دهۆک-KDP.info- بەرپرسێ نڤیسنگەها رزگارکرنا رەڤاندییان ل پارێزگەها دهۆکێ دیارکرن، نڤیسینگەها وان شیان 3 کەسان ژ دەستێ ریکخراوا تیرۆری یا داعشێ رزگاربکەن.
ل ٣ـێ ئابا ٢٠١٤ـێ، داعشێ ئێرشی شنگالێ کر، و تەڤکوژی ل دژی خەلکێ وی باژاری ئەنجامدا، هەیا نها ئەو تەڤکووژی ب ''جینۆساید'' نە هاتیە ب ناسکرن.
حسێن قائیدی د داخوییانیەکێ دا بۆ ماڵپەرێ فەرمیی یێ پارتی دیموکراتی کوردستان خویاکر:'' سەرەرایی ڕاگەهاندنا نەمانا داعشێ ل سوریا و ئیراقێ، بەلێ هەتا نها زێدەتری ٢٩٠٠ کەسێن ئێزدی ددەستێ داعشێ دا ماینە، و لێگەریان ب دووڤ واندا یە بەردەوامە، و تیمێن مە بەردەوام کار ژبۆ رزگارکرنێ دکەن.
ناڤهاتی دبێژیت ژی:'' ئەو 3 کەسێن هاتینە رزگارکرن، ئەڤە بۆ ماوەیێ زێدەتر ژ 5 ساڵانە ددەستێ وێ ریکخراوێ دا، و خەلکێ گوندێ کۆچۆ نە. دیار ژی کر، نێچیرڤان بارزانی بریار دایە هەتا کو ئێک کەس ژی ددەستێ هۆڤێن داعشێ دا مابیت نڤیسینگەهـ دێ بەردەوام بن ل رزگارکرنێ''.
ل دۆر داوی ئامارێن رزگاربووی و رەڤاندییان قائیدی گۆت:'' هەتا نها زێدەر ژ ٣٤٥٠ کەس هاتینە رزگارکرن، و زێدەتر ژ ٢٩٠٠ کەسان ددەستێ داعشێ دا ماینە''.
کــاروان بــاعەدری