دهۆک-KDP.info- سوپاسالارێ بەرێ یێ ئیراقێ دبێژیت، داعش ل سووریا جارەکا دی سەرهەلدایەڤە و دێ بیتە گەڤەکە مەزن بۆ ئیراقێ ژی.
بابەکر زێباری، بۆ ماڵپەری فەرمیی یێ پارتی دیموکراتی کوردستان گۆت: ''هیشتا ئەو شانەیێن تیرۆری یێن داعش ل سووریا و ئیراقێ ب دوماهیک نەهاتین، نها جارەکا دی داعشێ دەست ب چالاکیێن خۆ کریە و دووبارە خۆ رێک خستییە."
ناڤهاتی گۆت ژی: ''ئەو بوویەرێن ل قامشلۆ و حەسەکێ دروست بووین، ئەڤە رامانا هندێ یە کو ب شێوەیەکی ئاشکەرا کارێن خۆیێن تیرۆری دکەت."
دیار ژی کر، دبێت ژ ئەگەرێ شەڕی ل رۆژئاڤا چێ دبت و تۆپبارانا فرۆکەیان ئەو داعشە بەرەڤ ئاخا ئیراقێ ڤە ژی بهێن، ئەڤە ژی دێ بیتە گەڤ ل سەر دەڤەرێن سنووریێن ئیراقێ.
کــاروان بــاعەدری