Kurdî  ■  كوردی  ■  عربي
SAT, 29 NOV 2025 15:16 Erbil, GMT +3
Partiya Dîmukrat a Kurdistanê
Azadî  .  Dîmukrasî  .  Dadperwerî
 

Serokatiya Kurdistanê ji Iraqê daxwaza qerebûkirina qurbaniyên Enfalê dike
| KDP.info



Hewlêr-KDP.info- Bi salvegera enfalkirina navçeyên Badînanê, Serokatiya Herêma Kurdistanê daxwaza qerebûkirina qurbaniyan ji Hikûmeta Iraqê dike.

Îro 31yemîn e ji salvegera enfalkirina xelkê devera Behdînan ji aliyê rêjîma Beis a Iraqê ve hatiye kirin. Serokatiya Herêma Kurdistanê bi vê boneyê peyamek belav kir û daxwaz ji Hikûmeta Iraqê kir mexdûrên enfalê qerebû bike.

Ev jî tekesta wê peyamê ye:

“Di çarçoveya operasyona komkujiya enfalê de, ku sala 1988 ji aliyê rêjîma Beis ve li hember xelkê sivîl yê Herêma Kurdistanê hat kirin û di encamê de zêdetirî 180 hezar welatiyên Kurdistanê hatin wendakirin û şehîdkirin û bi hezaran gundên Kurdistanê hatin wêrankirin, em îro enfala Behdînan bibîr tînin.

Enfala Behdînan di dûmahîka pêla enfalê de hat kirin. Ji roja 25 Tebaxa 1988 heta 6 Îlona heman salê tevahiya navçeyên devera Behdînan da ber xwe. Di wê operasyonê de ku pênc tabûrên artêşê beşdar bibûn, ji kîmyabarana gundan û xelkê bigire heta girtin, kuştin, sirgûnkirin, wêrankirina mizgeftan û dêr û cihên din hatin kirin. Yên ku rizgar jî bûn reviyan Îran, Tirkiye û welatên din.

Em bi rêz û hurmet şehîdên enfala Behdînan bibîr tînin û dîsa daxwaz ji hikûmeta Iraqê dikin, li ser esasê fermana dadgeha bilind ya tawanan ya Iraqê, ku enfal wek sûcên dijmirovî û jenosayd hatiye qebûlkirin, wezîfeya xwe ya qanûnî û exlaqî bicîh bîne û mexdûrên enfalê qerebû bike. Her wiha em daxwaz ji hikûmeta Herêma Kurdistanê jî dikin zêdetir xizmeta mexdûrên enfalê bike û pêdaçûnê li dû windabûyan bike yek ji karên xwe yên pêşîne.”




Nûçeyên din

Serok Barzanî li parêzgeha Şirnexê beşdariya çaremîn Sempozyûma Melayê Cizîrî Kir

SATURDAY, 29 NOVEMBER 2025 13:11:31

Şirnex- KDP.info: Roja Şemiyê 29ê Mijdara 2025an, di serdanekê de Serok Barzanî gihîşt parêzgeha Şirnexê û ji aliyê Cîgirê Wezîrê Navxwe yê Tirkiyeyê Munir Karaloglu, Waliyê Şirnexê Birol Ekici û Berpirsê Şaredariyên Şirnexê Mehmet Yarka ve bi germî hat pêşwazîkirin. Serok Barzanî li wir da beşdariya çaremîn sempozyûma Melayê Cizîrî li parêzgeha Şirnexê bû, ku bi amadebûna hejmareke zêde ya zana, lêkolîner, akademîsyen û berpirsên siyasî û îdarî birêve çû û gotarek pêşkêşî amadebûyan kir.

 

 

Daxuyaniyek ji Baregeha Barzanî

THURSDAY, 27 NOVEMBER 2025 20:11:15

Hewlêr-KDP.info: Baregayê Barzanî ragihandinek li ser êrîşa li ser Zeviya Gazê ya Kormorê weşand, ev jî tekista wê ye:

 
Serokê Herêma Kurdistanê Êrîşa li ser Kormorê Şermezar Kir

THURSDAY, 27 NOVEMBER 2025 12:11:00

Hewlêr-KDP.info: Nêçîrvan Barzanî êrişa li Qada Gazê ya Kormorê şermezar kir û ragihand ku ew êriş gefeke rasterast a li ser asayîş û aramiya welêt e.

Serokê Herêma Kurdistanê û Berpirsê Karûbarê Balyozxaneya Amerîkayê Civiyan

TUESDAY, 25 NOVEMBER 2025 19:11:27

Hewlêr-KDP.info: Piştî nîvroya îro Sêşemê 25.11.2025 rêzdar Nêçîrvan Barzanî, Serokê Herêma Kurdistanê, pêşwaziya birêz Joshua Harris, Berpirsê Karûbarê Balyozxaneya Amerîkayê li Iraqê û şandeke pêre kir.

Serok Barzanî Pêşwaziya Balyozê Fransayê li Bexdayê Kir

TUESDAY, 25 NOVEMBER 2025 19:11:09

Hewlêr-KDP.info: Roja Sêşemê, 25ê Mijdara 2025an, Serok Mesûd Barzanî li Pîrmamê pêşwaziya birêz Patrick Durel, Balyozê Fransayê li Bexdayê, kir.



 
© 2023 Kurdistan Democratic Party, KDP

Contact