge şermezar kirin û ev êrîş wekî "destdirêjiyeke dijminane ya rasterast li ser serweriya welat" pênase kir.

Peyama Serokê Herêma Kurdistanê ji bo Newroza Amedê

Hewlêr-KDP.info: Îro Şemî 21/3/2026an, birêz Nêçîrvan Barzanî, Serokê Herêma Kurdistanê, peyamek pêşkêşî şahiya Newrozê ya Amedê kir. Di peyamê de tevî pîrozkirina Newrozê û sersala nû ya Kurdî, tekezî li ser girîngiya serêxistina aştiyê li Tirkiyê kir.