“Bila PKK ji Şingalê derkeve û Şingal jî nebe meydana şerê PKK û Tirkiyê”

Nûçe yên PDK ■ Kurdistanî ■ Iraqî û Navdewletî

Media ya PDK ■ Media ya Kurdistanê ■ Media ya Derve

WED, 6 NOV 2019 19:45 | KDP.info

Şingal-KDP.info- Fermandarê Hêzên Pêşmerge li Şingalê Qasim Şeşo dibêje, di nava 2 rojên derbasbûyî de balafirên Tirkiyê 5 carî li Şingalê dane û gelek ziyanên canî û madî li pey xwe hiştine. Herwiha dibêje, bila PKK dest ji Şingalê berde û wek Rojavayê Kurdistanê li Şingalê jî neyê.

Qasim Şeşo ji malpera KDP.info re ragihand: “PKK bûye belayeke mezin li ser serê Şingalê. Berdewam kêşe û pirsgirêkan ji me re derdixin. Tenê di nava 2 rojan de 5 caran balafirên Tirkiyê li Şingalê dane, ew ji ber hebûna PKK li navçeyê, lewma pêwîst e PKK ji Şingalê derkeve.”

Şeşo wiha got: “Pêwîst e PKK rewşa Şingalê li ber çav bigre û nehêle tişta ku hat serê Rojavayê Kurdistanê bê serê Şingalê jî. Hikûmeta Iraqê jî li hemberî wê pirsê kêmxem e û ti helwesta wê tune ye. Berdewam behsa Şingalê dikin lê dema pirsgirêk mezin dibe hemû xwe jê dûr dikin. Hikûmeta Iraqê di ber wê rewşê de berpirsyar e.”

Ji aliyê xwe ve, Mehma Xelîl ku siyasetmedarekî Şingalê ye, ji malpera KDP.info re ragihand: “Şingal bûye meydana hevrikiya siyasî ya PKK û Tirkiyê. Pêwîst e PKK ji Şingalê derkeve. Ji ber ku Şingal bi xwe rastî jenosîdekê hatiye û qurbaniyeke mezin daye, êdî Şingal nikare tehemila şerekî din bike.”

Xelîl wiha got: “Pêwîst e herdû alî dûr ji Şingalê lihev bikin û Şingalê nekin meydana şerê xwe. Bila ew şer bidawî were û taybetmendiya Şingalê li ber çav bê girtin.”

Nûçeyên din

Serokê Herêma Kurdistanê pêşwaziya şandeke parlamena Kanadayê kir

SUNDAY, 28 JUNE 2026 23:06:22

Hewlêr-KDP.info : îro Yekşemê 28/06/2026an, rêzdar Nêçîrvan Barzanî, Serokê Herêma Kurdistanê, pêşwaziya şandeke Koma Dostaniya Kanadî-Kurdî ya li parlamena Kanadayê kir ku ji birêzan Ahmed Hussen, Serokê Komîsyona Karên Derve ya Parlamenê û Ziad Ebultayf, endamê parlamenê, pêk hatibû.

PDK ji aliyan re: Werin em pabendî rêçareyên ku li Parlamena Kurdistanê tê pesendkirin bin

SATURDAY, 27 JUNE 2026 23:06:53

Hewlêr-KDP.info : îro 27ê Hezîrana 2026an , Polîtburoya Partiya Demokrat a Kurdistanê (PDK) peyameke arasteyî aliyên siyasî û daxwaz kir ku parlamen were aktîvkirin. PDK tekez dike ku divê parlamenter li nav hola parlamenê berpirsyariya gotûbêjeke berhemdar û dîtina rêçareyan bigirin ser milê xwe.

Mesrûr Barzanî tekezî li ser pêşxistina peywendiyên Kurdistan û Kanadayê kir

TUESDAY, 23 JUNE 2026 20:06:14

Hewlêr-KDP.info : îro 23ê Hezîrana 2026an,Serokwezîr Mesrûr Barzanîpêşwazî li şandeke Grûpa Dostayetiya Kanada-Kurdî ya Perlemana Kanadayê kir.

Serokê Herêma Kurdistanê pêşwaziya Balyozê Rûsyayê kir

TUESDAY, 23 JUNE 2026 20:06:37

Hewlêr-KDP.info : îro sêşemê 23.06.2026an, rêzdar Nêçîrvan Barzanî, Serokê Herêma Kurdistanê, di civînekê de ligel birêz Elbrus Kutrashev, Balyozê Rûsyayê li Iraqê, tekez li ser hevkariya hevbeş a Rûsyayê ligel Iraq û Herêma Kurdistanê kirin.

PDK: Em nûnertiya piraniyê dikin û dest ji mafên gel bernadin

MONDAY, 22 JUNE 2026 23:06:00

Hewlêr-KDP.info :Berdevkê Partiya Demokrat a Kurdistanê (PDK) Mehmûd Mihemmed di daxuyaniyekê de bersiva axaftinên berdevkê Yekîtiya Nîştimanî ya Kurdistanê (YNK) dide û radigihîne ku YNKê ji bo rêgirtina li pêkanîna kabîneya dehem, dest bi kuştina demê kiriye.

Peyamek ji Serok Barzanî

Hewlêr-KDP: Serok Barzanî êrişa li ser hêzên Pêşmergeyan "bi tundî" şermezar kir û ragihand, ew êrişeke dijminane ye û ti hincetê ranagire.

Peyamek ji Serokê Herêma Kurdistanê

Hewlêr-KDP.info: Serokê Herêma Kurdistanê Nêçîrvan Barzanî bi tundî êrîşên mûşekî yên Îranê yên li ser hêzên Pêşmerge şermezar kirin û ev êrîş wekî "destdirêjiyeke dijminane ya rasterast li ser serweriya welat" pênase kir.

Peyama Serokê Herêma Kurdistanê ji bo Newroza Amedê

Hewlêr-KDP.info: Îro Şemî 21/3/2026an, birêz Nêçîrvan Barzanî, Serokê Herêma Kurdistanê, peyamek pêşkêşî şahiya Newrozê ya Amedê kir. Di peyamê de tevî pîrozkirina Newrozê û sersala nû ya Kurdî, tekezî li ser girîngiya serêxistina aştiyê li Tirkiyê kir.