Serok Barzanî bo HDP: Ji bo çareseriya pirsa Kurd li Tirkiyê çi ji destê min bê ezê bikim

Nûçe yên PDK ■ Kurdistanî ■ Iraqî û Navdewletî

Media ya PDK ■ Media ya Kurdistanê ■ Media ya Derve

SAT, 7 SEP 2019 19:27 | KDP.info

Hewlêr-KDP.info- Serok Mesûd Barzanî pêşwaziya Hevserok û şandeke pilebilind ji Partiya HDP kir û di wê hevdîtinê de şanda mêvan daxwaz ji Serok Barzanî kir ku rola xwe bibîne di çareseriya aştiyane ya pirsa Kurd de. Serok Barzanî jî ji şanda mêvan re got, ji bo çareseriya pirsa Kurd li Tirkiyê û li perçeyên din ên Kurdistanê çi ji destê wî bê dê bike.

Îro Şemiya 07.09.2019 li Selaheddîn Serok Mesûd Barzanî pêşwaziya Sezayî Temellî Hevserokê Partiya Demokrasiya Gelan (HDP) û Cîgirê Hevserok û hejmarek ji Parlamenterên wê partiyê yê di Paralamentoya Tirkiye de kir.

Di hevdîtinê de Hevserokê HDP pêzanînên xwe ji bo rola Serok Barzanî di hevkêşeyên siyasî yên li Rojhilata Navîn û xebat û pêşxistina doza rewa ya gelê Kurd de hebû.

Herwiha şanda mêvan bi kurtî rewşa siyasî ya Tirkiyê û kêşeya gelê Kurd li wî welatî û siyaset û nêrîna partiya xwe ya li ser çawayiya çareserkirina pirsa Kurd û bidestxistina aştî û tebayî di navbera gelên navçeyê de û bi destxistina yekrêzî û yekgotariya aliyên Kurdî, ji bo Serok Barzanî şîrove kir. Şanda HDPê, daxwaz jî kir ku Serok Barzanî bi biberçavgirtina wê rol û pêgeha xwe ya ku li nava Kurdistanê û navçeyê heye, alîkariya çareseriya aştiyane û siyasî ya pirsa Kurd bide.

Ji aliyê xwe ve Serok Barzanî serdana şanda HDP ya ji bo Herêma Kurdistanê bi girîng da zanîn û got jibilî ku li her perçeyeke Kurdistanê taybetmendiya xwe heye, herwiha ji bo dûrketina ji aloziyan pêwîst e aliyên Kurdî wan taybetmendiyan liberçav bigrin ku li her beşekî Kurdistanê de heye.

Serok Barzanî tekez jî li ser wê yekê kir ku ti pirsgirêkek di nav de jî pirsa gelê Kurd bi şer û tundiyê nayê çareserkirin û di dawiyê de jî divê çareseriya siyasî û aştiyane biser bikeve.

Serok Barzanî di dirêjahiya axaftina xwe de ew yek ji şanda mêhvan re got ku ji bo alîkariya çareseriya aştiyane ya pirsa Kurd li Tirkiyê û peçeyên din ên Kurdistanê ew qet texsîriyê nake û ji bo vê mebestê jî tişta ku ji destê wî bê ewê bike.

Serok Barzanî daxwaz jî ji şanda HDPê kir ku jibilî aloziyan û hebûna giriftên kûr bi ti awayekî ji çareseriya aştiye bêhêvî nebin û rê jî nedin ku hebûna nakokiyên siyasî bibe sedema serhildana nakokiya neteweyî di navbera Kurd û Tirkan de.

Nûçeyên din

Mesrûr Barzanî: Hikûmeta Herêma Kurdistanê her dem piştevana mafên rewa yên Êzidiyan e

TUESDAY, 06 OCTOBER 2026 16:10:04

Hewlêr-KDP.info: îro 6ê Cotmehê, Serokwezîrê Herêma Kurdistanê Mesrûr Barzanî, bi boneya Cejna Cemayê peyameke pîrozbahiyê arasteyî xwişk û birayên Êzidî yên li Kurdistan û cîhanê kir.

Peyama Serok Barzanî bo Cejna Cema ya Kurdên Êzdî

TUESDAY, 06 OCTOBER 2026 15:10:04

Hewlêr-KDP.info: îro 6ê Cotmeha 2026an ,Serok Barzanî peyameke pîrozbahiyê bi boneya Cejna Cemayê arasteyî xwişk û birayên Êzidî yên li Kurdistan û cîhanê kir û hêvî xwast ku hemû cejn û helkeftên xwe di nav aramî û tenahiyê de biborînin. Herwiha Serok Barzanî xwişk û birayên êzidî piştrast dike ku ew ê her tim piştevanê parastina maf û daxwazên wan ên rewa be.

Mesrûr Barzanî: Me ji bo avakirina hikûmetê destê dostaniyê ji bo hemû aliyan dirêj kiriye

MONDAY, 05 OCTOBER 2026 21:10:37

Dihok-KDP.info: îro Duşem, 05ê Cotmeha 2026ê bi amadebûna Serokwezîrê Herêma Kurdistanê Mesrûr Barzanî, ahenga derçûnê ya gera 31ê ya Zanîngeha Dihokê tê lidarxistin, ku tê de sê hezar û 98 şagird ji 20 kolêjên cuda cuda bawernameyan werdigirin.

Serok Barzanî û Parêzgarê Selahedînê rewşa siyasî ya Îraqê nîqaş kir

MONDAY, 05 OCTOBER 2026 21:10:05

Hewlêr-KDP.info: îro Duşem, 05ê Cotmeha 2026ê ,Serok Barzanî pêşwazî li Parêzgarê Selahedînê kir û di wê hevdîtinê de bal kişand ser hevahengiya di navbera parêzgehên Îraqê de.

Mesrûr Barzanî pêşwazî li Balyozê Kroatyayê yê li Iraqê kir

SUNDAY, 04 OCTOBER 2026 19:10:00

Hewlêr-KDP.info: Serokwezîrê Herêma Kurdistanê tekezî li ser bihêzkirina peywendiyên dualî yên di navbera Herêma Kurdistanê û Kroatyayê de dike

Peyama Serok Barzanî bi boneya 80emîn salvegera damezrandina Partiya Demokrat a Kurdistanê

Hewlêr-KDP.info: Serok Mesûd Barzanî bi helkefta 16ê Tebaxê salvegera jidayikbûna xwe û salvegera 80ê ya damezrandina Partiya Demokrat a Kurdistanê (PDK) peyameke pîrozbahiyê belav kir û tê de ragihand: "PDK di dîrok, niha û paşerojê de alavek e ji bo xizmetkirina xelkî û bicîhanîna amanc û behayên neteweyî û nîştimanî."

Peyamek ji Serok Barzanî

Hewlêr-KDP: Serok Barzanî êrişa li ser hêzên Pêşmergeyan "bi tundî" şermezar kir û ragihand, ew êrişeke dijminane ye û ti hincetê ranagire.

Peyamek ji Serokê Herêma Kurdistanê

Hewlêr-KDP.info: Serokê Herêma Kurdistanê Nêçîrvan Barzanî bi tundî êrîşên mûşekî yên Îranê yên li ser hêzên Pêşmerge şermezar kirin û ev êrîş wekî "destdirêjiyeke dijminane ya rasterast li ser serweriya welat" pênase kir.